MeGA

Información

• Noticias
• Reportaxes
• Certames
• Axenda musical
• Musica en galego
• Entidades
• Artistas
• Ligazóns

Xéneros

• Alternativa
• Antiga
• BSO
• Cantautor
• Clásica/Lírica
• Coral
• Electrónica
• Folk
• Fusión
• Hip-Hop
• Indie
• Jazz/Blues
• Melódica
• Nova era
• Pop
• Rock

Ti estás aquí > Inicio / NOTICIA / O chileno Álvaro Núñez Carballunca gaña o Premio Gaos de Composición

Vía é o título da obra coa que o chileno Álvaro Núñez Carballunca se acaba de facer co XIII Premio Andrés Gaos de composición musical. O xurado do certame que convoca a Deputación da Coruña, seleccionou este traballo a sinalar que "é unha obra de exquisita factura; unha proposta valente e moi contemporánea que introduce o mundo dos silencios, o que é unha interesante suxestión para o público, xa que propón unha nova forma de escoita, diferente e sosegada".

O gañador recibirá un premio de 6.500 euros en metálico e a Deputación desenvolverá as xestións para que a súa obra sexa estreada pola Orquestra Sinfónica de Galicia.

Ademais, o xurado, composto polo deputado de Cultura, Xosé Xurxo Couto, coa xefa de servizo Mercedes Fernández-Albalat como secretaria e composto por Carmen María Ferreiro Soto, Mª Luisa Manchado Torres, Manuel Martínez Burgos, Mª de la Paz Pita Vázquez e Florian Vlashi Velaj, acordou por unanimidade nomear finalista a Mario Carro Gigosos pola súa obra Impresiones.

Sobre esta composición, ou comité apuntou que ten "unha altísima calidade, un acabado brillante, unha escrita clara e un concepto orquestral ben definido e moi agradecido".