05/05/2025
Curtocircuíto pásase ao verán
O Festival Internacional de Cinema Curtocircuíto, organizado polo Concello de Santiago de Compostela (Compostela Cultura), celebra a súa vixésimo segunda edición cunha renovación de modelo e un adianto de datas. O evento celebrarase entre o 1 e o 6 de xullo e volve ás rúas, coa proposta de xerar espazos de intercambio entre a cidadanía e os artistas nos que compartan e reflexionen sobre o seu traballo. Ademais desde este mesmo luns 5 de maio dá comezo o programa Curtocircuíto Campus, que ata o 13 de maio levará a cabo actividades dedicadas en exclusiva á alfabetización audiovisual, a creación de novos públicos e a formación en xeral. Cada edición, máis de 2.000 estudantes participan nestas actividades que reforzan o espírito fundacional do evento..
Amplía a nova>>
02/05/2025
Tui acolle o 21 Play-Doc do 7 ao 11 de maio
Está todo preparado para a vixésima primeira edición do Play-Doc. O festival de cinema que se celebra en Tui entre o 7 e o 11 de maio chega cunha forte presenza internacional ao tempo que presta unha especial atención á produción galega neste campo..
Amplía a nova>>
30/04/2025
Fecha a revista dixital A Cuarta Parede
Este pasado 28 de abril a revista dixital
A Cuarta Parede comunicaba o seu cesamento de actividade. A que fora referente na crítica cinematográfica en galego na rede desaparece logo de 14 anos dedicados á sétima arte. A dificultade para contar con recursos para manter este proxecto, que se baseaba no traballo voluntario, está detrás da decisión..
Amplía a nova>>
29/04/2025
Trinta anos de creación audiovisual de Alfonso Zarauza
O 24 de febreiro do ano 1995 estreábase no Cine Valle-Inclán de Santiago de Compostela a curtametraxe 'Hay que joderse', detrás daquel traballo amador había dous nomes: Pablo Iglesias Rendo (Santiago, 1977) e Alfonso Zarauza (Santiago, 1973). Co gallo do trinta aniversario daquel intre o hoxe recoñecido realizador Alfonso Zarauza fai unha parada para mirar atrás na súa prolífica carreira como cineasta a través de dúas accións que estes días teñen lugar na cidade que o inspira e que, dun xeito ou doutro, forma parte de toda a súa produción audiovisual. A primeira das accións é puramente cinematográfica e ten lugar estes días na sala NÚMAX, onde se programa un ciclo retrospectivo da súa filmografía, proxectando cada martes ata finais de mes unha das súas películas. Hoxe mesmo, 29 de maio poderán verse 'Encallados'(2013) e máis 'Flâneu en Compostela' (2020). En cada unha das sesións acudirán o director e algún dos membros do equipo de rodaxe. .
Amplía a nova>>
28/04/2025
O Carballo Interplay recoñece unha comedia iraniana e un director canadiano
O festival de contidos dixitais Carballo Interplay fechaba este 27 de abril a súa décima segunda xeira coa entrega de premios aos mellores traballos. Na Sección Oficial, o xurado formado polo xornalista e guionista Bob Pop, o cineasta Jorge Boquete e a actriz e creadora de contido Albanta San Román deulle o premio á Mellor Serie a
The Pearl (Let´s make peace)..
