CORREO
RSS
Noticias
Zouma saca unha edición especial de disco e dvd da banda de Cristina Pato xunto con Mutenrohi
Xénero: | 28 / 3 / 2007 + IMAXES + VIDEO
Como edición conmemorativa do décimo aniversario da formación ourensá a banda reuniu a boa parte dos seus músicos fundadores e xuntouse tamén coa gaiteira Cristina Pato que iniciou a súa andaina escénica con esta formación. O reencontro coa banda plasmouse nunha serie de concertos nos que a gaiteira, en pleno paréntese da súa carreira profesional mentres realiza os seus estudos de doctorado en EE.UU. volve interpretar os temas de Mutenrohi que tanto influíron na súa traxectoria profesional mesturados con vellos e novos temas da gaiteira. Un espectáculo no que os antigos membros de Mutenrohi e algúns dos membros da banda de Pato mestúranse para celebrar este aniversario e tamén para agradecer ao público o apoio recibido durante todos estes anos.
Máis información en Misturados
O trío de Marcos M. Vázquez presenta en xira por Galicia o seu primeiro disco
Xénero: | 28 / 3 / 2007
O trío Animales Domésticos do que forma parte o percusionista ourensán Marcos Vázquez (Ribadavia, 1971) presenta estes días en xira por Galicia o seu novo disco “Manual del tiempo perdido” (FreeCode). Marcos Vázquez ten participado como percusionista con moitas formacións musicais do país, desde a Xove Orquestra de Galicia ata Carlos Núñez ou o grupo Cinnamon gum, así como con artistas internacionais como Sharon Shanon, Compay Segundo ou The Chieftains. Animales Domésticos é un proxecto que comparte co británico Barry Edwards e o arxentino Mariano Martos, músicos da ampla traxectoria no jazz. Na súa xira está a percorrer os principais locais de jazz da comunidade ata o 30 deste mes.
Obras de Verdi, Mozart e Donizetti sonarán no Festival de Ópera de Vigo
Xénero: | 26 / 3 / 2007
Este ano cúmprese o cuarto centenario do nacemento da ópera. Esta efeméride, xunto co interese de recuperar a tradición deste xénero en Vigo, foron determinantes para que Asociación de Amigos da Ópera presentara esta fin de semana o programa do “Festival de Ópera”. Un evento que programará música de Verdi, Mozart e Donizetti, e contará coa presenza da recoñecida soprano Violeta Urmana. Ademais das representacións haberá tamén un ciclo de conferencias que comezará o 29 de marzo no Centro Cultural Caixanova.
Máis información en La Voz de Galicia e no web do Diario Metropolitano
Falece Prudencio Romo, fundador de Los Tamara
Xénero: | 21 / 3 / 2007 + VIDEO
Foi un dos pioneiros do pop en galego como parte dos míticos Los Tamara. Prudencio Romo falecía este luns en Santiago de Compostela vítima dunha doenza cardíaca. O enterro está previsto para esta tarde no cemiterio de Santa María A Nova. Con Romo déixanos o compositor de temas coma "A Santiago Voy" ou "Galicia, terra nosa". O concello de Noia declarou tres día de loito polo falecemento.
Máis información en La Voz de Galicia, en El Correo Gallego e en El País
Falcatruada prepara un disco de homenaxe a Andrés do Barro interpretado por músicos da escena actual
Xénero: | 15 / 3 / 2007
A discográfica coruñesa Falcatruada ven de anunciar que case trinta grupos do panorama indie galego están a preparar, por iniciativa desta discográfica e da plataforma A Regueifa, unha reinterpretación contemporánea dos temas de Andrés Do Barro, o primeiro cantante galego que colou unha canción (O Tren) no número un de ventas do estado. A recompilación conterá temas clásicos de Do Barro coma o Corpiño Xeitoso, Meu amor, Adeus adeus ou Para che falar de amor, pero coa revisión dos herdeiros da movida musical galega. Os ritmos máis actuais réndenlle así tributo ao rei do pop galego. A lista non está pechada polo de agora, pero nela figurarán algúns dos grupos máis rebuldeiros da actual escena musical do país.Desde Falcatruada aseguran que este proxecto “vai andando pasiño a pasiño”.
