CORREO
RSS
Ti estás aquí > Inicio / Xéneros / Jazz/Blues
Música Jazz/Blues
Garufa Blue Devils Big Band debuta con Barrel House
Xénero: | 24 / 5 / 2016
Unha selección de clásicos do swing conforma a primeira proposta discográfica de Garufa Blue Devils Big Band logo de dous anos de existencia. O conxunto residente do coruñés Garufa Club debuta baixo a dirección de Roberto Somoza cun álbum cheo de swing. Unha vintena de músicos entre trompetas, trombóns, saxos, guitarras, baixo, baterías e cantantes encóntranse para interpretar temas do repertorio de bandas dos anos 30 e 40 así como algúns do éxitos de musicais da época. Bea García e Gabriel Triana poñen voz a temas como Come Fly with Me ou I've Got You Under My Skin. O grupo mantén a súa axenda de actuacións quincenais no local de jazz coruñés e tocará ao vivo o vindeiro 26 de maio.
Mandala é o quinto álbum de Carlos López
Xénero: | 25 / 1 / 2016
Un novo traballo en solitario, o quinto, abre o ano 2016 para o batería de jazz Carlos López. Mandala. No mesmo, o compositor dá un xiro á súa proposta estilística. Segundo explica no seu propio web, as composición "manifestan unha clara deriva cara á tradición do jazz europeo e mesmo do free jazz, sen abandonar por isto claras referencias ao jazz contemporáneo americano". O proxecto, que ve a luz baixo a etiquexa Jazz Activist, conta con colaboracións de once músicos de Berlín e de Amsterdam, onde se gravou, canda a nomes como Virxilio Da Silva, á guitarra, Xavi Torres ao piano ou Joel Illerhag ao contrabajo como formación básica.
Javier Marcos debuta con Ten Dez
Xénero: | 12 / 1 / 2016
Aínda que leva xa anos a se desenvolver como vocalista de jazz, non foi ata o pasado mes de decembro que o vigués Javier Marcos debutou discograficamente. Ten Dez é o título do seu traballo, que ve a luz da man de Freecode Jazz Records e na que o cantante achega o seu bo facer a temas clásicos do jazz con algunha incursión noutros xéneros como a versión que achega de O leãozinho de Caetano Veloso. Canda a el, un cuarteto formado por Rosolino Marinello (saxo e clarinete), Felipe Villar (guitarra), Jose Manuel Díaz (contrabaixo) e Max Gómez (batería) arroupa as súas interpretacións. La Casa de Arriba, en Vigo, acolle esta noite a posta de longo do proxecto.
A crítica internacional louva o último traballo de Sumrrá
Xénero: | 5 / 1 / 2016
O quinto disco do trío Sumrrá, 5 viajes/5 Journeys acaba de ser destacado entre os mellores traballos do ano a nivel internacional. O crítico James Nadal sinala nun artigo para a publicación dixital de referencia All About Jazz a calidade do grupo de Manuel Gutierrez, Xacobe Martínez Antelo e LAR Legido. O álbum, quinto da formación, achega sete temas con nomes de cidades, Sofía, Paris, Johannesbourg, Braga, Santa Cruz, La Paz e Pretoria. Editado por Clermont Music, gravouse ao vivo en Santiago de Compostela.
Javier Prado aposta polo blues en galego con O cadelo lunático
Xénero: | 17 / 12 / 2015
Javier Prado é coñecido polo seu traballo como voz e guitarra de Moondogs Blues Party. Agora, inicia un proxecto paralelo, O Cadelo Lunático, no que aposta polo blues en galego. Malos Tempos é o seu primeiro álbum, no que Prado conta con Belén Tajes para voz e teclado, Olalla Ferga na batería e María Gómez no baixo. No novo proxecto, que edita Inquedanzas Sonoras, o conxunto aposta por un son máis crú para o seu traballo en comparación co que Prado viña facendo na súa banda. En total son once temas nos que as composicións propias combínanse con poemas de Celso Emilio Ferreiro e de Cristina Corral.
