CORREO
RSS
Ti estás aquí > Inicio / NOTICIA / Ouvirmos convoca un casting virtual para seleccionar artistas xuvenís
Ouvirmos convoca un casting virtual para seleccionar artistas xuvenís
novembro 7, 2008
A discográfica Ouvirmos e a produtora Control Z veñen de convocar un casting virtual ao máis puro estilo dos programas televisivos de busca de novos artistas. O obxectivo final consiste en seleccionar cantantes e bailaríns para un novo proxecto musical e multimedia dirixido ao público xuvenil. Na vez de reunir os aspirantes nun lugar físico para demostrar as súas capacidades o proceso terá lugar a través de vídeos de menos de dous minutos de duración enviados por Internet directamente a Ouvirmos. Así os mozos e mozas que queiran formar parte desta aventura deberán ter entre 18 e 25 anos e saber cantar e/ou bailar. Aquelas persoas que teñan este perfil e desexen participar na selección, deberán enviar antes do 14 de novembro un vídeo ─cunha duración non superior aos dous minutos─ xunto aos seus dados persoais ao enderezo ftp.ouvirmos.com (o usuario é videocasting e o contrasinal video2008casting.