RSS
CRÍTICAS / 346
SOBRE O LIBRO"O OUTRO RíO. A EMIGRACIóN GALEGA A RíO DE XANEIRO"
O Río que nos levou
Gustavo Hervella analiza as claves deste traballo de investigación sobre emigración que recentemente protagonizou un incidente ao ser considerado o mesmo co que a autora gañou o XI Premio Vicente Risco de Ciencias Sociales e incumprir así unha das bases do certame, séndolle retirado o devandito galardón. Nas numerosas achegas ao tema migratorio, Brasil como destino de galegos non fóra reflectido ata agora coa intensidade adecuada á importancia que presenta no cómputo de desprazamentos á outra beira do Atlántico.
SOBRE O LIBRO"O SUXEITO POSMODERNO. ENTRE A ESTéTICA E O CONSUMO"
Amplo espectro: entre a comunicación e a filosofía
Premio Ramón Piñeiro de Ensaio 2005, combinación de achegas de disciplinas científicas coma a neurobioloxía co alento especulativo e filosófico, O suxeito posmoderno aborda cuestións estreitamente relacionadas coa sociedade contemporánea. Baceiredo busca con ambición dar conta completa do mundo da experiencia desde o biolóxico até o estético e o moral.
SOBRE O LIBRO"SE BUSCABAS UN DEUS"
O retorno da Trama. Parte I
Mesturando realidade e ficción, e situándonos nun futuro achegado, “Se buscabas un deus” vai atrapando ao lector no fío dunha inusitada trama que, ao tempo que presinte a desfeita, camiña parella á escolla do que nos quedará: resignarse ou buscar o amor e a liberdade. Xabier Quiroga é o fenómeno silandeiro da literatura galega, escribe novelas devagar, cun personalísimo estilo que esperta fortes opinións. E se estas son positivas, entusiastas, fideliza lectores.
SOBRE O LIBRO"CONTATRáS"
3... 2... 1... 0... Para todos os públicos!
Historias con poesía ou poesías con historia, este volume da conta contos Paula Carballeira busca un lugar no andel da casas, nas que hai rapaces... e nas que non.
SOBRE O LIBRO"OS MONTES VECIñAIS EN MAN COMúN"
O monte é noso, ou non?
Os montes veciñais en man común ocupan en torno ás 700.000 hectáreas da superficie de Galicia. Este tema, que tórnase en actualidade polos acontecemento, estúdase neste volume interdisciplinar de Historia e Economía. O seu pasado, presente e futuro.
SOBRE O LIBRO"SOBERANíA E SANTUARIOS NA GALICIA CASTREXA"
Correndo riscos
Unha aproximación á cultura castrexa que rompe con moitas das ideas preestablecidas e ofrece unha perspectiva sorprendente. Unha achega valente, pero non exenta de polémica debido aos constantes encontros entre as distintas correntes de estudo da arqueoloxía.
SOBRE O LIBRO"BINOMIO DE NEWTON / GARCíA"
A lucidez das palabras
Nesta publicación inclúense dúas obras premiadas.
"Binomio de Newton", gañadora do Premio Max no 2003, e "García", Premio María Casares ao Mellor Texto Orixinal.
SOBRE O LIBRO"PAPAGAIO"
A inservíbel dignidade da ruína
Acompañando ás imaxes de Maribel Longueira, artéllase unha historia poética sobre o derrubamento do barrio coruñés do Papagaio e da vida cotiá das prostitutas que nel desempeñaban o seu oficio.
SOBRE O LIBRO"O CONDUTOR DE AUTOBúS QUE QUERíA SER DEUS"
Arquipélago Kebab
Servíndose de situacións fantásticas e utilizando o humor Keret debulla os conflitos da convulsa sociedade israelí á que pertence e ofrécenos un escudo protector contra a miseria e o desencanto. Nos catro contos e a novela curta que compoñen o libro, o autor escribe, cun sentido do humor absurdo e cheo de ironía, as historias de xentes confusas e deliberadamente non épicas que viven no contorno de Tel Aviv.
SOBRE O LIBRO"HOME SEN NOME"
Ano da Memoria. Episodio I
Un relato de ficción onde pairan como escena de fondo os acontecementos da represión en Galicia durante os días do alzamento e os anos da posguerra. Unha reflexión perturbadora sobre a memoria que deita a mirada dun dos verdugos, un ser tan atroz como coherente.
