DISTRIBÚE. PROMOCIONA.
GAÑA VISIBILIDADE.
Benvidos e benvidas a AVG, o soportal do audiovisual galego
promovido polo portal culturagalega.org, do Consello da
Cultura Galega. Estás ante a primeira iniciativa
ampla de sistematización da producción audiovisual
no Estado español. Culturagalega.org, a web de
referencia para a cultura galega, chega a un amplo público
de profesionais da cultura e público de entretemento.
AVG está concibido para a promoción
e a creación de mercado para o sector audiovisual
galego, dende o punto das empresas, os profesionais,
as entidades e as institucións. A nosa potente
ferramenta permíteche presentar as túas
produccións -e múltiples materiais asociados,
como trailers, making of, storyboards, bandas sonoras,
membros do reparto- cara un amplo público de
profesionais, afeccionados e interesados. Ademais, culturagalega.org
optimiza os vídeos para que estes poidan ser
vistos por usuarios con conexións moi diferentes
e mínimo nivel de coñecemento técnico
de Internet. Ademais, a presencia do teu producto é
enviada, a través das listas de distribución
de culturagalega.org a un importante número de
subscritores repartidos en todo o mundo.
| AVANTAXES
DE ESTAR PRESENTES EN AVG/CULTURAGALEGA.ORG |
- As túas produccións/ o teu traballo
están presentes no principal catálogo
en liña da producción audiovisual
galega, o cal quere dicir punto de encontro
para distribuidoras e compradores de producto.
- Podes multiplicar a presencia promocional
da túa producción.
- O teu traballo / producción vai estar
relacionado coa ficha da túa compañía,
os teus productos anteriores, e coa ficha de
curriculum de cada un dos membros de reparto.
- Os teus productos audiovisuais serán
optimizados para Internet sen custes de compresión
ou de ancho de banda.
- Non perdes ningún dereito sobre o teu
producto.
|
¿COMO
FALAR CONNOSCO?
Ti, a túa producción, a túa empresa
ou entidade pode ter presencia en AVG. Facelo é
moi doado. Simplemente ponte en contacto connosco:
Correo: avg@culturagalega.org
Teléfono: +34 981569020
Fax: +34 981588699
Enderezo físico:
Consello da Cultura Galega
Pazo de Raxoi, 2º andar
15705 Santiago de Compostela
Un productor de culturagalega.org porase
en contacto contigo pouco despois de recibírmonos
a túa proposta.
PREGUNTAS
FRECUENTEMENTE CONTESTADAS
1. ¿Cobra
o Consello da Cultura Galega polo servicio?
Non. Como institución pública, o Consello
da Cultura Galega ten que obter rentabilidade social,
e non económica. E a rentabilidade social neste
caso é o fomento da lingua e dos contidos galegos
no sector audiovisual e o progreso deste como industria
de futuro para Galicia. O único que se pide é
que nos cedas a copia do material, sempre que sexa posible,
para que pase a formar parte dos fondos do Consello
da Cultura Galega e poida ser consultable no futuro
polos investigadores do audiovisual.
2. ¿Difundir
un material da miña producción supón
que o Consello da Cultura Galega se queda cos dereitos
deste?
Non. Cando decides distribuír un vídeo,
como pode ser un tráiler, un making of, unha
banda sonora, unha producción completa, etc.,
ou calquer outro tipo de contido, asinas un acordo non
excluínte co Consello da Cultura para a distribución
en Internet dese producto, que podes rescindir con 15
días de antelación. O Consello da Cultura
Galega non obtén en ningún momento ningún
dereito de propiedade sobre o producto. Pincha aquí
para descargar o modelo de acordo de cesión de
dereitos de distribución.
3. ¿Que tipo de materiais
podo distribuír?
Na práctica, case de todo. Trailers, making of's.,
fotografías, bandas sonoras (completas, ou con
cortes), etc.. O mellor é que consultes cos productores
as posibilidades. Ver contacto.
4. ¿Canto tardades
en subir o meu material?
Aínda que a atención ás novas produccións
é prioritaria, depende dos prazos de producción
que teña marcados a redacción de culturagalega.org
e das dificultades que entrañe o material. En
todo caso, o tempo é reducido.
5.¿Que formatos?¿Como?
Aceptamos todo tipo de formatos de envío. Consulta
as seguintes táboas
| ENVÍO
DE MATERIAL PARA AVG/CULTURAGALEGA.ORG |
| VIDEO |
| Cintas VHS |
| Cintas MiniDV |
| |
| DIXITALIZADOS |
| DV |
| AVI |
| MPEG |
|
| AUDIO |
| CD Audio |
| |
| DIXITALIZADOS |
| MP3 Mínimo 128 kbps |
| |
|
| IMAXE E DOCUMENTOS |
| TIFF, JPEG, GIF, BMP, PNG |
| |
| DOCUMENTOS |
| Word, PDF |
|
6.¿Facedes vós
unha selección?
A decisión final de publicación e distribución
sempre é de culturagalega.org.
|
