CORREO
RSS
Ti estás aquí > Inicio / reportaxes / Cen anos de música
Cen anos de música
decembro 26, 2002
Naceron antes de que afundira o Titanic, de que se declarasen a primeira e a segunda guerra mundial, e por suposto, viviron unha guerra, a dictadura, unha república e a democracia. E sempre poñéndolle musica. Son a Unión Musical de Valladares que este ano cumpren un centenario ó servicio da música.
Pouco teñen que ver coa formación inicial que se fundou en 1902. Dos 16 afeccionados que se decidiran unir para tocar en festas, pasouse a unha formación profesional con 78 membros e que ten numerosos premios e varios traballos discográficos editados. Pero sobrevivir cen anos non foi un camiño de rosas, sobre todo porque con tantos anos de vida ás súas costas, pasaron por numerosos momentos. Sen embargo, malia a todos os atrancos, aí están, dispostos a durar outros cen anos máis.
1902-1971
A Banda de Música Unión de Valladares
Valladares é o xermolo do que nacerían múltiples manifestacións culturais nesta parroquia viguesa (unha escola de música, centro de formación dos alumnos, grupos de cámara e a asociación de “amigos da música”, que teñen a misión de actuar como mecenas da cultura). Creada en 1902 por un grupo de amigos tiña como principal idea e interese participar en festas e nas romarías da comunidade. Actividades que se sempre se concentraban na época de verán. Debido ó carácter afeccionado da formación, unha constante durante esta época a Banda veuse obrigada a un peregrinar constante de casa en casa para os ensaios así como a estrea continuada de novo director.
Así ata os anos 50, nos que a formación viviValladaresu unha etapa de esplendor, con grandes momentos artísticos recoñecidos máis alá dos lindes da comarca. A Unión Musical de Valadares consolidábase. E neste feito tiñan moito que ver Hernán Cortés, Manuel Vázquez, José Oro Val e Alfonso Méndez que foron os encargados de coller a batuta da formación nestes difíciles anos cincuenta. Foi precisamente con este último director, Alfonso Méndez, co que se lle deu un cambio á Banda, ó ir incorporando progresivamente músicos novos formados na propia Escola de Música de Valladares.
1971 ata hoxe
E en 1071, da man do director Alfonso Méndez, José Iglesias Ramilo un cativo de só 14 anos formado na propia escola de Valadares pasa a facerse coa dirección da formación. Convértese así no director máis novo de toda España e con el, comezan unha serie de cambios. Entra un sopro de aire fresco na formación que ve como cinco anos despois, en 1976, conta cun lugar propio. Coa construcción e remodelación do novo Centro Cultural de Valladares, a Banda de Música gozará de locais propios de ensaio, co que a formación comeza a gozar dunha estabilidade que non tiña ata o momento.
O nivel musical dos músicos de Valladares ía sendo cada vez maior, de feito, foi nesta época que ata se chegou a ter unha filial do Conservatorio Superior de Música de Vigo que funcionou ata o 1983. Ademais, a propia Escola de Música da Banda de Valladares seguiu funcionando como preparatorio ós cursos oficiais, dirixida e organizada conxuntamente polo Centro Cultural e a Unión Musical que chegou a ter máis de cen alumnos por curso.
Debido ó avultado número de alumnos e a ese interese musical, actividade musical da Banda fóronse creando novos grupos dentro da formación: o grupo de cámara, o grupo de metais “ars metal”, o grupo de vento-madeira “Amadeus” e o máis recente o “Valla-Bras”.