CORREO
RSS
Nace o selo discográfico Teen Records
setembro 29, 2016
Un novo selo discográfico que busca desenvolver tarefas de "scouting, rexistro, produción, distribución e promoción de talento adolescente galego tanto instrumental como vocal, potenciando e apoiando a futura escena musical en Galicia". Esta é a proposta que fai Teen Records, unha proposta nada do traballo de fin de Grao de seis alumnas de Comunicación Audiovisual da Universidade de Santiago e que se fixo realidade coa axuda do programa Iniciativa Xove da Xunta de Galicia. A iniciativa, que inicia a súa carreira cos grupos Marching Trees, Stock, Ember e mais Cabina 402, preséntase ao público o vindeiro 5 de outubro cun concerto dos dous primeiros grupos na Sala Capitol.
Noelia Francisco, Ana Túñas, Esther González e Carla Núñez son as responsables desta iniciativa que pretende achegar "unha oportunidade para que os novos creadores poidan dar a coñecer a súa música e abrirse un camiño profesional deixando pegada na industria musical. Todo, a través da produción de contidos e formatos innovadores tanto no ámbito analóxico como dixital por medio de diferentes medios e soportes como, por exemplo, “demos” de calidade, videoclips e futuros concertos, empregando as redes sociais".
Tamén che pode interesar:
- 1/ 7/ 2015 | Nace Certain Music Records desde Pontevedra
- 6/ 11/ 2013 | Nace o selo Sons bonitos pero nazis
- 17/ 1/ 2013 | Holywater lanza Wasteland
- 20/ 9/ 2006 | O ex-Piratas Fon Román presenta o seu primeiro disco en solitario
- 30/ 5/ 2006 | A discográfica Ouvirmos estrea co primeiro disco de Galegoz un selo dedicado a novos creadores