CORREO
RSS
O PROXECTO BUSCA CONECTAR COMPAñíAS, PROFESIONAIS, PúBLICOS E PROGRAMADORES
Nace a plataforma dixital Mundo Escénico
agosto 5, 2019
Da man de Daniel Amós Rodríguez está xa dispoñible na rede Mundo Escénico, unha nova plataforma virtual que quere servir de punto de encontro para o sector galego das artes escénicas. O proxecto conxuga a estrutura dunha rede social, na que os diferentes usuarios contan con perfís propios, cunha axenda, información de actividades e recompilación de propostas formativas entre outros contidos. Nado ao abeiro do programa Go2Work, da Deputación de Pontevedra e da Escola de Organización Industrial, o espazo sinala que dispón dun directorio de 2.000 grupos, compañías e bandas dos ámbitos do teatro, a danza, a música e o folclore.