CORREO
RSS
Ti estás aquí > Inicio / Xéneros / Indie
Música Indie
Disco Las Palmeras! cambia e segue con 'Cálida'
Xénero: | 10 / 4 / 2018
Xa está dispoñible á venda en vinilo, CD e en plataformas dixitais Cálida (Sonido Muchacho, 2018), o cuarto traballo de Disco Las Palmeras!. A banda nacida no 2009 e formada por Diego Castro (voz e guitarra), Julián L. Goicoa (guitarra) e Martiño Salgado (batería) publica por segunda vez co selo Sonido Muchacho tras Asfixia (2015) e dous primeiros discos baixo o selo de Matapadre. Doce temas conforman Cálida, grabado en Austin (Texas) e que supón unha diferencia en canto á proposta sonora co que a banda viña facendo ata agora. Aínda que o grupo mantén os seus toques máis "shoegaze" a instrumentación faise con máis claridade pop que ruído, deixando cancións como un dos seus primeiros temas distribuídos, Bestia, que no seus máis de catro minutos dá para reconciliar os sons dos anteriores traballos con esta nova etapa de máis brillo. Aínda así o resultado da escoita de todo o álbum dá unha boa sensación de variedade grazas á panoplia de sons cos que se atreven a xogar como en nana de sangre ou La última gran bronca. Nas letras os Disco las Palmeras! manteñen toda a súa forza, de intimidade e frescura que os emparenta coa psicodelia sixtie máis poética e co post punk. Inevitable na escoita deste Cálida non ter presentes referentes como Los Planetas, que tamén tiveron unha evolución do seu son nos últimos tempos e cos que a banda galega non nega a conexión, xa que mesmo rexistraron unha versión dos granadinos para o libro-disco de homenaxe De viaje por Los Planetas. O grupo estará tocando xa en directo estes novos temas de Cálida o vindeiro sábado en Lugo na presentación do festival FaCeLa Fest.
Xoel López é finalista do Premio IMPALA ao Álbum europeo do Ano
Xénero: | 8 / 3 / 2018
Apenas uns días despois de coñecer que Xoel López era o artista galego con máis candidaturas (4) aos Premios MIN da industria independente española, vimos de saber que os seus equivalentes europeos, os premios que concede a asociación europea de compañías musicais independentes IMPALA, tamén recoñecen a excelencia de Sueños y pan (2017, Esmerarte / Altafonte). O disco de López é o único en representación da industria española da produción de 2017. Vinte e dous finalistas de 19 países optan ao Premio ao Álbum Europeo do ano 2017, nunha lista na que o disco de Xoel terá que competir con artistas como os británicos The XX, a neocelandesa Aldous Harding ou o sueco Loney Dear. O gañador decidirase con votacións dos membros de IMPALA e será anunciado a finais de marzo pola asociación con sede en Bruselas.
Xoel López retrata o seu momento vital no novo álbum 'Sueños y Pan'
Xénero: | 17 / 11 / 2017
Con só botar unha ollada á lista de cancións do novo disco de Xoel López Sueños y Pan (Altafonte baixo licenza exclusiva de Esmerarte) sabemos que estamos ante un traballo diferente do artista coruñés. Cada un dos dez temas que conforman este traballo denomínase cunha soa palabra, practicamente todas substantivos agás Durme, unha nana en galego dedicada ao seu fillo. Esta proposta nominativa desvela un concepto e un momento diferente que se deixa sentir nas letras e nas melodías deste álbum que é "moi Xoel" pero é diferente na actitude tamén respecto aos dous anteriores Paramales (Esmerarte 2015) e Atlántico (Esmerarte 2012). Sueños y pan está desde hoxe nas plataformas dixitais e López fará unha presentación esta mesma noite no Fnac de Callao, en Madrid. Na capital do Estado gravouse este trababalo e á cidade e ao vencello que o liga a ela dedica tamén unha canción o coruñés neste. Poderiamos dicir que este é o disco máis luminoso e que máis mira ao presente debuxando unha sorte de instantáneas a través das que se retrata unha nova etapa non só profesional senón tamén vital a nivel persoal do artista. A nota máis nostálxica a pon a outra canción en galego neste disco, Serpes, falando das saudades infantís na súa terra. O músico coruñés segue dando mostra do seu estilo musical particular mesturando con naturalidade o pop con sons latinoamericanos e galegos, incluíndo a gaita nalgún tema como nun dos temas adiantados estas semanas, Jaguar. A xira oficial de presentación deste traballo comezará en marzo de 2018.
Eladio y Los Seres Queridos cociñan 'Historias de caza' con receita caseira
Xénero: | 3 / 11 / 2017
Hai un Eladio y Los Seres Queridos anterior a Cantares(Autoeditado, 2016) e outro posterior. Historias de caza (Autoeditado, 2017) é o primeiro traballo desta etapa e xa está á venda a través da súa web e dispoñible nas plataformas dixitais desde este 1 de novembro.
Volven Igloo co novo traballo 'Aquellos maravillosos daños'
Xénero: | 2 / 11 / 2017
Igloo volven pero nunca marcharon, Aquellos maravillosos daños (La Alianza Rebelde Producciones, 2017) é o sexto longa duración da súa prolífica carreira, dous anos despois do seu anterior disco Igloo2 (2015). Xa pasaron anos desque os de Caldas de Reis se fixeron un oco na escena musical indie e alternativa formando parte incluso do cartel dunha das primeiras edicións do Festival Sinsal cando era un evento urbano en 2008. O proxecto Igloo segue adiante e moi vivo doce anos despois do seu primeiro disco homónimo Igloo (2005) e estes días comeza a presentación do seu novo traballo gravado e producido por eles mesmos e editado por Ernie Records.
