MeGA

Información

• Noticias
• Reportaxes
• Certames
• Axenda musical
• Musica en galego
• Entidades
• Artistas
• Ligazóns

Xéneros

• Alternativa
• Antiga
• BSO
• Cantautor
• Clásica/Lírica
• Coral
• Electrónica
• Folk
• Fusión
• Hip-Hop
• Indie
• Jazz/Blues
• Melódica
• Nova era
• Pop
• Rock

Ti estás aquí > Inicio / / O folk galego destaca nas candidaturas dos Premios da Música Independente

Tres dos cinco candidatos ao mellor disco de música de raíz dos IV Premios da Música Independente son galegos. Uxía, Banda Crebinsky e Talabarte compiten cos seus últimos lanzamentos, todos da man de Fol Música, neste apartado. Canda a eles, destaca, dentro das principais categorías, a presenza de Nihil Obstat, o debut de Disco Las Palmeras!, que opta ao premio a mellor artista revelación e confirma o grupo como un dos máis importantes lanzamentos galegos do pasado ano. A axencia Esmerarte, pola súa banda, reúne 3 candidaturas con diferentes proxectos. Trátase da de mellor promotor, mellor videoclip, polo de El tiempo futuro de Eladio y los Seres Queridos (Zinqin Audiovisual) e mellor festival polo seu traballo no Vigo Transforma.

No campo da música electrónica atopamos o traballo de debut de Das Kapital, Ruído negro, competindo con Carlos Jean e o seu Plan B, mentres o Cuarteto Quiroga compite con Statements no apartado de música clásica. O veterán Víctor Coyote opta ao premio a mellor deseño gráfico e á mellor produción musical, e Josiño Carballo, de Ernie Producións, aspira ao galardón ao mellor Manager.

Logo da publicación da listaxe de aspirantes, o 1 de xuño ábrese o prazo de votación popular, a entrega dos galardóns será o vindeiro 25 de xuño.