CORREO
RSS
Ti estás aquí > Inicio / Xéneros / Rock
Música Rock
Unha reedición recupera o traballo do grupo coruñés Eskizos
Xénero: | 13 / 10 / 2010 + VIDEO
A discográfica Mushroom Pillow presentará o vindeiro 16 de outubro na FNAC da Coruña Eskizos. 1989-1993. O CD recompila o material que este conxunto publicara nos dous EPs Los Eskizos (1991) e Turn off the light (1993) canda a material inédito e temas ao vivo, sumando un total de 11 cortes. A presentación contará coa presenza de Pedro Granell e Luís Garrido, antigos membros da xa desaparecida banda. O CD porase a venda o vindeiro 19 deste mesmo mes.
A banda coruñesa NOC xa ten á venda o seu primeiro disco
Xénero: | 16 / 9 / 2010
Tras cinco anos de actividade musical a banda de rock NOC presenta o seu primeiro disco de longa duración, negroscurocasiclaro (autoeditado), dous anos despois dun anterior EP. Foron dous anos de intenso traballo e evolución musical na que o trío formado por Aléxis López, Oscar fernández e Julián Rodríguez amosa un cambio respecto ao son “duro” dos seus inicios en 2005, con voces guturais, distorsións profundas e graves vibrantes máis achegados ao heavy. Sen deixar de lado o rock guitarrero negroscurocasiclaro dá paso a un son máis orgánico, dando cabida a un maior peso das melodías e aos retrousos. Gravado entre xullo e setembro de 2009 en Son do Tagalem, nun man a man co produtor Alber castro, negroscurocasiclaro contén 11 cortes. O disco xa está a venda na tenda Rockbox da Coruña e na plataforma Toupa.net. Proximamente estará tamén en FNAC, El Corte Ingles, Itunes, Spotify.
Siniestro Total presenta o seu novo traballo Country & Western
Xénero: | 14 / 9 / 2010
Desde hoxe mesmo xa está nas tendas o novo disco de Siniestro Total Country&Western. Trátase do décimo oitavo LP da banda desde os seus inicios fai case trinta anos como referente do punk rock en Galicia. O disco foi gravado en Houston baixo a produción de Joe Hardy, que ten traballado con grupos como ZZ Top. Country & Western ofrece en 15 temas un paseo por este xénero musical estadounidense e inclúe un tema en galego, Quen me dera na casiña. En declaracións á axencia EFE os membros da banda aseguraron que está era o disco no que máis teñen falado de Galicia nas súas letras. O álbum sairá tamén en vinilo e o primeiro concerto de presentación terá lugar o 1 de outubro en Getafe (Madrid) no Macrofestival en Vivo.
A fin da estrada
Xénero: | 11 / 8 / 2010
Foron case cen concertos por toda Europa, o dobre dos previstos inicialmente nunha xira que se prolongou desde marzo. Con moitos máis quilómetros ás costas, os membros de Kathaarsys chegaba á casa a pasada semana. Logo duns días de descanso, cóntannos como foi un periplo que xa nos foron adiantando no noso blog Desde a estrada escura.
Véndese banda de rock
Xénero: | 24 / 6 / 2010
Un concerto acústico a cambio de cedés. Esta é a orixinal iniciativa que se lle ocorreu a Scandal, un grupo coruñés pop–rock que pretende dar a coñecer o seu último traballo Time for heroes. E para conseguir ese concerto só hai que poxar na rede desde hoxe e ata o vindeiro 23 de agosto.
O concello de Ourense dará a súa medalla de ouro a Los Suaves
Xénero: | 11 / 6 / 2010
A relación entre a banda de rock Los Suaves e a cidade de Ourense escribe un novo capítulo. Los Suaves anunciaron que gravarán o concerto do seu novo traballo, 29 anos, 9 meses e 1 día, que dará en Expourense, Finca Sevilla, o 18 de setembro. E o concello corresponderá concedéndolles a medalla de Ouro. É a máxima distinción que outorga o Concello e que, segundo a concelleira de Cultura, Isabel Pérez, “será o recoñecemento explícito de tódolos ourensáns e o pago dunha débeda que a cidade ten con eles». A banda naceu nesta cidade a principios dos anos oitenta da man dos irmáns Domínguez (Yosi, Charly e Javier).