SOBRE O LIBRO"FINAL DE PELíCULA"
Reformular o mundo nunha sala de butacas
Cunha homenaxe ao cine Pernas rompe a concepción tradicional do espectador invertendo os papeis de quén mira e quén é mirado nesta obra que é o seu mellor texto teatral e que recolle as principais liñas temáticas e estéticas do teatro deste autor. Esta obra obtivo o XII Premio de Teatro Rafael Dieste da Deputación da Coruña na convocatoria do ano 2005.
SOBRE O LIBRO"HERBARIO"
Do que houbo antes da caída
Este libro foi concibido como un libro ao que acudir na procura de consello ou axuda para calquera dificultade que poida atopar na vida, un libro que se pode consultar abrindo unha páxina ao azar. Para María Liñeira "Márai atrévese con todo, e para todo ten unha resposta que aparece rotunda e monolítica, aínda que veña a contradicirse vinte páxinas máis adiante."
SOBRE O LIBRO"UNIVERSO CUNQUEIRO"
A sección áurea
Nesta obra reúnense traballos dispersos e de diversa natureza e temática. Hai prólogos, artigos ou capítulos de libros selectivos, conferencias, etc. Teñen en común a vocación culturalista e o afán de erudición tan característicos do gran narrador mindoniense.
SOBRE O LIBRO"OS HOMES Só CONTAN ATé TRES"
Xogos na corda frouxa
Drama gañador do premio Álvaro Cunqueiro para textos teatrais 2004, conta a historia do deterioro dunha aparente harmonía entre dúas irmás rota pola entrada dun terceiro nas súas vidas. A peza, dividida en 28 escenas, foi estreada o 2 de decembro de 2005 pola compañía “A Factoría Teatro”.
SOBRE O LIBRO"O CIDADáN DO MES"
Horacio Dopico: Un anónimo e humilde consumidor de destilados
O detective Horacio Dopico deberá moverse con moita precaución nunha complexa intriga onde a dobre moral e a corrupción non son patrimonio exclusivo da clase política. Segunda obra do autor, que repite personaxe protagonista e segue creando material narrativo de xénero negro de boa calidade.
SOBRE O LIBRO"OBREIROS ALéN MAR"
As ideas que viaxaron en barco
Estudo da actividade laboral e sindical desenvolvida polos inmigrantes hispano-galaicos, fundamentalmente mariñeiros e fogoneiros, en New York durante o primeiro terzo do século XX. A actividade desenvolvida por estes obreiros nun período destacado de inmigración nos Estados Unidos queda aquí perfectamente reflectida enfrontándose ó tema migratorio desde outra perspectiva.
SOBRE O LIBRO"BROOKLIN FOLLIES"
A arte do encontro
Paul Auster sitúa en Brooklyn o centro dunha desas encrucilladas da vida polas que o destino vai facendo pasar á xente. Nesta novela que contén moitas historias o barrio é a personaxe central, a colmea, e alí converxen os seres humanos que habitan a novela. Auster fala da empatía, do interese e necesidade que os seres humanos teñen os uns polos outros.
SOBRE O LIBRO"POETíZATE"
Palabras para mastigar
De Rosalía de Castro ás poetas novas, Fran Alonso propón unha viaxe polos poemas máis próximos, divertidos e desenfadados da poesía galega. Poetízate é un libro pensado para as persoas que non están afeitas a ler poesía, unha iniciativa intelixente que aposta por inserir a poesía no ámbito do lúdico e como alternativa de ocio por riba de outras posicións máis académicas.
SOBRE O LIBRO"A SOMBRA DESCALZA"
Sombras de muller
An Alfaya mereceu o Premio Lazarillo de Literatura Xuvenil 2005 con esta emocionante novela sobre a recuperación da dignidade e a necesidade de esculcar no pasado para facelo desde a distancia.
SOBRE O LIBRO"MENIñA DE CRISTAL"
Outra vaca no millo, ou de como “eu tamén teño sentimentos encontrados”
Primeira novela desta nova autora, cuxa idea inicial do relato resultou gañadora do singular certame Biblos-Pazos de Galicia na súa primeira edición. Esta orixinal obra, resultante dun proceso de escritura titorizado por Méndez Ferrín, é unha novela de aprendizaxe, sinxela, que narra a viaxe iniciática da protagonista, Xiana, á terra dos seus devanceiros, Santo Andrés de Teixido.