NOTICIAS
O FILME FOI RECOñECIDO POLA REVISTA THE NEW YORKER COMO MELLOR PELíCULA DO ANO09/12/2025
O filme Sirât do realizador galego Oliver Laxe vai engadindo co paso das semanas máis méritos que afianzan o incuestionable do seu éxito e impulsan a película de cara aos premios Oscar da industria estadounidense. Nos galardóns Globos de Outro, convocados pola Asociación da Prensa Estranxeira en Hollywood o filme Laxe ven obter dúas candidaturas finalistas. Unha delas, a de Mellor Película de Fala non inglesa, mentres que na outra será a potente e presente banda sonora asinada por Kangding Ray a que aspira a galardón. Ademais disto o filme foi designado pola prestixiosa revista The New Yorker, como a mellor longametraxe deste ano 2025.
O XURADO PREMIA á OBRA AUDIOVISUAL BASEADA NO TRABALLO QUE XA A FIXO GAñAR OS PREMIOS NACIONAL DE CóMIC E CASTELAO DE BANDA DESEñADA
09/12/2025
A autora Bea Lema (A Coruña, 1985) gañou o premio a Mellor Curtametraxe do 37 Aguilar Film Festival grazas á adaptación audiovisual do seu premiado traballo de banda deseñada 'El cuerpo de Cristo'. Coa versión en papel, a artista gañou o Premio castelaod e Banda Deseñada en 2017 e o Premio Nacionald e Cómic en 2024 co publicación da obra por parte de Astiberri. Agora, baixo a produción da multipremiada Chelo Loureiro, de Abano Producións, a adaptación da obra ao formato audiovisual ven de obter este novo recoñecemento no certame de Aguilar de Campoo, calificador para os Premios Goya.
A NOVA ENTIDADE NACE DA MAN DE PROFESIONAIS DA CIENCIA, A TECNOLOXíA E A CULTURA
05/12/2025
Cunha xornada sobre Sete séculos de creación literaria en galego, este 5 de decembro se presentaba ao público o Foro Galicia Crea. A nova entidade nace da man "dun grupo diverso de profesionais dos eidos da ciencia, a tecnoloxía e a cultura" coa intención de promover "a creatividade e o pensamento libre fomentando espazos de traballo e debate dende Galicia, en interacción coa cultura global", segundo apunta o propio foro.
A PROPOSTA COMBINA OLLADAS LITERARIAS E DO AUDIOVISUAL PARA REFLEXIONAR SOBRE O ESPAZO QUE HABITAMOS
03/12/2025
Diálogos entre nomes da literatura e do audiovisual arredor do concepto de lugar e a relación co espazo que habitamos. Esta é a proposta da miniserie No seu lugar, outro que desde este 2 de decembro está dispoñible no web AGalega.gal.
O GALARDóN DE NOVA CREACIóN ENTREGOUSE DURANTE A PRESENTACIóN DO FESTIVAL QUE COMEZARá O VINDEIRO MARTES
02/12/2025
Coincidindo coa presentación do programa do seu décimo aniversario o festival Novos Cinemas de Pontevedra entregou hoxe á cineasta Carla Simón o que é o primeiro Premio de Cinematografía Novos Cinemas, un recoñecemento que nace para destacar olladas singulares e comprometidas coa linguaxe cinematográfica. O premio nace co impulso do Concello e da Deputación de Pontevedra, e representa un desexo largamente compartido polo festival: recoñecer a implicación autoral, o risco creativo e a coherencia ética e estética que definen unha cinematografía viva e transformadora.
O MUSEO ARQUEOLóXICO E O CINECLUBE PADRE FEIJOO ORGANIZAN A CITA ENTRE OS DíAS 2 E 5 DE DECEMBRO
02/12/2025
Un ciclo de cinema centrado na investigación do pasado. Esta é a proposta da I Semana de Cine Arqueolóxico que se celebra na Casa da Cultura de Ourense entre os días 2 e 5 de decembro. O Museo Arqueolóxico Provincial e mais o Cineclube Padre Feijoo coordinan un programa composto por cinco filmes. As proxeccións, que se celebran ás 19:30 horas, acompañaranse de presentacións específicas sobre cada proxecto.
