Ir ao contido directamente.


Os festivais pequenos salpican de oferta musical o mapa

Xénero: Miscelánea | 26 / 4 / 2019

image not available

Hoxe comeza en Vilalba unha das citas festivaleiras xa consolidadas con éxito no país, o FIV e faino con entradas esgotadas para esta edición. Outros festivais seguen adiantando noticias para este ano á espera de que o público os meta na súa axenda e vaia facéndose tamén coas entradas antes de que se esgoten. Hoxe falamos dun feixe de pequenas e interesantes propostas das que salpican a nosa xeografía. Por orde de celebración o vindeiro do que sinalar novidades é o Touliña Pop, que se celebrará en Sada nunha única xornada o vindeiro 11 de maio. Malia o nome Pop é un encontro de música rock & roll, garaxe, punk, powerpop e soul maiormente. A entrada é de balde aínda que de aforo limitado e xa ten o cartel completo presentado e encabezado pola banda californiana de rock The Lords of Altamont. Dúas formación galegas están na oferta, Thee Blind Crows e Terbutalina. Os británicos The Fuzillis e os madrileños Thee Braindrops e Furies completan o cartel da tarde. Os concertos Terán lugar nunha carpa instalada no Paseo Marítimo de Sada, na Praza Irmáns Picallo.

Uxía obtén o Premio aRi(t)mar á Embaixada da amizade galego-lusófona

Xénero: Miscelánea | 26 / 4 / 2019

image not available

O proxecto aRi(t)mar Galiza e Portugal, que entrega cada ano os seus recoñecementos ás mellores cancións e poemas das dúas bandas da raia, daba a coñecer onte un novo galardón. A cantora Uxía era homenaxeada onte co premio especial do xurado á Embaixada da amizade galego-lusófona. Segundo explica a organización deste certame, "o seu traballo delongado leva abertos novos e múltiples camiños na restauración das pontes dos afectos e do recoñecemento mutuo entre Galiza e a Lusofonía, cun labor permanente de reinserción da cultura galega nese seu verdadeiro espazo natural".

O espectáculo Amantes da Terra lembra a Antonio Fraguas desde a tradición

Xénero: Folk | 26 / 4 / 2019

image not available

A compañía escénica Queiman e Pousa presentaba onte no Museo do Pobo Galego, en Compostela, a proposta coa que queren sumarse ás homenaxes a Antonio Fraguas por mor do Día das Letras. Amantes da Terra é o título do espectáculo que estrearán o vindeiro 4 de maio en Vilalba e no que, canda ao Bruxo Queiman e a Andrea Pousa, participan a Banda de Unión de Lantaño, as do Val da Mahía e de Salvador de Camanzo e mais o grupo de gaitas e baile Foula a sumar un cento de persoas sobre o escenario.

A final dos Premios da Música

Xénero: Miscelánea | 25 / 4 / 2019

image not available

Con moitos nomes familiares os Premios Martín Códax da Música daban a coñecer este mércores 24 de abril a listaxe de finalistas na súa sexta edición. A presentación de candidatos que se celebrou na sede das Adegas Martín Códax en Cambados achegou moitas caras novas canda a proxectos que recuncan entre os favoritos.

Mercedes Peón finalista a mellor disco europeo do 2018 para a revista británica Songlines

Xénero: Fusión | 24 / 4 / 2019

image not available

A revista musical británica Songlines, especializada en músicas do mundo, tradicionais e fusión, e cunha tiraxe en papel de 20.000 exemplares ven de colocar o disco Déixaas(Fol Music, 2018) de Mercedes Peón como finalista entre os catro albumes seleccionados como os mellores da música feita en Europa no pasado ano. Do traballo feito en Songlines recoñece os límites cruzados por Peón en canto aos canons do tradicional e dí: "Mercedes Peón presta á música popular galega unha nova imaxe e carácter contemporáneo. O seu quinto álbum afástase dos arranxos tradicionais en favor dunha paleta de sons que van desde o heavy metal ata o minimalismo abstracto, sobre a cal ela fai xemer con desinhibición a súa poesía enfeitizadora". A portuguesa Mariza, a banda danesa Dreamer’s Circus e o violinista británico Sam Sweeney so os outros tres finalistas nesta categoría europea. O vindeiro 10 de maio coñecerase a decisión do xurado conformado por un panel internacional de xornalistas especializados.

