NOTICIAS
DECORADO DE ALBERTO VáZQUEZ, OBTIVO O GALARDóN AO MELLOR FILME DE ANIMACIóN02/03/2026
O filme Sirât, dirixido polo naviego Óliver Laxe, fíxose con seis dos once galardóns aos que aspiraba na gala dos XL Premios Goya, que se celebrou sábado en Madrid. A produción, malia a non obter ningún dos recoñecementos maiores aos que estaba nomeada, foi a máis premiada da noite.
27/02/2026
Asturias acolle deste este martes 24 de febreiro a rodaxe de Coworkinaos, primeira serie de ficción coproducida pola Televisión de Galicia e Televisión do Principado de Asturias. O proxecto, gravado en galego e en asturiano, é unha comedia sobre as vivencias dun grupo de seis persoas de diferentes idades que comparten espazo de teletraballo no rural.
26/02/2026
A Academia Galega do Audiovisual ven de conceder o Premio de Honra Fernando Rey deste ano á asesora lingüística e tradutora Rosa Moledo. Este galardón distingue a traxectoria de profesionais cunha especial relevancia para o sector audiovisual. A academia llo outorga a Moledo en recoñecemento a unha traxectoria profesional de máis de trinta anos vencellada ao audiovisual, caracterizada polo rigor lingüístico, o compromiso coa lingua e unha achega fundamental á calidade das producións de cine, televisión e plataformas audiovisuais. O galardón será entregado o vindeiro 21 de marzo no Auditorio Fuxan os Ventos de Lugo, durante a gala dos XXIV Premios Mestre Mateo.
19/02/2026
Os Cantones Cines na cidade da Coruña acolle esta tarde de xoves a premiere en salas do filme 'As liñas descontinuas', escrito e dirixido por Anxos Fazáns. A película chegará ao circuíto comercial este venres 20 de febreiro pudendo verse en salas das catro provincias galegas. Á premiere de hoxe asistirá o equipo practicamente ao completo e tamén diversas personalidades do sector e do mundo cultural como The Rapants, o actor Xoán Fórneas, De Ninghures, ou as creadores de contido María Rúa, Blondiemuser, Nuria Grandío e Sara Seco, entre outras.
12/02/2026
A Xunta acaba de editar o catálogo 'Films from Galicia 2026', unha ferramenta de difusión exterior que reúne 63 novos títulos do audiovisual galego, con 23 estreas recentes e 40 proxectos en diferentes fases de desenvolvemento. Ofrécese e compéndiase deste xeito información útil para profesionais da distribución, das vendas e da programación e incorporarase á actividade de promoción do Goberno galego en diferentes mercados e encontros especializados do circuíto internacional. A publicación da Consellería de Cultura, Lingua e Xuventude comeza hoxe o seu periplo no European Film Market de Berlín, o espazo dedicado á exhibición empresarial e ao negocio que se desenvolve ata o 18 de febreiro en paralelo á Berlinale e ao que está prevista a asistencia de máis de 12.000 axentes do sector. Este catálogo edítase en inglés, en formato tanto físico como dixital interactivo, para favorecer a súa máxima difusión.
10/02/2026
A Asociación de Actores e Actrices de Galicia (AAAG) anunciaba este 10 de febreiro o falecemento do actor Gonzalo Rei Chao. Nado en 1945, este profesional fixérase célebre polo seu traballo no audiovisual galego, onde participou en producións de grande sona como Padre Casares, onde encarnou o padre Crisanto, ou, como actor de dobraxe, a pórlle voz ao Mestre Mutenroi na serie Dragon Ball Z Kai.