O Atlantic Fest avanza importantes cambios para o 2018
Xénero: | 10 / 10 / 2017
A organización do festival da Illa de Arousa, o Atlantic Fest, ven de facer público un "manifesto" co que avanza importantes cambios para a súa vindeira edición o 29 de xuño do 2018. "Despois de finalizar o Atlantic Fest deste ano, pasamos estes dous meses escoitando o feedback dos asistentes e traballando xa, nas melloras de moitas areas. Estamos absolutamente comprometidos en facer que todos os que asisten a Atlantic Fest vivan unha fantástica experiencia", aseguran os organizadores. Como todos os eventos multitudinarios deste tipo, e máis cando duplican dun ano ao seguinte a asistencia, o festival no 2017 recibiu puntuais críticas nalgúns aspectos da súa organización. Pero estes comentarios razoados non caeron no saco roto para a organización que fai así propósito de emenda e xa avanza solucións e cambios para a vindeira e terceira edición.
Bifannah saca o seu primeiro LP 'Maresía'
Xénero: | 23 / 6 / 2017
Bifannah é un proxecto recente nacido da cabalo de varios sitios: Barcelona, Londres e Galicia. Formado por catro músicos galegos Antía Figueiras, Antón Martínez, Guillermo V. Zapata e Pablo Valladares no pasado ano sacaron á luz un EP autoeditado e comezaron am overse en concertos por toda a península. A súa proposta de pop psicodélico e garaxe faise usando o portugués nas letras como idioma vehicular. O grupo ven de presentar este mes o seu primeiro disco de longa duración en vinilo Maresía, un traballo con once temas gravado nos estudios Terraforma de Hío (Pontevedra) por Ibán Pérez, que tamén colaborou coa trompeta nun dos temas, mesturado por Jasper Geluk en Holanda e masterizado por Javier Ortiz en Estúdios Brazil. O disco está publicado baixo o selo independente The John Colby Sect no que tamén están outras bandas galegas como Nave Nodriza e Srasrsra. A panoplia sonora deste disco vai desde os tons máis escuros e propiamente garaxeiros ate luminosidades pscodélicas tropicais. A banda defenderá agora o seu traballo en varios directos que os levarán en verán por varias citas na nosa comunidade como o Felipop de Limodre, o festival V de Valarés e o Nororeste Estrella Galicia da Coruña.
Atrás Tigre salta á escena con Fainos saír
Xénero: | 30 / 5 / 2017
Un ano despois do seu EP de presentación, os composteláns Atrás Tigre presentan o primeiro álbum de longa duración. Fainos saír achega dez temas de pop cheos de guitarras e sintetizadores e letras de lírica coidada. Ademais das composicións propias, o disco adapta textos de Estevo Creus e de Aníbal Núñez, e integra en Este é o rostro tema versos de Olvido García Valdés e de Gonzalo Hermo. Os compoñentes habituais do grupo, Pedro Solla (guitarras, xilófono, claves, voz), Olalla Cociña (teclados, voz), Xiana Arias (baixo, voz) e Lois G. Carlín (batería) incorporaron para as gravacións no Estudio Terraforma do Hío a Ibán Pérez (trompeta) e José Ramón Rocha (cello). O disco, que viu a luz da man de Triunvirato o pasado día 20 logo dunha preestrea en Rockdeluxe está dispoñible en plataformas dixitais e nunha tiraxe limitada de 250 copias en vinilo de 12".
Nigrán terá festival de música indie o primeiro verán sen Portamérica
Xénero: | 29 / 3 / 2017
En xaneiro coñeceuse que o festival PortAmérica se trasladaba este ano a Caldas e deixaba atrás o seu emprazamento inicial en Nigrán, no parque empresarial de Porot do Molle. Esta circunstancia sen embargo non deixará a Nigrán sen unha cita musical de verán e ven de confirmarse a celebración dunha nova cita, o festival Vive Nigrán, co que pechará o mes de agosto. Os días 26 e 27 de agosto, un sábado e un domingo, celebrarase este evento que ofrecerá un cartel de música “indie” no campo de fútbol de Praia América. Vive Nigrán insírese no circuíto de festivais en na campaña RiasBaixas Fests da Deputación provincial que o financiará en parte. O festival, do hoxe informa en detalle El Faro de Vigo, estára organizado pola produtora viguesa la10@planta, dirixida polo músico Juan Rivas. Ademais de música o festival ofrecerá actividades tamén para cativas e outras ofertas habituais deste tipo de eventos como postos de mercado e de comida.
Triángulo de Amor Bizarro trunfan nos premios da música independente
Xénero: | 29 / 3 / 2017
Os grandes triunfadores da noite dos IX Premios MIN da música independente foron os barbanzáns Triángulo de Amor Bizarro. O grupo estaba en todas as previsións despois do éxito de recoñecemento acadado co su disco Salve discordia e acabou a noite levantando catro galardóns. TAB, presentes na gala, recolleron o premio Flooxer ao mellor álbum do ano, o premio Gibson ao mellor disco de rock o premio Radio 3 ao mellor artista e o premio outorgado á mellor produción para Carlos Hernández polo seu traballo feito en Salve discordia. TAB era finalista en sete dos premios deste ano. Na categoría de Mellor álbum en galego, foi a banda viguesa Eladio y los Seres Queridos a que levou o premio por Cantares, o disco no que revisita cancións populares desde o seu son pop. Novedades Carminha era finalista en catro categorías pero non conseguiu acadar ningún dos galardóns. A gala, organizada desde a Unión de Fonográficas Independentes retransmitiuse en directo a través da canle virtual Flooxer.
REPORTAXE
Conectad@s coa música
Data.O selo discográfico galego Falcatruada avanza cara á súa internacionalización grazas ás novas posibilidades de internet