Amplía a nova>>
28/04/2025
A Deputación da Coruña crea o Premio José Gil de Audiovisual
A área de Cultura da Deputación da Coruña suma un novo certame ao seu catálogo de premios á creación, o José Gil de audiovisuais. Terá unha dotación de 19.500 euros, 6.500 para cada un dos gañadores das tres categorías a concurso: guión de longametraxes de ficción en lingua galega, guión de longametraxes documentais en lingua galega e traxectoria ou iniciativa de especial relevancia no audiovisual galego. As bases xa está publicadas no Boletín Oficial da Provincia e o prazo de presentación está aberto desde hoxe ata o 28 de maio. O galardón leva o nome de José Gil, que como sinalou o comisario do certame, Manolo González, foi pioneiro en Galicia da reportaxe fotográfica, o nacemento do cinema de ficción, documental, industrial, educativo e turístico, "así como tamén da lusofonía audiovisual, os noticiarios, a publicidade, o arquivo fílmico e tantas outras achegas incuestionables do cineasta a prol da modernización de Galicia entre 1910 e 1935". O xurado estará presidido pola Deputada de Cultura, Natividade González, e formado por cinco persoas de recoñecido prestixio no ámbito do audiovisual..
Amplía a nova>>
25/04/2025
Fon Cortizo acada o premio á mellor curtametraxe en Moscova
A curtametraxe 'Abellón' do realizador e guionista vigués Fon Cortizo vén de gañar o Premio á Mellor Curta da 47ª edición do Festival Internacional de Cinema de Moscova, en Rusia. No filme Fon Cortizo a través historia de Álex, un mozo que traballa audiodescribindo películas para persoas con discapacidade visual, achega unha experiencia sobre a percepción, a identidade, a masculinidade e os coidados, usando para iso unha linguaxe cun importante peso do son como ferramenta inclusiva. O protagonista vive unha crise vital mentres tenta entender os soños perturbadores do seu avó centenario, xa incapaz de distinguir entre realidade e soño. Nesta viaxe emocional coñece a Lucía, unha rapaza cega de nacemento que lle amosa como percibe, soña e sente o mundo desde a escuridade. O reparto está conformado por Machi Salgado, Corina Alfonso e Helena Varela..
Amplía a nova>>
25/04/2025
Estréase en salas o documental 'A Foreign song' de César Souto
A sala NÚMAX de Santiago de Compostela acolle hoxe ás 19:45 horas a estrea en cines do documental 'A Foreign Song', filme de Matriuska Producións, escrito e dirixido por César Souto. O director e dous membros do equipo da película (Alberte Branco e Daniel Froiz) asistiran á estrea. O filme terá pases tamén nos seguintes dous días na sala. Tras diso poderase ver en Vigo ( 28 de abril, Multicines Norte) , A Coruña (29 de abril, Cantones Cines), Ferrol (8 de maio, Dúplex) e Lugo (9 de maio, Codex Cinema) nas vindeiras semanas, con pases aos que tamén asistirá Souto. A película acadou o Premio á Mellor Película Española e Mellor Dirección no Festival de Xixón 2022 e foi finalista nos XXI Premios Mestre Mateo..
Amplía a nova>>
16/04/2025
O XII Carballo Interplay proxectará vinte series de 12 países na súa sección oficial
Unha vintena de series de doce países competirán na duodécima edición do Carballo Interplay (CIP). O festival de contidos dixitais que se celebra do 24 ao 27 de abril deu a coñecer o seu programa, no que destaca a presenza canadense, con cinco series a concurso. Ségueo España, con catro propostas, das cales tres son galegas..
Amplía a nova>>
15/04/2025
A nova edición de 'Films from Galicia' presenta 62 novos traballos
O novo catálogo de produción audiovisual galega presentada para público internacional
Films from Galicia presenta 62 novos títulos, dos que 48 están a piques de se estrear. Trátase de 30 longametraxes de ficción, 21 documentais, 4 obras de animación e 7 formatos televisivos, das que se ofrecen datos básicos e o contacto para a súa venda e distribución. entre os filmes atópanse dous seleccionados para a sección oficial do festival de Cannas, como
Sirat de Oliver Laxe, e
Romería, de Carla Simón, xunto cos últimos traballos de realizadores como Noemí Chantada, Santos Díaz, Anxos Fazáns, Andrés Goteira, Ángeles Huerta, Lois Patiño, Sandra Sánchez, Ángel Santos, Diana Toucedo ou Alfonso Zarauza. .
Amplía a nova>>
