18/06/2013
Os traballos de Lois Patiño abren un ciclo dedicado ao Novo Cinema Galego
Bilbao Arte é un centro de producción artística, dependente da Área de Cultura do concello de Bilbao que onte iniciou un ciclo dedicado ao Novo Cinema Galego. A primeira sesión tivo lugar onte cunha conferencia inaugural a cargo de Martin Pawley, comisario do ciclo, previa a proxección dos traballos de Lois Patiño. O propio Patiño estivo presente no coloquio posterior que xuntou a programadores e críticos galegos para falar do movemento. O ciclo, que se estende ata mañá continúa coa proxección dos traballos de Xacio Baño, Otto Roca, Xurxo Chirro, Marcos Nine e Margarita Ledo..
Amplía a nova>>
17/06/2013
O Apóstolo leva o premio do público en Annecy
O director do
O Apóstolo, Fernando Cortizo, recollía na noite de sábado o Premio do Público do festival de Annecy ao seu filme. Os asistentes a esta cita, considerada a máis importancia no campo da animación en Europa, recoñeceron esta produción galega, a primeira do continente en ser gravada mediante animación stop-motion en tres dimensións. O festival contou con 236 películas seleccionadas,das casi 2.500 que se recibiron desde 88 países..
Amplía a nova>>
14/06/2013
O CGAI regresa á Consellaría de Cultura tras integrarse en Agadic
Era unha vella reivindicación do sector e un dos flecos finais para que a unificación das competencias do sector audiovisual fose definitiva. O Centro Galego de Artes da Imaxe, adscrito desde 2005 a Presidencia da Xunta de Galicia, regresa definitivamente a Cultura. Faino a través da Axencia Galega das Industrias Culturais (AGADIC). Así o constata hoxe a disposición adicional quinta do Decreto 88/2013 que fixa a estrutura orgánica dos órganos superiores e de dirección dependentes da Presidencia da Xunta de Galicia. .
Amplía a nova>>
14/06/2013
Morre o actor Xosé Manuel Olveira "Pico"
Tras unha longa enfermidade, o actor Xosé Manuel Olveira "Pico" morreu esta tarde en Santiago de Compostela aos 58 anos de idade. "Pico" foi un dos máis destacados actores galegos destas dúas últimas décadas, cunha extensa carreira no cine e no teatro. Comezou a actuar en 1972 co grupo de teatro Ditea. No cine, as súas últimas películas foron
Somos xente honrada (2012, en estrea estes días),
Doentes (2011),
18 comidas ou Retornos (2011), ademáis de participar en boa parte das series de éxito da Televisión de Galicia, como
Mareas Vivas ou
Pratos combinados. A capela ardente cos seus restos mortais está instalada no Tanatorio de Boisaca (Sala 7) e o cadáver será inicinerado na intimidade familiar..
Amplía a nova>>
12/06/2013
Os cines Valle Inclán pechan o vindeiro 30 de xuño
É a fin dun ciclo. Os cines Valle Inclán de Santiago, os únicos que quedaban no centro da cidade, pechan a súa actividade. Farano o vindeiro 30 de xuño poñendo fin a trinta anos de proxeccións. Arrincaron en maio de 1983 cunha sesión de curtametraxes galegas froito do patrocinio de Víctor Ruppen logo da que continuou cun perfil de traballo estritamente comercial pero con cabida para o cinema de autor e independente. Naceu da man de Vicigasa que trasladou a Santiago un modelo de programación que desenvolvía o grupo Musidora e as salas Alphaville de Madrid. Pero a crise do sector e a competencia do centro comercial aberto recentemente fixeron inviable o proxecto e cesa a actividade. Con eles pecha un complexo de seis salas con 803 butacas e se reduce a oferta cinematográfica da capital galega. .
