MeGA

Información

• Noticias
• Reportaxes
• Certames
• Axenda musical
• Musica en galego
• Entidades
• Artistas
• Ligazóns

Xéneros

• Alternativa
• Antiga
• BSO
• Cantautor
• Clásica/Lírica
• Coral
• Electrónica
• Folk
• Fusión
• Hip-Hop
• Indie
• Jazz/Blues
• Melódica
• Nova era
• Pop
• Rock

Ti estás aquí > Inicio / NOTICIA / As Xornadas de Música Contemporánea chegan a Compostela con catro estreas absolutas

Co lema "A voz a escena" este 1 de xuño botan a andar en Compostela as Xornadas de Música Contemporánea. Unha conferencia da musicóloga Rosa María Fernández sobre "As dramaturxias vocais fóra da ópera" abre o programa nunha xornada que se completa cun concerto de Ópera na Rúa a cargo da Banda de Música Municipal de Santiago, con obras de K. Weill e A. Piazzolla.

A voz preséntase como fío condutor deste programa que organiza o Auditorio de Galicia-Compostela Cultura, Concello de Santiago, o Centro Galego de Arte Contemporánea (CGAC), a Universidade de Santiago de Compostela (USC) co apoio económico da Deputación da Coruña.

En total, o ciclo achega ata o vindeiro 27 de xuño 10 actividades de balde entre as que se contan 4 estreas absolutas e 2 estreas en España. Estas inclúen o proxecto poético-musical de Lúa Mosquetera e Javier Otero O poder das palabras, con piano e electrónica, que se poderá ver o día 2, e mais o Trío Preseli co seu espectáculo Do mar e da noite, que presenta obras de A. Randall e F. Buide o día 13.

Canda a estas, as propostas Patio de xogos: Unha gramática dos coidados de Pedro González e Pulso Ensemble o día 16, e mais o espectáculo Insomnia de Óscar Carmona e Vertixe Sonora, que se poderá ver no Teatro Principal o día 27 de xuño, completan as estreas do programa. Esta última proposta preséntase como unha ópera contemporánea arredor da nosa actual condición de estar sometidos aos algoritmos" e desenvolveuse en colaboración con ChatGPT e outras intelixencias artificiais.

A proposta conta tamén cos espectáculos Ópera de peto da Arrosa Xuriaren Artean de Francisco Domínguez e a BilbaoSinfonietta, a Música de vangarda de Ensemble Literdade e mais a Papagena de Iago Hermo e Butacazero. Unha segunda conferencia de Rosa María Fernández sobre As dramaturxias vocais na ópera completa o programa.