CORREO
RSS
O TEATRO PRINCIPAL DE OURENSE ACOLLE A PRESENTACIóN DO TRABALLO O VINDEIRO 11 DE DECEMBRO
Luar na Lubre celebra tres décadas con Extramundi
decembro 1, 2015
Catorce novos temas compoñen Extramundi, o disco co que Luar na Lubre celebra os seus trinta anos de traballo. O grupo que lidera Bieito Romero aposta nesta ocasión por "un traballo que transcende do ámbito galego ou celto-atlántico e explora outras culturas desde unha óptica moi íntima e persoal". Así, o conxunto interpreta temas en seis idiomas, entre eles cancións en catalán, vasco ou o clásico da tradición castelá La Molinera. O álbum, editado por Warner Music, inclúe tamén pezas orixinais e adaptacións de temas galegos e sae á venda este catro de decembro. A xira de presentación comeza o vindeiro día 11 no Teatro Principal de Ourense e continuará o 8 de xaneiro en Vigo e o 9 na Coruña.
Tamén che pode interesar:
- 27/ 3/ 2020 | Luar na Lubre avanzan dous temas do seu seguinte disco sobre o Camiño de Santiago
- 31/ 1/ 2017 | Luar na Lubre inicia a xira de 30 aniversario con nova vocalista
- 25/ 11/ 2016 | Luar na Lubre repasa nun novo álbum 30 anos de carreira
- 3/ 12/ 2014 | Luar na Lubre publica o concerto Torre de Bregoghán
- 28/ 5/ 2014 | Luar na Lubre conta a historia dos milesians en Torre de Breoghán
datos do disco