09/10/2023
Nós Televisión pon na rede o documental Saber Galiza. O Seminario de Estudos Galegos
Este sábado 7 de outubro Nós Televisión estreaba na súa canle de Youtube o documental
Saber Galiza. O Seminario de Estudos Galegos. Con esta produción, a cadea súmase ás celebracións do centenario desta institución a presentar "unha viaxe ao longo do territorio e da historia para divulgar unha historia aínda descoñecida para a meirande parte das galegas e dos galegos"..
Amplía a nova>>
09/10/2023
Premio dobre para Jaione Camborda por 'O Corno' no OUFF
A 28ª edición do Ourense Film Festival (OUFF) pechouse coa entrega dos galardóns das seccións competitivas no Auditorio Municipal de Ourense despois de 10 días cunha programación chea de cinema e a presenza de grandes figuras homenaxeadas cos diversos premios de honra. A directora vasca afincada en Galicia, Jaione Camborda, lograría unha por 'O Corno' o premio Calpurnia Xacobeo á Mellor Película e o Premio á Mellor Dirección. A comedia negra Honeymoon, de Enrique Otero, recolleu dous premios. O primeiro foi o Premio do Público, que patenta o éxito do filme das salas, onde o 88% dos espectadores participaron co seu voto. Ademais Nathalie Poza, actriz protagonista do filme, alzouse co Premio á Mellor Interpretación da sección Panorama Galicia. O Premio ao Mellor Guión foi para Xavier Villaverde, por 'María Casares: a muller que viviu mil vidas'..
Amplía a nova>>
06/10/2023
O impacto da lingua galega na economía supón como mínimo 1440 millóns de euros
O Consello da Cultura Galega (CCG) presentou hoxe 'O valor económico do galego' un documento de traballo que achega, por primeira vez, o coñecemento da contribución da lingua galega ao conxunto da economía de Galicia. Segundo os resultados deste informe o galego ten un impacto directo no conxunto da nosa economía de 1.440 millóns de euros de valor engadido (VEB) e 27.702 postos de traballo, cifras que aumentan se consideramos tamén os impactos indirectos e inducido. O Observatorio da Cultura Galega do CCG en colaboración co Instituto de Estudos e Desenvolvemento de Galicia (IDEGA) elaboraron un estudio de datos que agora se reflicte neste documento de traballo pioneiro para a lingua galega, pero homologable aos realizados noutras linguas como o castelán, o portugués, o éuscaro ou o catalán na Comunidade Valenciana. O documento xa está dispoñible para a descarga e consulta. .
Amplía a nova>>
06/10/2023
A Academia do Audiovisual falla os VII Premios María Luz Morales
O Centro Cultural Marcos Valcárcel de Ourense acollía este 5 de outubro o anuncio do fallo da VII edición dos Premios María Luz Morales de ensaio e videoensaio sobre o audiovisual. A Academia Galega do Audiovisual concedeu estes galardóns, dotados con cadanseus 1.200 euros, a Iván Villarmea, Juan Ares, Manuel Iglesias e Miguel Casaseca, mentres Víctor López obtivo un accésit..
Amplía a nova>>
03/10/2023
A aldea ourensá de Facós distinguida como Lugar de Interese Cinematográfico da península
Representantes de oito Academias de Cine e Audiovisual da península presentaron no marco do VIIº Encontro de Academias de Cine e Audiovisual, que se celebra estes días en Ourense coincidindo co OUFF o novo distintivo 'Lugares de Interese Cinematográfico – LIC' e revelaron os oito espazos designados nesta primeira edición, un deles en terras galegas. A distinción LIC recoñece espazos de especial relevancia para a industria audiovisual, xa sexa polo seu valor na produción fílmica, a súa importancia histórica ou o seu significado simbólico. No caso do enclave galego, o primeiro LIC da nosa terra corresponde á aldea de Facós, en Lobeira (Ourense), lugar onde en 1940 tivo lugar a rodaxe da película documental do cineasta ourensán Antonio Fernández-Román con guión e produción de Xaquín Lorenzo 'Xocas', 'O carro e o home', que tivo dúas versións, unha delas a orixinal en castelán como "El hombre y el carro". .