O rock literario de A Caricia da Serpe inicia a súa xira galega con tres concertos seguidos
Xénero: | 15 / 3 / 2007
O grupo “A Caricia da Serpe” está estes días a presentar o seu traballo discográfico de nome homónimo editado polo selo coruñés Wonderland discos en varios concertos. Oleiros, Cambre e finalmente a Sala Yago de Santiago acollerán as postas en escena deste singular proxecto no que conflúen música e literatura. Aínda que A Caricia da Serpe comezou a súa andadura polo ano 1998 e leva dados cerca de 200 concertos, o seu primeiro disco editouse a finais do 2005. Os compoñentes desta peculiar formación son Lino Braxe, poeta, actor e director de teatro; Rómulo Sanjurjo, ex-compoñente de Os Diplomáticos e actual 50 por cento de Transportes Hernández & Sanjurjo; Miguel Ladrón de Guevara e Xosé Luis Saqués. No espectáculo do grupo está moi presente a poesía e a narración asó como os universos musicais da rumba, o rock ou o tango.
As agrupacións de gaiteiros mobilízanse para garantir uns mínimos laborais no sector
Xénero: | 15 / 3 / 2007
Vilagarcía acollía onte unha xuntanza na que 23 colectivos de gaiteiros de todo o país tentaban acordar uns mínimos laborais para a profesión. Entre as reivindicacións do colectivo está o cobrar un mínimo de 250 euros por actuación, e unhas condicións mínimas de seguridade no desempeño do seu traballo son algunhas da reivindicación. Para alén deste encontro a Asociación de Gaiteiros xa anunciou a celebración en maio dunhas xornadas sobre xestión fiscal e laboral para o sector.
Máis información en La Voz de Galicia; en Vieiros e máis o colectivo nos nosos arquivos
O Concello de Santiago presenta o seu festival mentres un músico lalinense grava un disco na Coruña financiado polos Estados Unidos
Xénero: | 9 / 3 / 2007
A música deixa estes días dúas novas diferentes. Dunha banda, o Concello de Santiago presenta”Composjazz”, un programa que durante tres meses achegará numerosos concertos deste estilo musical. Philip Cahterine Trío, Maribel Quiñones e o Cuarteto de Carlos López son algunhas das figuras que compoñen este cartel. Da outra, A Coruña acolleu estes días a gravación dun disco moi peculiar. Foi unha iniciativa do clarinetista lalinense Joaquín Meijide que conseguíu que David Loeb, un afamado músico norteamericano, se desparazase ata a cidade herculina para a gravación. Ademais, o goberno dos Estados Unidos implícase financeiramente nos custes do proxecto.
Máis información sobre Composjazz no web do Concello de Santiago, Galicia Hoxe e La Voz de Galicia. Sobre agravación do disco en La Voz de Galicia
A Xunta anuncia que apoiará a Fundación Rogelio Groba nunha homenaxe que lle rendeu ao compositor
Xénero: | 7 / 3 / 2007
Rogelio Groba (Ponteareas, 1930) compuxo máis de trescentas obras de case todos os xéneros, o que o converte no compositor máis prolífico. Por todo isto, o músico será homenaxeado cun ciclo de concertos a cargo da Orquestra de Cámara Galega para difundir a música clásica do país. Ademais, a Xunta comprometeuse, a través das consellarías de Vivenda e de Cultura, a dotar de sede a fundación que promoveu o propio compositor e mais a contribuír á difusión do seu traballo.
Máis información en La Voz de Galicia, no web da Fundación Rogelio Groba e na nosa hemeroteca
O himno galego estreouse dez anos antes do que se pensaba
Xénero: | 2 / 3 / 2007
O Congreso Pascual Veiga, sobre a obra deste compositor, comezou onte cunha revelación de peso. A estrea do Himno Galego, do que Veiga creou a música, dátase cando menos en 1896, dez anos do que se cría. Segundo revelou o musicólogo Fernando López-Acuña, existen referencias desta obra en medios de comunicación e partituras xa desde 1896, dez anos antes da que ata o de agora se consideraba estrea oficial na Habana. Precisamente co congreso celebrábase o centenario desta estrea.
Máis información en Galicia Hoxe, no web de Cultura, en La Voz de Galicia e nos nosos arquivos