CORREO
RSS
Ti estás aquí > Inicio / NOTICIA / A Rede Galega de Música ao Vivo manterase en 20 locais ao longo de 2020
A Rede Galega de Música ao Vivo manterase en 20 locais ao longo de 2020
xaneiro 30, 2020
Un total de vinte sala acollerán este ano as actuacións que se desenvolvan no seo da Rede Galega de Música ao Vigo. A cifra mantense igual á de 2019, cando esta iniciativa duplicara o seu orzamento, e incorpora como novidades Aturuxo de Bueu, Sala Ruído de Ferrol, Sete Flores do Carballiño e Auriense de Ourense.
Mantéñense da última edición Bâbâ Bar e Garufa da Coruña, A Pousada da Galiza Imaxinaria de Boiro, SalaSON de Cangas, A Ventana de Laxe, Clavicémbalo de Lugo, A Fundación e Pub Gatos de Melide, Náutico do Grove, Borriquita de Belem, Casa das Crechas e Sala Moon de Santiago de Compostela, A Arca da Noe de Vilar de Santos, e El Contrabajo, La Fábrica de Chocolate e La Pecera de Vigo. Caen da última edición o Café-Concerto Jazz Filloa, Var con Uve de Moaña, a Sala Baranda do Barco de Valdeorras e mais a Sala Bianco Sama de Vilagarcía.
As actuacións incluídas no circuíto estarán financiadas nun 90% pola Xunta de Galicia. O número de salas que fan parte do circuíto descendeu de xeito continuo nos últimos anos. Se en 2016 fixeron parte do mesmo 34 salas, a cifra reduciuse a 31 no seguinte ano e ata 23 en 2018.