CORREO
RSS
Ti estás aquí > Inicio / Xéneros / Folk
Música Folk
O festival de Ortigueira crea o Laboratorio de Cántigas Novas
Xénero: | 12 / 2 / 2025
O vindeiro 8 de marzo comeza a súa actividade en Ortigueira o LAB-Laboratorio de Cántigas Novas. O Festival Internacional do Mundo Celta que se celebra nesta localidade abre este novo espazo de formación no campo da música tradicional coa dirección de Ugia Pedreira e Óscar Górriz e coa colaboración da escola de gaitas municipal.
A música protagoniza o Día das Letras dedicado ás cantareiras
Xénero: | 10 / 2 / 2025
A sede da Fundación Seoane, na Coruña, acollía este 10 de febreiro a presentación do programa que a Real Academia Galega artellará ao longo do ano arredor do Día das Letras Galegas. A efeméride está dedicada nesta ocasión "á poesía popular oral e ás mulleres que contribuíron á súa creación e transmisión" e personificada en Adolfina e Rosa Casás, Eva Castiñeira e mais Manuela Lema, Prudencia e Asunción Garrido Ameixenda e Teresa García Prieto, as catro integrantes das Pandeireteiras de Mens que faleceron hai máis de dez anos, requisito establecido para recibir esta dedicatoria.
Quiosco: Raigame 51
Xénero: | 7 / 2 / 2025
A sede da Deputación de Ourense acollía este 2 de febreiro a presentación do número 51 da revista Raigame. Revista de arte, cultura e tradicións populares. A publicación que realiza o Centro de Cultura Popular Xaquín Lorenzo co apoio da Deputación de Ourense lembra nesta entrega o cincuentenario do falecemento do fotógrafo José Suárez. O creador protagoniza un artigo no que Xosé Luis Suárez Canal e Mercedes Rozas repasan diferentes exposicións que protagonizou ao longo da súa vida.
Xabier Díaz reivindica o legado das cantareiras publicando medio cento de vídeos de recollidas
Xénero: | 10 / 1 / 2025
Xabier Díaz implícase de cheo coa homenaxe que este ano o Dia das Letras galegas fai á cantareiras e comezará desde este venres a publicar cada semana nas súas redes sociais unha serie de vídeos das súas recollidas da música tradicional e o patrimonio oral. Serán en total 54 entregas, correspondentes a traballos seus de investigación e recollida levados a cabo durante 22 anos, entre 1989 e 2011. Estes máis de medio cento de vídeos son tan só unha escolma dun enorme traballo que fixo que inclúe máis de 500 gravacións levadas a cabo nas catro provincias galegas e tamén en zonas limítrofes de Asturias, Zamora e León. A primeira entrega será un vídeo gravado en 1989 na parroquia de Moscoso, en Pazos de Borbén. E no que as irmás Rosa e Aida Garrido, interpretan o 'Canto de sachar o millo'
A RAG abre no seu web o espazo do Día das Letras 2025
Xénero: | 3 / 1 / 2025
Cunha presentación a cargo de Ana Boullón e a tribuna "Cantar para gañar galegofalantes" de Antón Santamarina, a Real Academia Galega acaba de abrir o espazo web do Día das Letras 2025. A xornada dedícase neste ano "á poesía popular oral, personificado en Adolfina e Rosa Casás, de Cerceda, Eva Castiñeiras, de Muxía, e Manuela Lema e Prudencia e Asunción Garrido Ameixenda, integrantes estas tres das Pandeireteiras de Mens (Malpica)".
Ailá presenta Tradimensional, o seu terceiro álbum
Xénero: | 19 / 12 / 2024
Un concerto este quince de decembro na compostelá Sala Capitol presentaba ao vivo o terceiro traballo de Ailá. O grupo lanza Tradimensional a manter a súa aposta pola música de raíz bailable e a incorporar por vez primeira letras propias ás pezas tradicionais que conforman o groso do seu repertorio.
A IX Foliada da Fonsagrada lembra a Herminio Villaverde
Xénero: | 4 / 12 / 2024
Este 5 de decembro comeza a novena edición da Foliada da Fonsagrada. Esta cita de música tradicional, considerada unha das máis importantes do país, desenvólvese ata o día 9 neste concello da montaña de Lugo cun nutrido programa de actividades.
Carme López fai unha homenaxe contemporánea ás informantes da música de tradición oral
Xénero: | 3 / 12 / 2024
Carmela é o nome do proxecto centrado na música de tradición oral da artista Carme López, baixo o que ven de presentar o disco 'Vinde todas'. Carme, intérprete e docente na ETRAD de Vigo, recibiu neste 2024 o Premio Martín Codax de Música Contemporánea grazas ao seu proxecto 'Quintela' , a primeira obra de música experimental para gaita. En 'Vinde todas' e como Carmela, asenta este proxecto sobre dous piares fundamentais, a perspectiva de xénero e a investigación etnográfica, os cales toman como eixo principal as informantes, aquelas mulleres que achegan músicas e informacións arredor da tradición oral. Cada unha das cancións leva o nome da ou das mulleres de referencia, algunhas xa desaparecidas, no proceso de aprendizaxe das melodías, ademais de iniciar e pechar o disco cadansúa gravación de campo, as que reflicten o propio proceso de investigación etnomusicolóxica. O disco traza unha liña entre o seu primeiro tema e o último que vai das cantareiras informantes xa desaparecidas de Moscoso ás Pandereteiras de Toutón, mantedoras da tradición.
A Fundación Legar abre o seu centro de instrumentos musicais
Xénero: | 27 / 11 / 2024
Este 24 de novembro abría as súas portas na aldea da Seara, no Concello de Quiroga, o centro que acolle a colección de instrumentos de Xavier Blanco. Este proxecto da Fundación Legar, creada por Blanco e a súa dona, Martina Ferradás, é o resultado das catro décadas de investigación do músico, especialista nos chamados instrumentos pobres ou primixenios, que contaban con pouca elaboración e aproveitaban os materiais e ferramentas dispoñibles na sociedade tradicional.
O Museo do Pobo leva 586 cantos ao Teatro Colón
Xénero: | 15 / 11 / 2024
O Teatro Colón da Coruña acolle este sábado 16 de novembro o espectáculo 586 cantos. Esta proposta, producida polo Museo do Pobo Galego a través da Mostra Internacional de Cinema Etnográfico, combina audiovisual e música quere "pór en valor a tradición e sabedoría que nos legaron as portadoras e transmisoras da nosa poesía popular oral, futuras homenaxeadas nas Letras Galegas 2025, así como os arquivos que albergan o patrimonio inmaterial galego".
novidades discográficas
Alvela
FAIA
Feira
De Ninghures
Tradimensional
Ailá
Vinde todas
Carmela
BâNZô
Os do Fondo da Barra
REPORTAXE
Aprender das cantigas
Data.Antón Castro aproveita a nosa música tradicional para ensinar solfexo aos seus alumnos
