CORREO
RSS
Ti estás aquí > Inicio / Xéneros / Folk
Música Folk
Unha publicación compila partituras e audios de pezas tradicionais para gaita e percusión
Xénero: | 30 / 3 / 2011
Un botón de balance. Esta é toda a tecnoloxía que se precisa dun reprodutor de música para poder sacarlle o máximo partido o segundo volumen de Pel & Madeira. Trátase dun libro que contén partituras (impresas e en pdf) e gravacións (en CD) que permite escoitar separadamente cada un dos instrumentos. Deste xeito cúmprese coa finalidade didáctica que ten esta colección que a editora Dos Acordes creou en 2008 co obxecto de darlle un novo enfoque de estudo dos instrumentos tradicionais. Nesta ocasión, coa colaboración financeira da Agadic, céntrase na gaita e na percusión, con 30 pezas tradicionais. A colección toma o nome dos materiais cos que están construídos a maioría dos instrumentos da tradición musical galega e a colección pretende abrirse, no futuro, a outros como zanfoña, requinta, trompa ou pandeira.
A asociación cultural Leña Verde de Pol presenta o seu terceiro disco
Xénero: | 15 / 3 / 2011
Con máis de 15 anos de traballo detrás a asociación cultura Leña Verde de Pol ven de presentar no Pazo de San Marcos da Deputación de Lugo o que é o seu terceiro disco A contratempo. Leña Verde está dedicada á promoción e recuperación do patrimonio inmaterial cultural galego, nomeadamente o musical e o seu grupo de folk mestura a música tradicional con arranxos propios e influencias de outras músicas do mundo, neste terceiro traballo o grupo gravou temas tradicionais así como composicións propias e é a primeira vez que contan con pezas cantadas, na voz de Noemi Basanta e Begoña Coya. Ademais, o disco ten a colaboración de moitas persoas como Naír García, membro do grupo de baile, ou o cantautor Dani Flaco, e os músicos Xaneco Tubío e Bruno Villamor e a gravación do disco, que se realizou nos estudos de Óscar Trigo. No acto de presentación o vicepresidente da Deputación de Lugo, Antón Bao, comprometeu a actuación de Leña Verde nos Xardíns da Deputación dentro do ciclo de actuacións de verán “Cultura Aberta nos Xardíns da Deputación”. O disco pode mercarse na tenda virtual da asociación.
Doce anos de festa
Xénero: | 2 / 3 / 2011
Once anos mallando é o título do novo disco de Quempallou. O grupo, referente do folk máis bailable no noso país, bota man dos seus tres lanzamentos anteriores para artellar unha selección de temas na que se pode percibir a evolución artística do seu son. No entanto, malia a esta ollada atrás, a formación non para e anuncia que despois do verán comezarán a gravar un novo álbum. Roi Maceda, acordeón do grupo, explícanos como se xestou este disco e como se desenvolveu unha carreira que, malia ao título, comezou hai doce anos.
Ourense lembra a Faustino Santalices cunha exposición e un congreso
Xénero: | 22 / 2 / 2011
O inestimable traballo de Faustino Santalices na recuperación de instrumentos populares como a zanfona e as gaitas, ou na divulgación do toque fechado para este insturmento, está a ter estes días recoñecemento na Cidade de Ourense. O Museo Municipal acolle a exposición Ciencia da gaita, Consciencia da zanfona, que se complementará o vindeiro días 26 cun concerto de zanfona e cun congreso sobre estas cuestións que se celebrará os días 11 e 12 de marzo coa participación de 14 investigadores.
Carlos Núñez leva o Premio da Crítica alemá
Xénero: | 17 / 2 / 2011
Logo de dar trinta concertos na súa xira por Alemaña e Suíza, Carlos Núñez acaba de recibir o Premio da Crítica alemá polo seu disco Alborada do Brasil. O xurado do galardón calificou o traballo como "obra artísica excepcional". Núñez estreará o vindeiro mes O soño de Brasil, un documental relacionado con este proxecto e dará a coñecer a música que realizou para o ballet Grupo Corpo, deste país, que lle dedica a Martín Codax o seu último espectáculo.
Mercedes Peón e SondeSeu comparten o Premio Opinión a mellor disco folk do ano
Xénero: | 14 / 2 / 2011
É un premio que conceden os críticos musicais de diferentes medios de comunicación, desde Radio 3 ata Tempos Novos pasando por La Opinión (medio convocante deste concurso) ao mellor disco folk do ano. A décima edicións dos Premios Opinión recaeu “ex aequo” en Mercedes Peón e SondeSeu polos seus traballos Sós e Barlovento. Ambos discos recibiron 15 puntos nunha votación na que Berrogüetto (co disco Kosmogonías) quedou terceiro con 11 votos.
Comeza a segunda edición da Rede de Festivais Infantís de Folclore
Xénero: | 9 / 2 / 2011
Coordinar unha serie de encontros no que as seccións infantis de diferentes grupos de baile tradicional se atopen. Esta é a idea coa que botou a andar o pasado ano, a Rede de Festivais Infantís de Folclore. A pasada semana vinte colectivos de Pontevedra e de Ourense reuníanse en Moaña para pór en marcha a segunda edición deste ciclo, que pretende pór de relevo o traballo dos máis novos arredor da música tradicional e facer do noso patrimonio musical un punto de encontro entre rapaces e rapazas de diferentes localidades.
As cancións perdidas do pazo
Xénero: | 2 / 2 / 2011
Recentemente, a editorial Dos Acordes tiraba a luz Ayes de mi país. O cancioneiro de Marcial Valladares. A obra, cun estudo crítico de José Luís do Pico Orjais e Isabel Rei Sanmartim, recupera o traballo deste coñecido autor do Rexurdimento e amosa un novo aspecto do seu traballo. E é que Valladares foi un pioneiro na recuperación da música popular galega, e na súa obra atopamos a fusión entre o mundo pacego e as cancións tradicionais.
O que non toca é porque non quere
Xénero: | 1 / 2 / 2011
Chifres de pedra, petardos, trompas feitas con cortiza de castiñeiro, estraños aparellos representados en esculturas románicas... A creatividade dos galegos para facer música é asombrosa. Agora, o web Os instrumentos musicais na tradición galega pon na rede, da man do Arquivo Sonoro do Consello da Cultura, o traballo homónimo de Pablo Carpintero e recolle máis de 150 formas diferentes de facer música rexistradas no noso patrimonio. Coñece neste proxecto como tocar, e fabricar, algúns dos instrumentos máis orixinais.
O CCG presenta Os instrumentos musicais na tradición galega, un amplo catálogo da etnografía musical do país
Xénero: | 28 / 1 / 2011
O Consello da Cultura Galega presentou hoxe pola mañá Os instrumentos musicais na tradición galega, unha ampla versión interactiva e multimedia do libro orixinal editado polo Proxecto Ronsel coa autoría de Pablo Carpintero, un dos maiores expertos mundiais en patrimonio inmaterial. O Arquivo Sonoro de Galicia promoveu esta ambiciosa web que permite coñecer en detalle máis de 150 instrumentos do acervo tradicional de Galicia, a súa historia, os seus sons, e mesmo os procedementos de elaboración.
novidades discográficas
Alvela
FAIA
Feira
De Ninghures
Tradimensional
Ailá
Vinde todas
Carmela
BâNZô
Os do Fondo da Barra
REPORTAXE
Aprender das cantigas
Data.Antón Castro aproveita a nosa música tradicional para ensinar solfexo aos seus alumnos
