MeGA

Información

• Noticias
• Reportaxes
• Certames
• Axenda musical
• Musica en galego
• Entidades
• Artistas
• Ligazóns

Xéneros

• Alternativa
• Antiga
• BSO
• Cantautor
• Clásica/Lírica
• Coral
• Electrónica
• Folk
• Fusión
• Hip-Hop
• Indie
• Jazz/Blues
• Melódica
• Nova era
• Pop
• Rock

Ti estás aquí > Inicio / DISCO / Xabier Díaz retorna coas Adufeiras de Salitre en Axúdame a sentir

Desde este 29 de febreiro está dispoñible en tendas e plataformas dixitais Axúdame a sentir, o novo disco de Xabier Días e Adufeiras de Salitre. O álbum de once temas, supón unha renovación nos sons deste proxecto, coa incorporación de baixo ou guitarra eléctrica, novos tons na percursión e unha maior carga de creación propia nas letras, que manteñen as habituais formas de raíz.

Os once temas do álbum marcan o reunión de Díaz coa formación da Adufeiras logo do seu álbum en solitario Levantarse e caer, de 2022. Segundo apunta a presentación do proxecto "a nosa casa é un torreiro e tamén a platea dun teatro ou as mesas dunha baiuca. O que acontece nun concerto é algo único e irrepetible: extínguese ao pechar o pano, mais á súa vez, é unha chama que prende e segue quentando o noso peito durante moito tempo. Ás veces acompáñanos toda unha vida". O proxecto conta coas voces convidadas da folclorista asturiana Marta Elola e mais da cantadora tradicional Teresa dos Cucos, da Costa da Morte.

O Auditorio Mar de Vigo acolle este 9 de marzo o concerto que dá inicio á xira de presentación do novo traballo. Ourense o 22 de marzo, Santiago de Compostela o 13 de abril e A Coruña o 14 son as seguintes paradas previstas no noso país.