Novas ||| AVG ||| AudioVisual Galego

<< Anterior Siguiente >>

13/09/2006
Especialistas de medios de comunicación estatais coñecerán de primeira man as producións audiovisuais galegas

O Consorcio Audiovisual de Galicia organiza esta fin de semana “Galicia, terra de cine”. Un programa polo que os especialistas de cine dos medios de comunicación coñecerán as producións que se están a facer no pais polos propios creadores. Unha iniciativa que se encadra dentro dos obxectivos do Consorcio de promover o noso audiovisual. Esta mesma fin de semana comeza en Lugo a XVIII Semana Internacional de Cine de Autor na que se exhibirán 52 producións. Entre as que figuran a concurso destaca “O portal”, unha mediametraxe rodada en Lugo dirixida polo galego Felipe Neira (Auditorio Gustavo Freire, día 24).

Máis información no web da Semana Internacional de Cine de Autor

. Amplía a nova>>

12/09/2006
Dez producións compiten polo premio á mellor micromovie en Curtocircuito

30 segundos deben ser suficientes para contar unha historia. Isto é o que pensaron os organizadores de Curtocircuíto, o festival de curtametraxes de Santiago cando crearon “Anacos”, unha sección na que entran todas as aquelas micromovies con duración inferior a trinta segundos. Xa coñecemos as finalistas, entre as que están títulos como “Diario de cicatrices” de Olaia Sendón ou “Contratempo” de Andrés Victorero. A gañadora saberase o vindeiro 21 de outubro no transcurso da gala de entrega de premios.

Máis información no web de Curtocircuito

. Amplía a nova>>

11/09/2006
A Consellaría de Cultura concede 4.758.206 euros en axudas audiovisuais

Carlos Amil (“A casa da luz” con 300.000 euros), Gerardo Herrero (“Unha muller invisible” con 300.000 euros) Alex Sampaio (“A veciña” con 299.900 euros) son algúns dos corenta proxectos audiovisuais que recibirán axudas da Consellaría de Cultura para a súa produción. Unha convocatoria que reparte 4.758.206 euros e que se engade as axudas concedidas a curtametraxes, a organización de festivais e a desenvolvemento de proxectos.

Máis información en Galicia Hoxee sobre as axudas na nosa hemeroteca

. Amplía a nova>>

06/09/2006
IB Cinema inicia a rodaxe da súa primeira longametraxe de animación mentres Miguelanxo Prado ultima a súa

O sector de animación vístese de longo. Desde que en 2001 Dygra iniciara a produción con “O bosque animado”, este xénero non parou de medrar. Os últimos traballos chegan da produtora IB Cinema e do polifacético creador Miguelanxo Prado. No primeiro caso porque estes días comeza a rodaxe de “Dentro de cada un de nós”, a curtametraxe que servirá de “teaser” (un avance da película e máis breve que un trailer) de “Linko Killer Machine”, a súa primeira longametraxe do xénero de animación. Por outra banda, falta menos para a estrea da ópera prima de Miguelanxo Prado “De profundis” prevista para mediados de outubro. E a Fundación Caixa Galicia acaba de anunciar que exhibirá doce óleos e corenta acuarelas e debuxos do artista, ou o que é o mesmo, as obras orixinais que deron orixe á película. A exposición poderase ver na sede pontevedresa da Fundación unha vez que se estree a película.

Máis información en El Ideal Gallego e nas fichas de “De Profundis” e “Linko Killer Machine”

. Amplía a nova>>

06/09/2006
O Consorcio Audiovisual de Galicia convoca unha nova edición do seu programa de promoción de documentais

O Diario Oficial de Galicia publica hoxe a convocatoria de “Doc. 06”, ou o que é o mesmo, o programa de promoción do documental que convoca anualmente o Consorcio Audiovisual. Un proxecto que se integra dentro do Plan de Internacionalización do Audiovisual, no que tamén figura Curtas 06, cuxa convocatoria aínda está aberta. Poderán participar neste programa os documentais realizados entre o 1 de abril de 2005 e o 31 de xullo de 2006 e o prazo de presentación de solicitudes remata o 5 de outubro.

