CORREO
RSS
Noticias
O legado de Andrés Gaos, un dos principais compositores galegos corre o risco de acabar en Estados Unidos
Xénero: | 21 / 2 / 2005
Foi un dos compositores galegos con maior produción. A súa obra pode encontrarse en CDs recompilatorios canda a nomes coma Schubert ou Dvorak. Forma parte do repertorio da Orquestra Sinfónica de Galicia. E, no entanto, a súa figura permanece no esquecemento e o seu legado corre serio risco de acabar fóra do noso país. A memoria de Andrés Gaos, emigrante, violinista e compositor, agarda unha oportunidade para ocupar un posto na memoria de Galicia.
A importancia da música para a construción da identidade centra a primeira xornada dos encontros “O Son da Memoria”
Xénero: | 18 / 2 / 2005
Os colectivos de galegos emigrados empregaron e empregan aínda a música como un elemento para construír a súa identidade no estranxeiro. Este proceso centrou a primeira xornada dos IV Encontros “O Son da Memoria” que organiza o Arquivo Sonoro de Galicia e que analizan a música na emigración. Na xornada de hoxe, ademais de abordar a situación da música galega en Cuba durante o primeiro terzo do século XX tratarase tamén a figura de Andrés Gaos, quizais o compositor galego que máis prestixio internacional acadou.
Máis información no web do Consello da Cultura e en La Voz de Galicia
A aparición de novas revistas revoluciona o campo da información musical en Galicia
Xénero: | 12 / 1 / 2005
Esta mesma noite, un concerto servirá de presentación para a última revista de actualidade musical que se presenta no noso país. "Distrito Son" nace coa intención de abordar todo tipo de estilos musicais. Esta proposta súmase á revista gratuíta "Folkus", especializada en Folk, e que se presentaba o pasado mes de novembro. Logo de anos de seca neste campo, a música pódese ir lendo en Galicia.
Berrogüetto presenta en Compostela o seu vindeiro traballo, “DeSolaSons”
Xénero: | 20 / 12 / 2004
Música gravada con enerxía solar nas Illas Cíes para servir como banda sonora a un documental, onda novos temas integran o novo traballo de Berrogüetto. O disco, titulado “DeSolaSons”, preséntase o vindeiro día 22 en Compostela cun concerto enmarcardo no ciclo “Sons da diversidade”, no que o grupo contará co apoio sonoro da orquestra catalá Ségle XXI. Os compoñentes de Berrogüetto agardan que o CD estea nas tendas ao longo do ano 2005.
Máis información en La Voz de Galicia; en La Opinión e no web de Sons da Diversidade
A Asociación Cultural Conversas leva a tradición oral a soporte dixital coma parte dun proxecto educativo
Xénero: | 6 / 10 / 2004
A recollida de tradición oral é unha actividade na que participan diferentes colectivos e persoas do noso país. A asociación cultural Conversas tamén o fai, coa peculiaridade de que teren sido pioneiros en introducir este tipo de contidos en Internet e en empregar o formato dixital para os arquivar e distribuír. Ademais, a asociación desenvolve esta actividade como parte do proxecto educativo do Instituto de Ensino Secundario Urbano Lugrís da Coruña, sendo os propios alumnos os que se fan cargo da elaboración destes materiais.
O museo de Belas Artes da Coruña acolle un ciclo de concertos de compositores galegos
Xénero: | 28 / 9 / 2004
Até o vindeiro tres de outubro, os domingos do museo de Belas Artes da Coruña están dedicados á música galega. Máis exactamente ás composicións feitas aquí e que habitualmente non entran no repertorio das grandes formacións orquestrais. Son os ciclos de concertos que desde hai doce anos promove a Asociación Galega de Compositores.
O Consello da Cultura Galega presenta o estudo máis completo sobre Curros ao editar as actas do congreso celebrado en Celanova
Xénero: | 14 / 9 / 2004
A vida e obra de Curros Enríquez (Celanova, 1851- A Habana, 1908) fai parte do noso universo literario. De sobras é ben coñecido a súa poética, as súas crónicas xornalísticas como correspondente de guerra, talvez menos sonada é a súa relación formal co protestantismo e coa masonaría. Mais hai unha amizade pouco comentada na súa biografía, a que mantivo con Chané (José Castro González), que deu lugar ao inicio da coñecida como canción galega. Isto e moito máis está nun volume dobre que o Consello da Cultura Galega presenta hoxe en Celanova.
A emblemática formación cumpre vintecinco anos espallando a música galega
Xénero: | 9 / 8 / 2004
Un milladoiro é un monte de pedras pequenas amoreadas pouco a pouco polos peregrinos ou romeiros que se dirixen a un lugar de culto relixioso. Pero en Galicia hai outro Milladoiro, con maiúsculas, que leva anos espallando a música galega por todo o mundo. Con varios discos e numerosos premios, Milladoiro é máis que un grupo musical, soporta nas súas costas ser considerado unha icona da cultura galega.
As orquestras populares confórmanse como un dos sectores economicamente máis activos da cultura do país
Xénero: | 29 / 7 / 2004
Todos as coñecemos. Son habituais en todas as festas que inzan Galicia, especialmente nos meses de verán. As orquestras que percorren o país de aldea en aldea mesturando os éxitos de sempre coas cancións do verán e mobilizando centos de persoas e movendo un negocio millonario. Sen embargo, o sector adoece dunha atomización que algunhas iniciativas tentan remediar.
Os Concertos do Novo do Milenio atraeron a Compostela milleiros de afeccionados à música
Xénero: | 19 / 7 / 2004
Xa foron aló os Concertos do Novo Milenios que supuñan o prato forte da programación musical do Xacobeo en Compostela. En xeral a organización e os medios de comunicación coinciden en sinalar o éxito desta iniciativa, que trouxo a Galicia algunhas das máis destacadas estrelas da música internacional. Queda no ar a dúbida sobre se hai posibilidades de o repetir nos vindeiros anos.