CORREO
RSS
Ti estás aquí > Inicio / NOTICIA / O Resurrection Fest completa o seu cartel e pon á venda as entradas de 2022
O Resurrection Fest completa o seu cartel e pon á venda as entradas de 2022
novembro 25, 2021
Mastodon, The Raven Age, Ciclonautas e Bourbon Kings son as últimas incorporacións ao cartel da que será a edición 15+2 do Resurrection Fest. A organización do festival anunciou que este venres 26 de novembro porá a venda as entradas para cada un dos cinco días que vai durar o evento. A manter a maior parte do cartel anunciado para a última edición presencial, a de 2019, Viveiro acollerá entre o 29 de xuño e o 3 de xullo pesos pesados do mundo do rock duro como son Judas Priest, Korn, Sabaton, Avenged Sevenfold, Rage Against, Sepultura, Jinjer ou Bring me de Horizon.
As entradas para cada unha das xornadas poderán adquirirse por Internet a partir das 12 da mañá do venres a un prezo de 79 euros máis gastos. Tamén se poden mercar billetes para a festa de presentación do día 29, na que actuarán Deftones, Bullet For My Valentine, Alien Weaponry e Bleed From Within, a un prezo de 39 euros.
En paralelo, anúnciase para o 8 de outubro de 2022 a celebración do primeiro Resurrection Day no Coliseum da Coruña. A xornada reunirá os suecos Amon Amarth con Machine Head en senllos recitais que se complementarán con diferentes actividades por concretar.
Tamén che pode interesar:
- 15/ 5/ 2020 | O Son do Camiño, Portamérica e Resurrection Fest aprázanse para 2021
- 23/ 9/ 2019 | System of A Down, Judas Priest e Korn abren o cartel do vindeiro Resurrection Fest
- 4/ 10/ 2018 | Festivais como o Resurrection, SonRías Baixas o PortAmérica compiten nos Premios Fest
- 29/ 1/ 2018 | O Esmorga Fest e o Melona avanzan os seus carteis
- 26/ 10/ 2017 | Resurrection Fest e Portamérica conseguen o recoñecemento dos Premios Fest