O Festival de Jazz de Lugo cumpre 25 anos
Xénero: | 29 / 10 / 2015
Cun concerto homenaxe aos 15 anos da Muralla como Patrimonio da Humanidade, Lugo celebra o seu XXV Festival de Jazz. Entre o 7 e o 30 de novembro o Pub Clavicémbalo, o Círculo das Artes e mais a Casa do Saber acollen máis de trinta concertos como os de Marcos Pin 4 on SIX, Natalia Vicenta, Rudresh Mahanthappa, Ernie Wattas Quartet, Carmen Souza & Theo Pascal ou Nguyên Lê Quintet entre moitos outros. Recitais didácticos, proxeccións de documentais ou unha exposición fotográfica que percorre o cuarto de século deste evento fan tamén parte do programa.
O Jazz in Galiza Series presenta o seu segundo volume
Xénero: | 23 / 6 / 2015
Unha gravación ao vivo no Teatro Principal de Pontevedra en xullo de 2012 é a base de Jazz in Galiza series volume II. Free Code Jazz Records presenta a segunda entrega desta liña na que se amosa o traballo combinado de creadores galegos deste xénero con músicos foráneos. En concreto, nesta ocasión os oito temas que se presentan da man de Virxilio da Silva, Alberto Vilas, Chus Pazos, Corcoran Holt, Xan Campos, Iago Fernández, Javier Pereiro, Max Gómez, Fernando Sánchez e Rosolino Marinello. O volume marca as cen referencias da discográfica que dirixe Paco Charlín.
O Seminario de Jazz de Pontevedra presenta o seu novo disco
Xénero: | 11 / 6 / 2015
Un doble disco con 24 temas recolle o traballo do 13 Seminario Permanente de Jazz de Pontevedra. Trinta e tres músicos amosan o seu bo facer a interpretar dúas ducias de temas que van desde clásicos de Bill Evvnas, Duke Ellington ou Jay Livingston ata composicións de Abe Rábade, Pedro Freijeiro ou Antonio Castillo entre outros. O álbum, que sae editado pola discográfica galega Freecode Jazz Records, gravouse en xuño do pasado ano no Teatro Principal de Pontevedra. Precisamente este espazo acollerá o vindeiro domingo 14 de xuño o concerto fin de curso da décimo cuarta promoción do Seminario.
A presenza galega marca o XI ImaxinaSons
Xénero: | 2 / 6 / 2015
Carlos López Quinteto co proxecto Letters From København, Miguel Lamas Cuarteto, Duology de Marcos Pin e Telmo Fernández e mais a estrea da Orquestra de Jazz de Galicia e do seu primeiro disco. A presenza galega marca a undécima edición fo festival Imaxina Sons, que se celebrará en Vigo entre o 26 de xuño e o 4 de xullo. Canda a estes nomes, destaca a presenza de figuras internacionais como Marc Ribot, Ohad Talmor, María João, L.A.R. Legido, Gil Dionisio ou Eli Gras. No marco do festival celebrarase unha homenaxe aos críticos, recentemente falecidos, homenaxe aos críticos Javier de Cambra e Juan Claudio Cifuentes Cifu. as habituais sesións formativas e
Pablo Vidal Trío debuta con Jazz pagano
Xénero: | 6 / 5 / 2015
O Jazz Filloa acolle ás 10 desta noite a presentación de Jazz pagano o disco co se presenta Pablo Vidal Trío. A formación conta co propio Vidal ao contrabaixo, a quen acompañan Noli Torres na batería e Gabriel Peso a cargo do piano. O álbum, editado por Aldeaglobal sons, achega oito temas dedicados ao mar, e fai parte dunha tetraloxía que o grupo pretende completar no futuro. Canda aos músicos, pódese escoitar a voz de Uxía en O canto da serea e en Alalá das sereas onde se evidencia a intención de traballar nunha fusión entre jazz e tradición galega.
REPORTAXE
Unha escola de improvisación
Data.O Seminario Permanente de Jazz de Pontevedra tira o seu cuarto disco e consolídase como centro de formación neste estilo musical
