Ir ao contido directamente.


Ti estás aquí > Inicio / NOTICIA / A Real Filharmonía estrea unha obra da compositora galega Sofía Oriana Infante

O CONCERTO COMPLETO PODERá SEGUIRSE A TRAVéS DAS REDES AS PARTIR DAS 20:45 DO 14 DE XANEIRO

A Real Filharmonía estrea unha obra da compositora galega Sofía Oriana Infante

CLáSICA/LíRICA | xaneiro 14, 2021

imaxe non dispoñible

O concerto semanal de abono que celebra este 14 de xaneiro a Real Filharmonía de Galicia inclúe no seu programa a estrea dunha obra de autoría galega. Gratulantes é o título da obra que a compositora Sofía Oriana Infante (Santiago, 1989) escribiu por encargo da formación, na liña de apoio a novas voces neste campo que mantén a Filharmonía. A obra cunha duración aproximada de dez minutos, está inspirada na celebración do Ano Xacobeo. Segundo a compositora "escollín unha peza do Códice Calixtino, Gratulantes celebremus festum, sobre a que traballei. A composición desenvólvese mediante unha estrutura reiterante, similar a un rondó, nun único movemento". No traballo "a forza enérxica das cordas achega texturas densas e agres, que contrastan co carácter alegre e festivo dos ventos. O oínte poderá percibir influencias compositivas moi distintas fiadas de forma coherente e sempre con referencias simbólicas persoais ocultas como adoito facer en todas as miñas obras". Sofía Oriana Infante é autora da banda sonora de diversas películas, entre elas Elisa y Marcela de Isabel Coixet.

O concerto, que comeza ás 20:30 horas, poderá seguirse a partir das 20:45 por streaming no Facebook e no Youtube da Real Filharmonía. O recital comezará coa estrea en España de Dark, with excessive bright da estadounidense Missy Mazzoli e finalizará coa Sinfonía nº 8 de Antonín Dvorák (1841-1904).

Tamén che pode interesar: