CORREO
RSS
Ponse en marcha E-Trad, a Escola de Música Tradicional de Vigo
xuño 27, 2008
Finalmente o curso quedou en branco. A paralización do traballo da Aula de Música Tradicional de Vigo pola súa transformación na nova E-Trad (Escola de Música Tradicional) deixou sen aulas os matriculados do curso 2007-2008. Agora preséntanse os horarios, prazos de matrícula e programas que estarán vixentes no novo centro a partir do vindeiro mes de outubro.
A escola arrinca, como estaba anunciado, cun itinerario básico de 176 horas de formación durante dous anos, e outro profesional de 512 horas repartidas en tres cursos. Como especialidades poderá estudarse canto popular, violín folk, gaita, percusión, zanfona, requinta, harpa céltica, corda pulsada e acordeón diatónico.
As persoas que xa tiñan feita a súa matrícula para o curso que acaba manterán a reserva de praza para o 2008-2009, sempre que confirmen o seu interese antes do día trinta deste mes.
Tamén che pode interesar:
- 6/ 11/ 2008 | Xoán Manuel Tubío: "Queremos que este sexa un centro integral que cubra un baleiro que hai na sociedade"
- 3/ 7/ 2008 | A Asociación de Gaiteiros Galegos xestionará a escola de música tradicional de Lugo
- 3/ 3/ 2008 | O Concello de Vigo presenta o proxecto da nova Escola de Música Tradicional
- 14/ 12/ 2007 | Aínda non comezaron as clases de oito materias da Escola de Artes e Oficios de Vigo
- 2/ 11/ 2007 | A Fundación Sondeseu dirixira a escola municipal de música tradicional de Vigo