MeGA

Información

• Noticias
• Reportaxes
• Certames
• Axenda musical
• Musica en galego
• Entidades
• Artistas
• Ligazóns

Xéneros

• Alternativa
• Antiga
• BSO
• Cantautor
• Clásica/Lírica
• Coral
• Electrónica
• Folk
• Fusión
• Hip-Hop
• Indie
• Jazz/Blues
• Melódica
• Nova era
• Pop
• Rock

Ti estás aquí > Inicio / NOTICIA / Os Cempés reúnen en tempo récord 5.000 euros para o seu vindeiro disco

En só catro días desde que comezou a recadación de achegas para que Os Cempés graven o seu novo disco, o grupo colleitou xa 5.420 dos 5.500 euros que precisan. En total foron 122 os doadores que fixeron ata o momento a súa contribución ao proxecto a través do web Verkami, especializado no financiamento de proxectos mediante este sistema.

Os participantes fixeron achegas que van dos 5 ao 1.200 euros. Neste último caso, os doadores poderán desfrutar dun concerto privado do grupo, así como de oito quilos de percebes achegados e cociñados por membros do mesmo e de 30 CDs asinados, entre outros agasallos. O proxecto aínda dispón de 36 días máis para recadar os oitenta euros que lle restan para iniciar a gravación. O grupo prevé comezar as sesións o vindeiro mes de xaneiro e contan coa colaboración dos alumnos da Escola Livre da Música Popular Galega.