CORREO
RSS
aCentral Folque recupera o legado de Xoán Tilve
outubro 29, 2015
Catro pezas de gaita canda a dúas alocucións de Filgueira Valverde sobre a súa figura, compoñen as gravacións históricas que recupera aCentral Folque no volume Xoán Tilve. Gaiteiro de Campañó, que presentaba onte no Museo de Pontevedra. A obra, que fai parte da colección Chave mestra, recolle as gravacións que se realizaron en 1949 por iniciativa de Filgueira para preservar o legado deste intérprete. Ademais, reinterprétanse outros temas do repertorio deste solista tirados do cancioneiro de Casto Sampedro. A gravación vai acompañada por un estudo biográfico sobre Tilve da man do gaiteiro e investigador Óscar Ibáñez e mais dunha análise sobre o contexto e os fondos do legado de Casto Sampedro no Museo de Pontevedra a cargo de Xavier Groba.
Tamén che pode interesar:
- 27/ 12/ 2021 | Un libro-CD recolle a historia e sons das pioneiras Pandereteiras de Mens
- 14/ 3/ 2018 | aCentral Folque recupera o legado de Maruxa das Cortellas
- 27/ 10/ 2017 | Alejandro Vargas, Rosa Cedrón e Camerata Egeria homenaxean a Chané
- 14/ 9/ 2016 | aCentral Folque publica Cantos de cego de Galiza e Portugal
- 21/ 4/ 2015 | aCentral Folque recupera a Florencio, cego dos Vilares