Novas ||| AVG ||| AudioVisual Galego

<< Anterior Siguiente >>

21/09/2004
A Sala Nasa acolle un ciclo de cine co que se presenta o Colectivo Brasileiro de Compostela

Brasil foi lugar de destino de milleiros de emigrantes e neles houbo unha irmandade pola nosa proximidade lingüística. E para reforzar esa relación nace o Colectivo Brasileiro en Compostela, quen se presenta oficialmente cun ciclo de cinema. Baixo o título “Cine brasileiro en mostra” proxectaranse na Sala Nasa cinco filmes cos que se pretende facer un repaso ao movimento cinematográfico “Cinema novo”. Hoxe abriranse as proxecións ás 21:00 horas con “Central do Brasil” de Walter Salles

Consulta o programa no web da Nasa

. Amplía a nova>>

21/09/2004
A curta "Minotauromaquia" gaña o premio do xurado do festival de Cádiz

"Minotauromaquia", a curtametraxe de Juan Pablo Etcheverry está en racha. Logo de ser seleccionada para o catálogo "Curtas04", acaba de gañar o premio do xurado do Festival de Cádiz á mellor curtametraxe. E pode ser o principio dunha serie, porque a curta foi seleccionada para participar nos festivais de Hiroshima (Japón), Palm Springs (Estados Unidos), o Matita Film Festival de Italia, o Golden Horse de Taipei (Taiwan) e o Bradford Animation Film Festival no Reino Unido.

Máis información sobre a curta na súa ficha

. Amplía a nova>>

21/09/2004
“O labirinto dos soños” e "Pinocho 3000" producións galegas no Forum Galicia 2004

Desde o mércores até o venres Santiago acollerá no Fórum Galicia 2004. Un evento que reunirá a 800 profesionais da animación de todo o mundo e no que mediante proxeccións, grupos de debate e negociacións coas televisións acordaranse mercas, acordos de distribución, edicións e merchandising. E neste mercado do audiovisual haberá dúas producións galegas, “O labirinto dos soños” da produtora Grándola Nova e "Pinocho 3000" de Filmax Animation. Este encontro está organizado e financiado polo programa europeo Cartoon, coa colaboración da Xunta de Galicia, que incluíu esta cita dentro da programación especial do Xacobeo.

Máis información no web da Asociación Europea de Animación (en inglés)

. Amplía a nova>>

21/09/2004
Aisge entregará no marco do Festival de Cine de Ourense o seu premio anual

Na pasada edición do Festival de Cine de Ourense Pilar Bardem e Isabel Blanco estiveron na cidade das Burgas para presentar a creación de Aisge, a fundación de Artistas e Intérpretes, que vela polos intereses dos actores a nivel económico e social. Este ano a fundación volverá a Ourense, pero agora para entregar o seu premio anual que recaerá nun galego, aínda non decidido pero no que o nome de Celso Bugallo sona con forza. Á falta dun mes e medio para que se celebre a nova edición do festival, hai outra novidade, que é que o Centro Galego das Artes de Imaxe colaborará coa edición dun libro dedicado ao ourensán Carlos Velo.

Máis información sobre as novidades desta edición no sitio web do evento e na nosa hemeroteca

. Amplía a nova>>

17/09/2004
A rodaxe de películas deixaron en Santiago 1.3 millóns de euros no último ano

Estes días Santiago acolle a rodaxe das películas “Residencial Caribe” de Ángel Peláez e “Saint Jacques” da cineasta francesa Coline Serrault. Unha mostra do que esta semana apuntaba o concelleiro de turismo, Francisco Candela, ao presentar os datos da Santiago Film Commission que apuntaban á multiplicación das rodaxes na cidade. Un feito que deixou na cidade do apóstolo tres millóns e medio nos últimos tres anos (do que o 55% corresponde á contratación de técnicos e artistas e o 15% a hostalería). Polo demais, Francisco Candela tamén apuntou que nas vindeiras semanas está previto a rodaxe de dous documentais e unha curtametraxe.

