MeGA

María do Ceo presenta un novo disco no que viaxa musicalmente entre Camariñas e Lisboa

Xénero: Melódica | 11 / 9 / 2007

A cantante luso-galega María do Ceo presentará este mércores , día 12, ás 12 da mañá, no Café Isaac, de Ourense o seu novo disco “Tan lonxe Tão lonxe”. No seu sétimo disco, a fadista nacida en Oporto presenta unha dúcia de temas nas que fai “unha viaxe de Camariñas a Lisboa” recollendo estilos e ritmos diferentes de cada lugar. O disco conta cunha presentación, a xeito de prólogo, escrita po Patricia Kraus. A cantante ten en proceso un seguinte traballo discográfico previsto para a primavera do 2008 que levará por título Moraima e no que cantará poemas de Curros Enrriquez, Celso Emilio Ferreiro, etc.

A Sala Capitol de Compostela poderá cancelar a súa programación musical

Xénero: Miscelánea | 7 / 9 / 2007

En poucos anos, a Sala Capitol, ubicada en Santiago de Compostela, converteuse nun referente galego e estatal na súa programación musical, pero o seu propietario, Francisco Sanín, anunciou que esta actividade poderá finalizar en outono, “debido á falta de apoios”. Desde a súa apertura, a sala tivo un complicado encaixe administrativo para delimitar os usos e os horarios de apertura deste antigo cine compostelán. Agora, Sanín anuncia que, de non frutificar as negociacións co Concello de Santiago para estender o horario de apertura, finalizará esta programación. Recentemente, Santiago xa viu o peche doutros dous espazos emblemáticos de programación cultural: a Sala Yago e a Sala Galán.

Máis información en El País e La Voz de Galicia

O novo selo Kamikaze Música presentará tres lanzamentos discográficos antes de rematar o ano

Xénero: Miscelánea | 4 / 9 / 2007

Con “As palabras espidas” dos galegos NAO inaugurarase o vindeiro 12 de novembro o catálogo discográfico de Kamikaze Música a nova editora creada pola empresa viguesa de servizos e xestión musical Kamikaze Producións. O disco de NAO ven de rematar a súa gravación nos estudios Garate de Andoain baixo a produción de Kaki Arkarazc, a formación de rock metaleiro presenta once temas novos neste seu primeiro traballo discográfico. Kamikaze Música prepara tamén dous discos a cargo dos grupos lusos Peste & Sida e Bob Da Rage Sense, de punk e Hip-Hop respectivamente, que se agarda que saia á rúa o 26 de novembro.

Brais Monxardín faise co premio Constantino Bellón de gaita tradicional

Xénero: Folk | 3 / 9 / 2007

Os cinco finalistas do premio Constantino Bellón, convocado polo Ateneo Ferrolán, tiveron que interpretar este venres pasado no Teatro Jofre de Ferrol dúas pezas, unha composta por Iván Costa e outra da súa propia creación. Ao final, o xurado escolleu ao gaiteiro da Fonsagrada Brais Monxardín como gañador da edición anual deste prestixioso certame. Monxardín levará un premio de 3.000 euros. O xurado tamén concedeu dous accésit: un para Daniel Lumbreras, procedente de San Sebastián, e outro para Pablo de Vigo.

Sobre o Premio Constantino Bellón na nosa hemeroteca; a noticia no Diario de Ferrol

O Ateneo Ferrolán outórgalle a Gaita de Ourto ao artesán Rubén González

Xénero: Folk | 28 / 8 / 2007

Gaiteiro e artesán de oitenta e dous anos, Rubén González foi galardoado onte co premio Gaita de Ouro polo Ateneo Ferrolán. Esta distinción, que fai parte dos premios Constantino Bellón, recoñece o traballo no campo da música tradicional. A Gaita de Prata foi para o coro Cántigas da Terra, da Coruña, polo seu traballo de divulgación desde 1916.

Máis información no Diario de Ferrol e nos nosos arquivos

O grupo Sacha na horta gaña o certame A Polo Ghit co tema “Biocultivos”

Xénero: Miscelánea | 20 / 8 / 2007

Logo de moito escoitar e votar, esta fin de semana fíxose público por fin o nome do grupo gañador da edición 2007 do certame A polo Ghit, que organizan a Radio Galega e Vieiros. “Biocultivos”, de Sacha na horta, foi a gañadora, seguida de “O Son do Son”, de Mordecáns e “Pinguinha”, de Amacuca.

Máis información en Vieiros

O gaiteiro Pablo Devigo fíxose co premio da Festa do Gaiteiro de Soutelo de Montes

Xénero: Folk | 20 / 8 / 2007

Soutelo de Montes acolleu este sábado o IX Concurso de Música Tradicional Avelino Cachafeiro, considerado un dos máis prestixiosos do país. Pablo Devigo, de 17 anos e veciño de Castro Caldelas resultou gañador do certame. Canda a el, Óscar Ibáñez e o recente gañador do trofeo MacCrimmon, Edelmiro Fernández, ocuparon cadanseu posto no podio.

Máis información en La Voz de Galicia, e máis sobre o MacCrimmon nos nosos arquivos

A produtora Acontrabutaca estreará na Estrada a versión galega do musical “Robin Hood”

Xénero: Melódica | 17 / 8 / 2007

O vindeiro 13 de outubro, A Estrada acollerá a estrea do musical “Robin Hood” en versión galega. Xosé Lueiro, promotor e director da iniciativa, anunciou que a súa produtora Acontrabutaca, adquiriu os dereitos para verter a obra ao noso idioma e que ten a intención de desenvolver unha xira por todo o país a partir do Nadal.

Máis información en Galicia Hoxe

Ouvirmos documenta a primeira gaiteira galega nos anos vinte

Xénero: Folk | 17 / 8 / 2007

Foi a estudar o pasado de Celanova para crear un itinerario histórico-musical que os investigadores da discográfica Ouvirmos deron coa pista da primeira gaiteira galega que se coñece. Áurea Rodríguez, directora do grupo As Marabillas de Cartelle conseguiu un grande recoñecemento durante a segunda década do século XX e visitou Madrid e Arxentina.

Máis información en La Voz de Galicia, no web de Ouvirmos e no noso tema sobre os Itinerarios

A soprano Laura Alonso presenta en Vilagarcía o seu terceiro disco en galego

Xénero: Clásica/Lírica | 14 / 8 / 2007

Lua descolorida é o terceiro disco en galego da soprano Laura Alonso. Un concerto esta noite en Vilagarcía servirá para presentar esta obra, que inclúe obras do compositor Antón García Abril coma Canciones Xacobeas ou Cuatro Canciones Gallegas.

Máis información en El Correo Gallego e na nosa axenda de concertos