12/11/2024
O sector audiovisual reclama das administración máis aposta pola lingua
As sete asociacións sectoriais integrantes Mesa do Audiovisual Galego veñen de facer público un comunicado conxunto relativo ao estado actual da lingua galega na creación, produción, distribución e exhibición de contidos audiovisuais. A raíz dos datos publicados fai semanas na 'Enquisa estrutural a fogares, coñecemento e uso do idioma galego' do Instituto Galego de Estatística (IGE) estas sete asociacións do sector audiovisual (Academia Galega do Audiovisual, Asociación de Actores e Actrices de Galicia, Asociación Galega de Produtoras Independentes, Asociación Galega de Profesionais da Dirección e Realización, Asociación Sindical Galega de Guionistas, Cluster Audiovisual Galego e Coordinadora Galega de Festivais de Cinema) decidiron trasladar ao debate público a súa posición no que ten que ver coa lingua galega no audiovisual..
Amplía a nova>>
08/11/2024
Quiosco: Galicia Histórica número 92
O novo número de
Galicia Histórica, o boletín editado polo arquivo da Catedral de Santiago, dedica unha primeira entrega á presenza da catedral de Santiago no cine e a televisión, a partir da indagación nos fondos documentais da institución e na consulta da prensa local. A publicación comeza dando conta da rodaxe do primeiro filme no que aparece a catedral,
La casa de la Troya, rodado en 1924 a partir da exitosa novela homónima. Nos documentos obsérvanse os recelos do Cabildo da catedral -e o apoio do arcebispo, á filmación de escenas no interior do templo. O caderno dá tamén conta de diferentes filmacións do NO-DO ou mesmo da película
Orgullo e paixón, de Stanley Kramer (1957), onde se concedeu permiso para filmar escenas desde os balcóns da catedral. .
Amplía a nova>>
07/11/2024
Chega ás salas de cinema o documental Os espazos en branco
A sala NUMAX, en Santiago de Compostela, acollía este 6 de novembro a estrea comercial de
Os espazos en branco. O documental que Bruno Arias realizou sobre figura da súa tía, Xela Arias, inicia agora unha xira de presentación que o levará por oito salas máis do país, en cada unha das cales realizará unha única proxección..
Amplía a nova>>
05/11/2024
O 38º Cineuropa premia a Alberto Gracia e reivindica "a liberdade"
Do 7 ao 24 de novembro Cineuropa celebrará en Santiago a súa 38ª edición, a cuarta como certame competitivo. O programa inclúe máis de 130 filmes alén de concertos, debates, encontros con cineastas e actividades formativas. Baixo o lema 'O corazón do cinema é a liberdade' e con Abraham Lincoln no cartel o festival presenta unha manchea de filmes que conectan pasado co presente de máis actualidade e conforman a sección temática da que devén o lema da edición: 'Henry Fonda for President. O corazón do cinema é a liberdade', un percorrido sobre un actor-mito que prestou corpo e voz á historia estadounidense en múltiples películas, encarnando os ideais da súa sociedade, ideais sobre os que xirarán numerosas proxeccións e actividades paralelas do festival. Na súa presentación, o director de Cineuropa, José Luís Losa, anunciou a entrega das distincións honoríficas deste ano a traxectoria ao director ferrolán Alberto Gracia, a actriz hispano-sueca Ingrid Garcia-Jonsson, e o a realizadora brasileira Flávia Castro. .
Amplía a nova>>
30/10/2024
Os fondos para Cultura da Xunta medran un 5,5 por cento en 2025
A Consellería de Cultura, Lingua e Xuventude contará cun orzamento de 146 millóns de euros para 2025, un 7,5% máis do que no anterior exercicio. En canto aos fondos específicos dedicados á cultura, a suba é dun 5,5%. Así o asegurou José López, titular deste departamento, este 30 de outubro, na súa comparecencia ante a Comisión 3ª do Parlamento para presentar estas contas. .
Amplía a nova>>
30/10/2024
Margarita Ledo estrea 'Prefiro condenarme' no festival de Cine Europeo de Sevilla
O Festival de Cine Europeo de Sevilla acollerá o vindeiro día 9 de novembro a estrea mundial ao público do filme 'Prefiro condenarme' (Nós PCG, 2024), o novo traballo da cineasta Margarita Ledo Andíon (Castro de Rei, 1951). A película entrará en competición dentro da sección Las Nuevas Olas do festival hispalense e terá o seu primeiro pase ao público o sábado, 9 de novembro, ás 19:00 horas, repetindo o seguinte luns, día 11, ás 21:45 horas. Previamente o venres 8 habéra un pase para prensa e profesionais acreditados. 'Prefiro condenarme' chegará ás salas comerciais o vindeiro día 22 de novembro, en datas previas ao Día Internacional para a Eliminación da Violencia contra a Muller (25 de novembro).