Amplía a nova>>
12/06/2013
Cineasta por vocación
Non é ningunha sorpresa afirmar que Roberto Vidal Bolaño (1949-2002) sempre quixo ser un cineasta. De feito, foron razóns cronolóxicas as que o impediron. “Cando ía estudar cine pechou a escola en Madrid e el sabía que en Galicia iso era un imposible” asegura Roi Vidal Ponte, o seu fillo, que está a elaborar unha biografía sobre a súa figura. Pero era un home teimudo e, na medida que puido fixo a súa contribución ao audiovisual galego. Aínda que esa faceta é a menos recoñecida neste ano que se recupera a súa figura tras serlle dedicado o Día das Letras Galegas..
Amplía a nova>>
10/06/2013
O Telexornal incluirá unha axenda cultural de carácter semanal
Descrición do espectáculo, onde estará e os días de exhibición da montaxe que poderá ser de teatro, danza, maxia ou calquera disciplina cultural. Esta é a información dos espectáculos que conformarán a axenda semanal que o Telexornal inaugurou esta fin de semana. O novo espazo é posible por mor dun convenio entre a Consellería de Cultura, Educación e Ordenación Universitaria e Televisión de Galicia (TVG). A axenda situarase despois do bloque dedicado bloque dedicado aos deportes e inmediatamente a continuación da carteleira de estreas cinematográficas. .
Amplía a nova>>
10/06/2013
A Puerta Fría vence no I Festival de Cine e TV Camiño de Santiago
Iolanda Vázquez e Manuel Manquiña conduciron a gala de clausura do I Festival de Cine e Televisión Camiño de Santiago. Un encontro que pretendía servir de referente do audiovisual feito no Estado e que abriu o seu palmarés concedendo o seu premio grande (10.000 euros) a
A Porta Fría dirixida por Xavi Puebla e protagonizada por Antonio Dechent e María Valverde. De feito, a actriz protagonista foi tamén galardoada por polo seu papel na película. O premio a mellor actor foi para Dario Grandineti, polo seu papel en
Inevitable , do director galego Jorge Algora. Esta fin de semana, tamén concluíu a cuarta edición do Súper8, un festival que bateu marcas de asistencia e concentrou a 8.000 persoas entre as sesións e actividades programadas. .
Amplía a nova>>
07/06/2013
A entrega de premios pon fin ao I festival de cine e televisión Camiño de Santiago
Hoxe remata o I Festival de Cine de Televisión Camiño de Santiago. Faino cunha gala na que se entegarán os premios a mellor película (dotado con 10.000 euros), mellor actriz e mellor actor. Pero non serán os únicos galardóns, xa que tamen hai premios para a mellor traxectoria audiovisual que este ano recae na actriz María Pujalte; ou para a mellor serie nacional que é para o traballo Gran Hotel que produce Bambú producións, liderada polo galego Ramón Campos. O premio Estela Solidaria vai para a Asociación AGARESO (Asociación Galega de Reporteiros Solidarios) polo traballo
As outras voces de Israel e Palestina, dirixido por Luisa Pérez Puga..
Amplía a nova>>
05/06/2013
O último filme de Xavier Bermúdez, O ouro do tempo, competirá en Karlovy Vary
Alfredo Méndez (Ernesto Chao) é un médico que leva corenta anos conservando o cadáver crioxenizado da súa muller trala súa morte. Como a súa saúde foi mermando, contrata a Corona (Nerea Barros), unha enfermeira nova que fai as veces de criada. Esta é a sinopse de
O ouro do tempo,o último filme de Xavier Bermúdez que compite na sección oficial do 48 Festival Internacional de Cine de Karlovy Vary (República Checa). Este traballo, rodado en galego e en Vedra, contou coa participación da CRTVG e unha subvención de Agadic (323.239,44 euros a produción). Este certame é xa coñecido por Bermúdez, lugar ao que asistiu en 2004 con
León e Olvido. O festival terá lugar do 28 de xuño ao 6 de xullo e entregaralle a Oliver Stone o Globo de Cristal, premio especial pola contribución ao mundo do cine..
Amplía a nova>>
