MeGA

Información

• Noticias
• Reportaxes
• Certames
• Axenda musical
• Musica en galego
• Entidades
• Artistas
• Ligazóns

Xéneros

• Alternativa
• Antiga
• BSO
• Cantautor
• Clásica/Lírica
• Coral
• Electrónica
• Folk
• Fusión
• Hip-Hop
• Indie
• Jazz/Blues
• Melódica
• Nova era
• Pop
• Rock

Ti estás aquí > Inicio / NOTICIA / Lugo volta ao Jazz na XXXI edición do seu festival

Os estadounidenses Kenny Garrett e o Julian Lage Trio encabezan o cartel do Festival de Jazz de Lugo, que celebra este mes de novembro a súa trixésimo primeira edición. Entre os días 5 e 21 de novembro, a Cidade da Muralla acollerá ao amparo deste programa un total de vinte e cinco concertos, con nomes como Dave Weckl & Tom Kennedy Project, Black Art Jazz Collective, Ghost-Note, Huntertones, os británicos Ray Gelato & The Giants, ou o galego Abe Rábade co seu trío. Canda a el, Xacobe Martínez Antelo Quinteto, Aló Django Quartet, d’A Trío, Viruxe e Alfonso Calvo Septeto completan a presenza galega nesta xeira.

A Asociación de Amigos do Jazz Escobijazz organiza o encontro que concentra as súas actuacións no Círculo das Artes e no Club Clavicémbalo. O cartel conta ademais con Perico Sambeat Plays Zappa, Sheila Blanco & Federico Lechner, David Pastor Quartet, Alba Careta Group, Gonzalo del Val Trio & Benet Palet, The Machetazo, Narci Rodriguez, Luismo Valladares Quartet, Magalí Sare, Abya Yala e Los Fumeros. A Casa do Saber acollerá o concerto do pianista Ignasi Terraza en diálogo co contrabaixo de Horacio Fumero.