.
Amplía a nova>>
28/10/2024
Gran Premio Alquimias na Seminci para o director Alberto Gracia
A película 'La Parra' de Alberto Gracia (Ferrol, 1978) ven de saír da 69ª Semana Internacional del Cine de Valladolid (Seminici) distinguida con premio da sección Alquimias, o espazo que o festival dedica ás obras de ficción que manexan unha linguaxe cinematográfica máis anovadora. O filme de Gracia, ambientado e rodado no seu Ferrol natal foi o elixido por un xurado conformado polo cineasta Gabe Klinger, o escritor e guionista Álex Mendíbil e a cineasta Helena Wittmann. O xurado considerou ao filme merecedor deste recoñecemento "por guiarnos cega e libremente por lugares pechados e incómodos a través das personaxes que elixen non responder". .
Amplía a nova>>
28/10/2024
Un novo programa achega oito montaxes teatrais a Agalega.gal
Este 24 de outubro o web Agalega.gal, espazo en liña da Televisión de Galicia, estreaba unha nova proposta teatral.
Fila 1. Butaca G presenta adaptacións á linguaxe televisiva de oito montaxes teatrais de compañías galegas, dispoñibles baixo demanda para todo o público. Tamboura Films correu con esta produción pioneira no audiovisual e no teatro do país..
Amplía a nova>>
25/10/2024
A Mostra Mares da Fin do Mundo arriba en Ribeira
Tras varias edicións celebrándose no Concello de Outes, e previamente en Carnota, a Mostra Internacional de Cinema Documental mares da Fin do Mundo cambia este ano de porto e de ría, levando a súa sétima edición a Ribeira. Este encontro vencellado sempre ao audiovisual enfocado no eido mariño e pesqueiro dará comezo o vindeiro martes coa apertura da exposición fotográfica 'Xente no medio' de Maribel Longueira (A Coruña, 1951) no Centro Cultural Lustres Rivas. Esta exposición forma parte do programa de actividades paralelas do festival, que inaugurará as proxeccións o mércores co filme indo-francés ' Remando a la deriva' de Sarvnik Kaur, sobre a pesca en Bombai. Na sección oficial competirán 16 filmes dunha ducia de nacionalidades diferentes, incluíndo este ano un filme franco-palestino sobre o traballo da pesca en Gaza, e nas sesións especiais contarase, entre outros cos traballos 'Echo Alfa Delta Zulu' de Adrián Canoura e Anxo Rodríguez, resultado dun proceso de investigación arredor do mar e o arquivo sonoro/audiovisual existente, tanto na cultura, como na rede. O filme de clausura, o domingo 3 de novembro, será a curtametraxe documental 'Voces da conserva', de Lesmes Iglesias, que narra o auxe da salgadura e os comezos da conserva hermética en Barbanza-Arousa. O progrma , como é habitual neste evento, contará con faladoiros, obradoiros e varias actividades complementarias..
Amplía a nova>>
24/10/2024
A Mostra de Curtas de Noia celebra o seu 25 aniversario
A Mostra de Curtas 'Vila de Noia' xa ten todo preparado para súa celebración de 25 aniversario. O programa desta edición tan sinalada comeza este luns, 28 de outubro coa súa sección Curtacativa que achega as curtametraxes aos estudantes dos centros de ensino do concello, e rematará o 9 de novembro, cando terá lugar a gala de entrega de premios. Segundo a organización o certame recibiu 1200 curtametraxes de todo o mundo de entre os cales o xurado fixo unha selección de 50 pezas para as tres categorías en concurso: Ficción, Animación e Galicia Amateur. O programa inclúe ademais as proxeccións das longametraxes '+ Cuñados', dirixida polo noiés Luis Avilés e 'Matria' de Álvaro Gago. O Coliseo Noela recibirá aos directores e boa parte dos elencos artísticos, cunha alfombra vermella na que sa é habitual ver cada ano a rostros moi coñecidos do audiovisual. Ademais a sección fóra de concurso 'Cousas de aquí' estará dedicada ao mar proxectando documentais sobre a pesca de baixura..
Amplía a nova>>
