CORREO
RSS
Xoel López é finalista do Premio IMPALA ao Álbum europeo do Ano
marzo 8, 2018
Apenas uns días despois de coñecer que Xoel López era o artista galego con máis candidaturas (4) aos Premios MIN da industria independente española, vimos de saber que os seus equivalentes europeos, os premios que concede a asociación europea de compañías musicais independentes IMPALA, tamén recoñecen a excelencia de Sueños y pan (2017, Esmerarte / Altafonte). O disco de López é o único en representación da industria española da produción de 2017. Vinte e dous finalistas de 19 países optan ao Premio ao Álbum Europeo do ano 2017, nunha lista na que o disco de Xoel terá que competir con artistas como os británicos The XX, a neocelandesa Aldous Harding ou o sueco Loney Dear. O gañador decidirase con votacións dos membros de IMPALA e será anunciado a finais de marzo pola asociación con sede en Bruselas.
Tamén che pode interesar:
- 21/ 3/ 2024 | Tanxugueiras e Fillas de Cassandra finalistas en catro categorías dos Premios MIN
- 3/ 2/ 2021 | 15 grupos e artistas da escena independente reinventan o último disco de TAB
- 30/ 3/ 2016 | Xoel López suma cinco candidaturas nos premios de música independente
- 27/ 5/ 2015 | Xoel López retorna con Paramales
- 27/ 9/ 2013 | As despedidas de David Quinzán