MeGA

Información

• Noticias
• Reportaxes
• Certames
• Axenda musical
• Musica en galego
• Entidades
• Artistas
• Ligazóns

Xéneros

• Alternativa
• Antiga
• BSO
• Cantautor
• Clásica/Lírica
• Coral
• Electrónica
• Folk
• Fusión
• Hip-Hop
• Indie
• Jazz/Blues
• Melódica
• Nova era
• Pop
• Rock

Ti estás aquí > Inicio / NOTICIA / Os Premios Martín Códax da Música presentan a décima edición este ano

Os Premios Martín Códax da Música fan dez anos da man da asociación Músicas ao Vivo (MAV) e abren a súa convocatoria 2023 a todos os proxectos musicais galegos vixentes e en activo durante este último ano. Como "edición da consolidación", definiron Sheila Patricia e Patty Castro, presidenta e tesoureira de MAV respectivamente, esta entrega de número redondo. Desde o seu nacemento, os premios marcáronse como obxectivo visibilizar a creatividade musical de artistas e bandas de Galicia e o potencial da música como sector estratéxico, desde o punto de vista social e económico. A edición foi presentada este luns 6 de marzo no Salón Teatro de Santiago de Compostela xunto aos patrocinadores Bodegas Martín Códax, Agadic-Xunta de Galicia e Concello de Pontevedra, faltando representación da Deputación de Pontevedra.

Os Premios volven as súas datas habituais prepandemia e a gala terá lugar o vindeiro 7 de xuño no Pazo da Cultura de Pontevedra. A temática do evento estará inspirada no proceso de elaboración do viño en relación aos procesos de composición e produción de música recoñecendo deste xeito o apoio fundamental das Bodegas Martín Códax. Será a primeira gala organizada pola directiva entrante o pasado ano en Músicas ao Vivo formada por Sheila Patricia, Xavier Castro, Patty Castro, Tomás Díez, Silvia Penide e Pablo Lesuit. No relativo aos propios galardóns, mantéñense en quince categorías musicais, tres premios Organistrum (que destacan anualmente unha Sala, un Festival e un Espazo de Comunicación Musical), un galardón honorífico a toda una carreira artística ou traxectoria profesional e, por segundo ano, mellor proxecto de Artista Emerxente, categoría na que como novidade, ademais das persoas socias de Músicas ao Vivo tamén o público xeral poderá votar nesta categoría. Desaparece o Premio a Artista do Ano, que se deu o pasado ano como vez primeira. Hai pequenas variacións nas denominacións dalgúns dos galardóns que amosan as perspectivas dos propios músicos: Rock pasa a ser 'Rock e Punk' mentres que Metal pasa a 'Metal e Heavy'. O proceso de inscrición de proxectos estará aberto dende o 13 de marzo ao 2 de abril a través da web premiosmartincodaxdamusica.gal, renovada con motivo deste aniversario especial.