CORREO
RSS
Cristina Pato lanza Migrations
xaneiro 8, 2013
Roots and jazz from NYC é o lema que acompaña a Migrations o disco que acaba de presentar Cristina Pato desde Estados Unidos e que chegará ás tendas o vindeiro día 15. A gaiteira sinala que o proxecto quere servir como unha nova presentación do seu traballo a partir dos seus dous instrumentos predilectos, a gaita e o piano. Bases tradicionais reinterpretadas cunha importante base rítmica e toques de jazz marcan o eixe deste traballo, no que se atopan muiñeiras (Muiñeira for Cristina, Muiñeira de Carmen), jotas ou pandeiradas (Pandeirada Bestia) canda a temas coma Dindi ou Blue in Green.
A estrea do traballo, editado por Sunnyside Records será o vindeiro 15 de xaneiro no Jazz Standard de Nova York. A primeira cita no noso país está prevista para o vindeiro tres de marzo na Festa do Queixo de Arzúa.
Tamén che pode interesar:
- 3/ 2/ 2015 | Estrelas do folk galego reúnense en Rústica
- 10/ 2/ 2010 | Cristina Pato presenta o seu novo traballo The Galician Connection
- 1/ 2/ 2010 | Cristina Pato participa nun disco premiado co Grammy
- 6/ 10/ 2008 | Cristina Pato colabora no novo disco do violoncellista Yo-Yo Ma
- 14/ 8/ 2007 | Brath, Cristina Pato ou GalegoZ son algúns dos grupos que reciben axudas á difusión do IGAEM