CORREO
RSS
Ti estás aquí > Inicio / NOTICIA / Rogelio Groba e Rudesindo Soutelo cobran os dereitos de autor do himno galego oficial
Rogelio Groba e Rudesindo Soutelo cobran os dereitos de autor do himno galego oficial
decembro 21, 2007
Todo o mundo sabe que o himno galego foi composto por Pascual Veiga en 1890. Pero o que escoitamos nos actos oficiais é a partitura de Veiga arranxada por Rogelio Groba, despois dun encargo que lle fixo Xosé Luís Barreiro en 1985, cando era vicepresidente da Xunta de Galicia (e que figura nos anexos á Lei de Símbolos). Sucede que Rudesindo Soutelo editou eses arranxos en “Arte Tripharia”, a súa editorial, e así o fixeron constar na SGAE. Iso implica que cada vez que se interpreta o himno oficial, tanto Groba como Soutelo, cobran. Rudesindo Soutelo, nunha entrevista realizada por este medio en 2003, explicou que os ingresos pola interpretación do Himno van entre 3.000 e 6.000 euros anuais porque “aínda que se interprete moito, non se declara”.
Máis información en La Voz de Galicia e sobre os dereitos na nosa hemeroteca. Ademais, consulta o noso tema sobre o himno
Tamén che pode interesar:
- 21/ 8/ 2014 | O II Festival Groba reunirá concertos e clases maxistrais en Ponteareas
- 4/ 8/ 2009 | A Real Filharmonía celebra o oitenta aniversario de Rogelio Groba cun concerto
- 18/ 2/ 2008 | A primeira partitura do himno galego é de 1906
- 23/ 2/ 2007 | A Xunta organiza un congreso para pór en valor a figura do compositor do himno galego
- 21/ 6/ 2005 | Espectáculos, o premio Andrés Gaos e a homenaxe a Rogelio Groba marcan a celebración do Día da Música