Reúnense na Sala Nasa os integrantes de Radio Océano vinte anos despois
Xénero: | 22 / 4 / 2010
Compañeiros de xeneración de Os resentidos e Siniestro Total , grupo punk que se autodefinían como “antihippies” e “antifolquis”. Son Radio Océano e hoxe suben aos escenarios vinte e cinco anos despois. O encontro terá lugar na Sala Nasa esta noite, nun acto que estarán artistas como Marcos “Galegoz” Payno, Leo i Arremecaghoná, Martiño “The Homens” Wu, Marcos “Rastreros”, Fran “Papaqueixo” Amil, Xosé Bocixa “Zënzar”, Xurxo Souto, Antón Reixa, Julián Hernández, Miguel Costas, Uxía Senlle ou Antón Losada. Despois, o grupo formado por Xosé Manuel Pereiro (daquela Johny Rotring) e Santiago Romero interpretarán algunhas das súas cancións mais sonadas (Como o vento, Esto no es Hawai, Aplazamiento, La Chica de Bens...). O concello da Coruña tamén estará a preparar a súa homenaxe cunha cunha exposicion sobre a publicación alternativa na que colaboraban, La Naval, máis un disco compilatorio cos seus maiores éxitos.
Kathaarsys sube á furgalla
Xénero: | 24 / 3 / 2010 + AUDIO
Son un exemplo deses grupos que son máis coñecidos fóra do que na casa. Kathaarsys inicia este mes de marzo unha xira europea de presentación do seu novo disco Intuition que ten xa fechados preto de 50 bolos e que está aínda a ampliar as súas citas. Ademais, por vez primeira, os membros do grupo van achegar as súas impresións sobre este periplo mediante un blog en culturagalega.org. Desde a estrada escura permitiranos coñecer a experiencia única destes músicos galegos no continente.
Ruxe Ruxe presenta con Buratos o seu sétimo disco
Xénero: | 16 / 3 / 2010
Sete discos despois, Ruxe Ruxe continúa ao pé do canón. Esta veterana formación acaba de presentar Na fura de diante, un álbum que, segundo os membros do grupo, quere achegarse ao son do grupo en directo. O disco gravouse nos estudios Océano da man do produtor Javier Abreu e a masterización levouse a cabo en California. Como primeiro lanzamento, Buratos, un tema sobre a memoria histórica que conta cun video a cargo de Jairo Iglesias. O seu bo facer valeulle a esta produción unha candidatura aos premios Mestre Mateo. Vituco, vocalista de Ruxe Ruxe, fálanos do disco, do video e mais da evolución do grupo.
Multa de 2,4 millóns para empresa que organizou o concerto de Bruce Springsteen
Xénero: | 5 / 1 / 2010
O Instituto Galego de Consumo acordou imporlle unha sanción de 2,4 millóns de euros a Big Tours SL, empresa organizadora do concerto que ofertou Bruce Springsteen no Monte do Gozo o pasado mes de agosto. O Concello de Santiago denunciara a organización polos problemas de acceso, aforo e seguridade que se deran durante o recital. A acción de consumo supón a apertura dun procedemento administrativo que pode marcar un fito no xeito de organizar este tipo de eventos e nos dereitos dos asistentes.
novidades discográficas
Deleiba
III
Grande Amore
Trankimasín
Heredeiros da Crus
Xabral
Ruxe Ruxe
O círculo das formigas
Os John Deeres
REPORTAXE
Campamento Compostela
Data.Os Concertos do Novo do Milenio atraeron a Compostela milleiros de afeccionados à música