Máis información sobre os datos no web da Santiagoturismo.com

. Amplía a nova>>

17/09/2004
O Consorcio audiovisual de Galicia pon en marcha unha nova edición do catálogo de curtas

Logo do bo éxito que tivo o programa de promoción das curtametraxes Curtas03, o Consorcio Audiovisual de Galicia acaba de seleccionar os traballos que formarán parte de Curtas04. E eses traballos son: Minotauromaquia” presentado pola produtora Ignacio Benedeti Cinema S.L., “Minas” por SAGA TV, “Notamotof” por Rubén Coca PC, “A teoría do espello” por Lorelei Producciones e “La valiente” por Isabel Ayguavives

Máis información sobre Curtas04 no web do Consorcio audiovisual de Galicia

. Amplía a nova>>

15/09/2004
O Consorcio Audiovisual de Galicia edita en liña o Catálogo de Festivais Nacionais de Cine e Vídeo

Os festivais son eventos fundamentais para a promoción dos produtos audiovisuais. Para facilitar o coñecemento das características e condicións de acceso dos diferentes festivais do Estado, o Consorcio Audiovisual de Galicia en colaboración coa Academia Galega do Audiovisual presentou o “Catálogo de Festivais Nacionais de Cine e Vídeo”. O Consorcio busca a continuidade deste produto nos vindeiros anos. Deste xeito, “no 2005 tratarase de dotar o catálogo dun caracter internacional e deste xeito intentar favorecer o acercamento das producións galegas aos festivais internacionais”. O Catálogo pódese descargar dende a web do Consorcio en versións para PC e Mac.

Descarga o Catálogo na web do Consorcio

. Amplía a nova>>

10/09/2004
Máis seccións e máis convidados centran a remodelada semana de Cine de Autor de Lugo

Cando presentaba a 25º edición da Semana de Cine de Autor de Lugo, Manuel Curiel apuntaba ao feito de que podería ser a ultima. Pero lonxe de desaparecer, preséntase este ano cun programa reforzado con máis seccións e coa presenza de convidados de renome. Luís Tosar, que traerá “O agasallo de Silvia” dentro da acabada de crear sección de cine sobre mulleres; Julio Fernández recibirá a Medalla Fonmiñá e Margarita Ledo presentará “Santa Liberdade” dentro da nova sección sobre documentais. A cita será do 18 ao 26 de setembro en Lugo.

Máis información sobre a edición anterior, nas fichas das producións O agasallo de Silvia, Santa Liberdade e nas de Luís Tosar e Julio Fernández.

. Amplía a nova>>

08/09/2004
Alber Ponte comeza a rodaxe da súa longametraxe “O don da dúbida”

Da man da Productora Morta, Alber Ponte esta a rodar en O Grove a súa longametraxe “O don da dúbida”. O filme conta como dous irmáns moi diferentes, Xesús e Tomás, se atopan moitos anos depois por mor dunha circunstancia inesperada. A película conta cun orzamento de 240.000 euros e coa participación de actores como Luís Tosar, Jesús Cabrero e Tomás del Estal.

Máis información no web da Productora Morta

. Amplía a nova>>

03/09/2004
Hoxe chega ás carteleiras o filme de Amenábar sobre a historia de Ramón Sampedro

A historia do tetrapléxico Ramón Sampedro poderase ver a partir de hoxe nos cines. A película dirixida por Alejandro Amenábar, protagonizada por Javier Bardem (Ramón), Lola Dueñas (Ramona) e polos actores galegos Mabel Rivero, Celso Bugallo Chete Lera. A película, rodada en Riberia e na Coruña, conta tamén con músicos galegos, xa que Luz Casal versiona "Negra Sombra" e Carlos Núñez participa nunha banda sonora que foi composta por Alejando Amenábar. Polo demais, a través dun acordo entre Filmanova Invest e os produtores do filme, a TVG adquiriu os dereitos de emisión televisiva en lingua galega.

Máis información no web da película e no de filmanova

. Amplía a nova>>

Novas | 3961 a 3970 de 4285

<< Anterior Siguiente >>

<< Anterior Siguiente >>