CORREO
RSS
Ti estás aquí > Inicio / Xéneros / Jazz/Blues
Música Jazz/Blues
O XVII Festival de Primavera achega a Ourense dez bandas de Jazz
Xénero: | 2 / 5 / 2013
Maio soará a jazz un ano máis en Ourense. O Festival da Primavera comeza o vindeiro día 7 unha programación na que conta con dez bandas que impartirán un total de 14 concertos na cidade. O Harold Mabern Trío abrirá o ciclo, que conta con nomes coma Jorge Pardo, Tom Harrel e Pat Martino entre outros. Nani García, Jambo Cuarteto e Marcos Pin compoñen a representación galega do evento, que organiza o Café Latino co apoio do Concello e da Fundación Florencio Álvarez.
Ron Carter inaugura o ciclo 1906 de jazz
Xénero: | 13 / 3 / 2013
Xa se coñece a programación do novo ciclo 1906 de jazz, que percorrerá 11 clubes de jazz emblemáticos e dous teatros, nunha proposta presente nas principais cidades galegas con clubes de jazz, así como en catro cidades do Estado: Madrid, Barcelona, Bilbao e Valencia. Serán 50 concertos durante catro meses. Ron Carter abrirá o ciclo no Teatro Principal de Santiago o día 17 de marzo, e seguirán artistas como Antonio Sánchez, Lionel Loueke, Giulia Valle, Nani García, Avishai Cohen, Joshua Redman ou Marcos Pin, entre outros.
Lugo presenta o seu XXII Festival de Jazz
Xénero: | 7 / 11 / 2012
O Círculo das Artes, o Club Clavicémbalo, o Pazo de Montenegro e o Auditorio Novacaixagalicia acollerán entre o 10 e o 17 de novembro as actuacións do XXII Festival de Jazz de Lugo. O evento, que se presentaba onte, acollerá un total de quince actuacións con músicos como Bill Evans, Wallace Roney, Kind of Cai, Alberto Vilas Quintet, Pilc-Moutin-Hoenig, Nani García ou Kike Mora entre outros. A asociación Escobijazz é a responsable da organización do evento.
Ribadeo acolle o seu primeiro festival de jazz
Xénero: | 31 / 10 / 2012
O jazz chega a Ribadeo este sábado 3 de novembro. O cine teatro da vila acolle a I edición do estival Internacional de Jazz e Blues cun cartel no que están Marosa Jazz Project, Julia Guravich & Víctor Aneiros Blues Band e mais Antonio Serrano e Federico Lechner. Ao tempo, vanse confirmando nomes para o vindeiro Festival Internacional de Jazz de Lugo, que chega á súa edición XXII na semana de entre o 12 e o 17 deste mes. O saxofonista Bill Evans compartirá cartel co trompetista Wallace Roney nesta cita, para a que faltan aínda por confirmar outros nomes.
A OSG e o concello coruñes programan jazz nun novo ciclo
Xénero: | 8 / 10 / 2012
O trompetista Ambrose Akinmusire (31 de outubro, Ágora), coñecido por ser un virtuoso con velocidade e fluidez, habilidade para xerar novos tipos de formas será o encargado de abril Jazzatlantica. Trátase dun programa no que a Orquestra Sinfónica de Galicia e o concello da Coruña pretenden achegar o mellor do jazz con nomes de primeiro nivel. Canda o trompetista de orixe nixeriana, destacan Kurt Elling, Paquito D´Rivera, Crhistian Scott, Abe Rábade Trío e China Moses. A programación compleméntase cun ciclo de concertos, jam sessions e Big Band a cargo de grupos locais.
Chévere inicia co Jazz unha programación de monográficos
Xénero: | 25 / 9 / 2012
O grupo de teatro Chévere, compañía residente no Concello de Teo, acaba de iniciar unha programación de monográficos que se centrarán sucesivamente en diferentes disciplinas artísticas. O primeiro deles, dedicado ao Jazz, terá lugar o vindeiro 30 de setembro, cunha xornada na que se poderá asistir a concertos, proxeccións, jams e faladoiros. Ademáis, celebraraseun xantar e haberá un mercadiño de discos e libros dedicados ao jazz. Xacobe Martínez Antelo Quinteto, Sumrrá, Ton Risco Quinteto e Factor-E-Reset comporán a parte musical da iniciativa.
O Festival de Jazz e Blues de Pontevedra conmemora dúas décadas
Xénero: | 17 / 7 / 2012
De ser unha cita local e minoritaria a se transformar nunha cita imprescindible para os amantes do xénero. Desde o seu nacemento en 1993, o Festival de Jazz e Blues de Pontevedra viviu unha longa evolución, e para conmemorar os seus vinte anos de existencia fai un repaso desta traxectoria cunha publicación especial. Os artistas que visitaron a cidade do Lérez e os fitos na evolución do evento están marcados nunha publicación que se pode consultar en liña.
Pontejazz celebra os seus 20 anos con Sharrie Williams e Keb' Mo'
Xénero: | 19 / 6 / 2012
O orzamento deste ano no Pontejazz, o festival de jazz e blues de Pontevedra, foi 15.000 euros máis reducido que o do anterior, sumando un total de 118.000 euros, pero segundo os organizadores, "a calidade non diminuíu". Así llo asegurou ao Diario de Pontevedra a concelleira de Festas da cidade, Carme da Silva. Segundo o coordinador do Festival, José Antonio Ortiz, "a oferta é excepcional". E así conmemóranse 20 anos de Pontejazz. No festival participarán Joshua Redman, Sharrie Williams e Keb' Mo'e grupos como Ninety Miles.
O Imaxina Sons volta a Vigo
Xénero: | 13 / 6 / 2012
A cantante portuguesa Luísa Sobral abre a VIII edición do festival de Jazz Imaxina Sons, que finalmente volta a Vigo este ano logo das dúbidas sobre a súa continuidade. O evento celebrarase entre os días 21 e 30 de xuño, e canda a Sobral, contará coa presenza de Orquestra Voland, proxecto músicoliterario de Roberto Somoza e Quinito Mourelle,o pianista Joachim Kühn, o cellista Daniel Levin, Dhafer Youssef co seu cuarteto, Iago Fernández ou Suelen Estar Quartet. Nani García corre coa dirección do proxecto, que se centra en amosar as correntes do jazz europeo.
Nani García Trío presenta Renaissance
Xénero: | 12 / 6 / 2012
Nani García volta ao jazz. Logo dunha longa temporada como compositor, presenta Renaissance, como Nani García Trío. Miguel Cabana á batería e Simón García no contrabaixo completan esta formación. Un total de oito temas compostos por García supoñen o debut discográfico do conxunto da man de Xingra, unha obra que "retende ser unha reflexión en clave positiva da importancia de reinventarse día a día". O Teatro Rosalía de Castro acolle o vindeiro 16 de xullo o concerto de presentación do álbum. A xira continuará despois do verán por todo o país.
REPORTAXE
Unha escola de improvisación
Data.O Seminario Permanente de Jazz de Pontevedra tira o seu cuarto disco e consolídase como centro de formación neste estilo musical
