CORREO
RSS
DESENVOLVERANSE EN 27 ESPAZOS DE INTERESE CULTURAL DE TODO O PAíS
O segundo ciclo Espazos Sonoros contará con 88 concertos
marzo 27, 2009
Espazos Sonoros, o ciclo que achega a música a espazos de interese cultural e histórico de todo o país xa ten o programa da súa segunda edición. Desta volta serán 88 os concertos que se poderán ver entre o 15 de abril e o 28 de xuño en 27 lugares de todo o país coma a Illa de San Simón, o forte de San Lourenzo ou o aeródromo de Rozas. Música antiga, contemporánea, jazz ou folk son algúns dos estilos que se poderán escoitar no programa, con actuacións do Grupo Meendinho, Emilio Cao, Moscow Art Trio, Camerata Vivace ou Abe Rábade Trío entre moitos outros.