Un documental en liña repasa a historia musical de Vigo

Xénero: Miscelánea | 24 / 4 / 2019

image not available

Un repaso pola escena musical viguesa dos últimos corenta anos, desde a explosión da movida nos anos 80 ata hoxe. Esta é a proposta que fan Pablo Vázquez e Denis Carballás no documental Cuna de músicos, que está dispoñible na rede desde o pasado 19 de abril. A obra, que xurdiu como un proxecto fin de carreira en Comunicación Audiovisual, recolle testemuños en primeira persoa de Julián Hernández, Germán Fandiño, Nicolás Pastoriza, Eladio Santos, Suso Hidalgo (Discos Elepé), Javier Abreu, Óscar Avendaño, Miguel Costas, Indy Tumbita, Fran Fernández ou Quique Rodríguez entre outros. O proxecto estrouse en 2017 e foi seleccionado para o festival Cineuropa.

Xacobe Martínez Antelo presenta 'Capturas'

Xénero: Jazz/Blues | 23 / 4 / 2019

XMA_Trio_capturas.jpg

O contrabaixista compostelán Xacobe Martínez Antelo presenta o seu novo traballo discográfico como líder de formación. Capturas (autoeditado, 2019) é o segundo disco gravado en formación de trio, existindo outros dous gravados en formación de cuarteto e quinteto. O batería Max Gómez repite nesta formación con Martínez Antelo e complétase o trío co saxo tenor de Xosé Miguelez. Capturas presenta oito temas de composición propia de Xacobe Martínez. Un traballo profundo, maduro e que está ancorado no rpesente como o demostran os títulos das pezas, desde A política lingüística de Alberte co que abre o disco a Conciliade malditos, Non alimenten ó Troll ou O precariado. Composicións todas elas orixinais e inspirada en feito cotiáns e realidades agresivas que forman parte do actual contexto vital. O disco, presentado en formato digi-pack, foi gravado, mesturado e masterizado este pasado mes de marzo nos estudos Savik Sound de José Trincado, "Triqui", un sitio habitual de músicos de jazz e onde Martínez Antelo xa ten gravado outros traballos. O disco está en plataformas dixitais e pode adquirirse no web de Martínez Antelo.

Maryland presentan o seu cuarto disco 'Resplandor'

Xénero: Pop | 22 / 4 / 2019

resplandor_maryland.jpg

A banda viguesa Maryland está a presentar os temas do seu cuarto disco longo, Resplandor (Subterfuge, 2018). Despois de tres disco editados co selo galego Ernie o grupo ficah agora polo selo indpendente madrileño Subterfuge, un referente da esena independente española no que tamén editan bandas como Corizonas, Cycle ou Viva Suecia entre outros. Dez anos despois dos seus inicios musicais e con máis de 250 concertos ás costas Maryland volve apostar por cantar en castelán igual que no seu anterior traballo Los Años Muertos (Ernie, 2013) tras dous primeiros discos cantados en inglés. Dez temas de power pop de guitarra, enerxético e mantendo a frescura malia a condición veterana da banda. O disco, que sae en CD e en vinilo, está producido por eles mesmos e foi gravado por Pancho Suarez de Lis nos Estudios Planta Sonica II de Vigo e mesturado por Santi García nos Estudios Ultramarinos de Sant Feliu de Guixols. As letras falan de continuidade e do paso do tempo, normal dado o longo período de cinco anos pasados tras o anterior traballo. A banda está actualmente formada por catro compoñentes: os irmáns Rubén e Pablo Castelo Moure, Alex Penido (ex- The Blows, ex-Igloo, etc) e Erick Puccioni Gerke. Tras presentar en concerto en La Fábrica de Chocolate da súa cidade agora a banda iniciará unha xira de concertos.

A instantánea da música de 2019

Xénero: Miscelánea | 22 / 4 / 2019

image not available

Cun nivel de participación estabilizado, as inscricións dos Premios da Música amosan unha progresiva perda da preponderancia do Rock. Fronte a esta tendencia, destaca a emerxencia da Canción de Autor e a estabilidade de diferentes categorías, cun bloque de raíz que iguala en peso os sons máis roqueiros.

 

 

 

Sponsored Links: No Frills Flyer, Freshco Flyer, Food Basics Flyer, Walmart Flyer, Giant Tiger Flyer