Máis información no DOG (en .pdf) e no web do Consorcio Audiovisual de Galicia

. Amplía a nova>>

04/09/2006
O Consorcio Audiovisual convoca un curso de dirección fotográfica de cine e outro de dobraxe dentro do seu programa de formación

Chega setembro e con el a época de inicio dos cursos. O Consorcio Audiovisual de Galicia acaba de convocar dous novos cursos de formación. Dunha banda, en colaboración coa Escola e Cine de Audiovisuais de Cataluña (ESCAC) un curso sobre Dirección de Fotografía Cinematográfica. Da outra e coa Fundación AISGE abren a convocatoria para o "Curso de Iniciación á Dobraxe", que terá lugar do 3 ao 27 de outubro. Non son os únicos, xa que mañá comezará o de perfeccionamento da dobraxe, o día 11 un de voz e para o mes de novembro está previsto un de inglés audiovisual.

Máis información no webConsorcio

. Amplía a nova>>

31/08/2006
A sétima proxección de “Curtocircuíto na Rúa” presenta unha escolma de traballos de ficción españois

O meu tío Paco, AB+, Proverbio Chinés, Cazador de enerxía, Sintonía, No bosque, Casa, DVD, Carne de neón, Ponys e Polgares arriba integran a sétima sesión do programa “Curtocircuíto na Rúa” integrado dentro do festival de curtametraxes do concello de Santiago “Curtocircuíto”. Ademais das proxeccións (Bonaval, 22:00 horas) o programa de hoxe complétase coa música dos composteláns Blue Mouse.

Máis información enCompostela Cultura

. Amplía a nova>>

23/08/2006
A sexta proxección de “Curtocircuíto na Rúa” presenta unha retrospectiva dos traballos emitidos

O xoves 24 ás 22:00 horas, a praza de abastos de Santiago acolle unha nova quenda de proxeccións de “Curtocircuíto na Rúa”. Un evento que desta volta ofrecerá unha retrospectiva das mellores curtas de realizadores galegos. Os traballos de Jorge Coira, Chema Gagino, Marise Brostel, Paco Rañal, Álex Valle e Chano Piñeiro compartirán espazo coa banda “Jordanais” noutra noite de cine e música.

Máis información en Curtocircuito

. Amplía a nova>>

22/08/2006
Tres volumes de Pepe Carreiro servirán para ensinar linguaxe audiovisual aos nenos

“Como se fai o cinema”, “Como se fan os debuxos animados” e “Como se fai a televisión” son os títulos dos tres libros do debuxante Pepe Carreiro que se incorporan ao programa “Audiovisual nas aulas”. É dicir, son os libros cos que alumnos de noventa centros de infantil e primaria (o ano pasado foron sesenta) se iniciarán na linguaxe audiovisual. Unha iniciativa que naceu no 2003 e que pretende que os escolares teñan entre as súas materias de estudo as claves que lle permitan entender e descodificar correctamente os productos audiovisuais.

Máis información en La Voz de Galicia, El Correo Gallego, La Opinión; sobre “Audiovisual nas aulas” na nosa hemeroteca e sobre Pepe Carreiro no noso soportal de Banda Deseñada

. Amplía a nova>>

21/08/2006
A segunda edición de Nova Factory pretenderá por en valor a distribución como unha peza clave do futuro do audiovisual

Oleiros acollerá do 28 de setembro ao 1 de outubro a segunda edición de Nova Factory. Trátase dun evento que pretende dar a coñecer a produción audiovisual a través de tres iniciativas: un foro, unha mostra e un mercado. A edición deste ano segue fiel aos principios iniciais, que eran os de servir de lugar de debate sobre o futuro do audiovisual e centrarse na importancia no ámbito da distribución, pero este ano contará con máis espazo expositivo e máis participantes nas súas actividades.

Máis información no web do evento

. Amplía a nova>>

Novas | 3561 a 3570 de 4285

<< Anterior Siguiente >>

<< Anterior Siguiente >>