CORREO
RSS
Triángulo de Amor Bizarro faise co Premio Ruído
xaneiro 11, 2017
A sala El Sol de Madrid acollía na noite de onte a entrega do Premio Ruído ao Disco do Ano. O colectivo Periodistas Asociados de Música outorgoulle o seu galardón a Salve Discordia, cuarto traballo de Triángulo de Amor Bizarro. Os galegos impuxéronse entre a quincena de traballos finalistas nesta segunda edición dos premios, que á súa vez foron seleccionados a partir de dúas roldas de votacións dun cento de profesionais da comunicación musical. Nos finalistas non faltaban outros nomes do país como Iván Ferreiro e Novidades Carminha. Na gala, ademais dos propios galardoados, actuaron Kokoshca e Aries. O grupo está en plena xira de presentación do seu traballo, con actuacions noso país previstas en Ferrol (18 de febreiro), Vigo (25 de febreiro) e Sarria (11 de marzo, no Esmorga Fest).
Tamén che pode interesar:
- 16/ 12/ 2021 | A folktrónica de Baiuca aspira a mellor disco estatal do 2021
- 3/ 2/ 2021 | 15 grupos e artistas da escena independente reinventan o último disco de TAB
- 19/ 1/ 2021 | Triángulo de Amor Bizarro obtén o seu segundo Premio Ruído
- 23/ 3/ 2020 | Triángulo de Amor Bizarro dánlle unha volta ao seu son para ser eles mesmos
- 24/ 4/ 2017 | Triángulo de Amor Bizarro saca un EP para coleccionistas