Amplía a nova>>
03/10/2023
Os realizadores galegos dan o seu Premio CREA de Honra a tres festivais audiovisuais
CREA, a Asociación Galega de Profesionais da Dirección e Realización ven de outorgar o seu Premio de Honra engadindo un carácter conmemorativo ao galardón que supón un recoñecemento de achegas e traxectorias. Deste xeito o premio, meramente honorífico, repartese este ano
ex aequo entre tres festivais que fai 20 anos celebraron a súa primeira edición e hoxe seguen con puxanza manténdose en actividade e como referentes do mundo audiovisual: o Festival de Cans, o Play Doc de Tui e o Curtocircuíto - International Film Festival de Santiago de Compostela. Esta é a primeira ocasión que este premio dos realizadores galegos recae en festivais. Co galardón, CREA recoñece "o enorme traballo ao longo de 20 anos, apoiando sempre aos cineastas de Galicia e converténdose en citas de referencia para o audiovisual galego" destes tres eventos..
Amplía a nova>>
02/10/2023
A CRTVG apoiará o desenvolvemento de nove producións cinematográficas
No marco das accións de apoio dos medios públicos ao sector audiovisual de Galicia, a CRTVG daba a coñecer este 27 de setembro as producións cinematográficas que recibirán fondos da compañía para o seu desenvolvemento. Segundo anunciou a corporación, trátase de catro longametraxes de ficción, outros tantos documentais e un filme de animación os que conseguiron estes apoios en 2023..
Amplía a nova>>
02/10/2023
A Cuncha de Ouro para 'O Corno' marca un novo fito para o audiovisual galego
A longametraxe 'O Corno' ven de marcar un novo fito para o audiovisual galego, por partida dupla. Tras resultar seleccionada para competición oficial do 71º Festival Internacional de Cine de San Sebastián agora o filme ven de resultar vencedor, obtendo a Cuncha de Ouro, a máis alta distinción a un filme deste certame de máxima categoría entre os eventos cinematográficos internacionais. O feito de que unha película feita en Galicia e rodada en galego entrase na competición oficial do festival era xa un momento histórico, pero coa consecución do galardón acádase un fito novo e unha proxección internacional de dimensións considerables que conseguen para o cine feito en Galicia unha enorme visibilidade. A directora do filme, a directora e guionista Jaione Camborda (Donostia, 1983), donostiarra afincada en Santiago de Compostela, asinaba en 'O Corno' a súa segunda longametraxe. Na recollida do galardón da man da presidenta do xurado, a cineasta Claire Denis, Camborda quixo compartir o premio con Andrea Vázquez (Miramemira) e María Zamora (Elastica Films), produtoras canda ela do filme. E reivindicou a diversidade "que non fai máis que enriquecernos e facernos máis libres"..
Amplía a nova>>
29/09/2023
Falece Lhosca Arias, pioneiro da animación en Galicia
O cineasta e desenvolvedor web Lhosca Arias, creador da primeira curtametraxe de animación feita en Galicia, faleceu esta semana. A Academia Galega do Audiovisual recollía nas súas redes sociais este 28 de setembro a nova da desaparición de Arias, orixinario de Monforte de Lemos. .
Amplía a nova>>
27/09/2023
Unhas xornadas abordan as conexións literarias de Santiago
Explorar a conexión entre a literatura e a cidade a través de tres obras senlleiras. Este é o obxectivo co que nacen as xornadas
Palabra e imaxe ou xeitos de narrar Compostela, que se desenvolven na capital do país entre o 29 de setembro e o de 1 outubro vindeiros.
Trece badaladas de Suso de Toro,
Doentes de Roberto Vidal Bolaño e os
Seis poemas galegos de Federico García Lorca serán os eixes deste programa que inclúe concertos, rutas, conferencias ou obradoiros..
Amplía a nova>>
