Novas ||| AVG ||| AudioVisual Galego

<< Anterior Siguiente >>

17/08/2006
Os documentais chegan na quinta edición de “Curtocircuíto na Rúa”

“¡Niño! Que en Puerto Real Tor mudo es municipá!” de Paco Rodríguez, "Nach dem fall" do suízo Marcel Wyss;"Les egoutiers de Paris"(Os alcantarilleiros de París), do francés Fred Menier, "Trogloditas"de Ana Sarasa e "Rape for who I am” (Violada por quen son), da británica Lovinsa Kavuma é o programa da quinta edición de “Curtocircuíto na Rúa” (Praza de Abastos, 22:00 horas). A edición de hoxe, que conta co grupo de DJ Cable&Cera Extrema, céntrase nas curtametraxes documentais.

Máis información enCurtocircuito

. Amplía a nova>>

17/08/2006
Empresas do audiovisual galego desenvolven a súa propia tecnoloxía para filmar as súas producións

“O bosque animado” foi a primeira longametraxe de animación galega. Pero é moito máis ca iso, é tamén unha produción na que Dygra films tivo que desenvolver un software específico para crear a vexetación e os animais. Dygra non é a única empresa galega que deseña as súas propias técnicas, segundo publica hoxe “La Voz de Galicia”, a factoría IBCinema precisaba un aparello que lle permitise gravar as imaxes de xeito especial. Iso foi o que lles levou a poñerse en contacto co Centro de Investigación e Servizos de Ferrol (CIS) e, entre os dous, adaptaron unha máquina industrial ao cine.

Mais información en La Voz de Galicia e sobre o Dygra Films e IB Cinema en AVG

. Amplía a nova>>

01/08/2006
Carballiño, Ribadeo e Bueu inician hoxe os seus festivais de cine

Hoxe, primeiro de agosto, comezan as vacacións para moitos, e tamén o inicio de numerosos festivais cinematográficos. Por orde de antigüidade comezamos en Carballiño, onde a actriz Isabel Blanco será a invitada especial do acto inaugural (Auditorio, 22:30 horas coa proxección “Un franco, 14 pesetas”). Seguimos en Ribadeo, onde ten lugar a segunda edición de “On & Off”, o festival de curtametraxes que organiza o concello e a produtora Mr Misto, que contará cunha sección oficial de proxeccións e unha rodaxe polas rúas da vila. Por último, o concello de Bueu proxecta esta noite oito curtametraxes na xornada inaugural de “Centolo Films 2006” que continuará ata o vindeiro sábado.

Máis información sobre as Xociviga en La Región e na nosa hemeroteca; sobre “On & Off” no seu web e sobre “Centolo Films 2006” no web do Concello de Bueu

. Amplía a nova>>

31/07/2006
Coñécense as axudas públicas á organización de festivais de cine mentres arrincan as Xociviga no Carballiño

A Dirección Xeral de comunicación Audiovisual acaba de facer públicas as axudas a organización de festivais de cine no noso país, segundo informaba esta fin de semana "La Región". Segundo estas axudas, o Festival de Ourense verá reducida a axuda pública en 20.000 euros, quedándose cun subsidio de 70.000. Ao tempo, Cineuropa, en Compostela, contará cun apoio de 75.000 euros. Esta nova chéganos ao tempo que se anuncia a posta en marcha da veteranas Xornadas de Cine e Video de Galicia (Xociviga), que se celebran a partir de mañá no Carballiño.

Máis información sobre as axudas aos festivais en La Región ; sobre as Xociviga en La Voz de Galicia

. Amplía a nova>>

20/07/2006
Pilar Comesaña é a nova xerente da Academia Galega do Audiovisual

A produtora Pilar Comesaña, responsable da serie "Pratos Combinados", acaba de ser nomeadas pola Academia Galega do Audiovisual como nova xerente. Comesaña asumirá agora, entre outras funcións, a coordinación dos talleres e cursos deste organismo, así coma dos premios Mestre Mateo e das xornadas "Academia Aberta".

Máis información en Galicia Hoxe e nos nosos arquivos

. Amplía a nova>>

20/07/2006
Arrinca en Compostela o programa "Curtocircuíto na Rúa" con música e un repaso das curtas do ano pasado

Por terceiro ano consecutivo, as rúas e prazas de Compostela acollen os filmes de Curtocircuíto, un dos máis orixinais eventos do noso audiovisual. Ata o vindeiro sete de setembro proxectaranse nestes espazos públicos filmes de curta duración combinados con actuacións musicais. A proposta comeza hoxe na Praza do toural co actuación dos DJ`s Jordanairs e a proxección dunha selección das curtas que xa se puideron ver o pasado ano.

Máis información en La Voz de Galicia en Galicia Hoxe e nos nosos arquivos

. Amplía a nova>>

19/07/2006
O documental galego “A casa da miña avoa” estréase nos Estados Unidos

Por primeira vez un documental galego chega ás salas comerciais dos Estados Unidos. Trátase de “A casa da miña avoa”, un filme de Adán Aliaga producido pola coruñesa IB Cinema. A estrea está prevista para o vindeiro 28 de xullo en Los Ángeles, e logo a película distribuirase en 27 salas de todo o país.

Máis información en Vieiros e en AVG

. Amplía a nova>>

19/07/2006
R ultima a posta en marcha de dúas canles de televisión á carta que serán accesibles desde o móbil

Dúas novas canles de televisión interactiva á carta, unha delas dedicada ao cine e outra centrada na formación didáctica, son a proposta de R para 2007. A compañía pretende iniciar en outubro unha fase piloto deste proxecto. Entre as posibilidades destas novas canles, a empresa galega quere incluír a súa recepción a través de terminais de telefonía móbil e de Internet.

Máis información en La Voz de Galicia, e en El Correo Gallego

. Amplía a nova>>

18/07/2006
O Centro Galego de Artes da Imaxe acollerá un obradoiro da Filmoteca Española, que inicia así a descentralización das súas actividades

A Filmoteca Española está a iniciar un proceso para descentralizar as súas actividades. A primeira parada nesta iniciativa será o vindeiro mes de novembro o Centro Galego de Artes da Imaxe, na Coruña. Este espazo acollerá un obradoiro sobre arquivos fílmicos entre os días quince e dezasete de novembro, unha actividade na que tamén participa a CRTVG e que pretende unificar o traballo que a este respecto se desenvolve no país.

Máis información en Galicia Hoxe

. Amplía a nova>>

14/07/2006
Sesenta e tres proxectos benefícianse da convocatoria de axudas a curtametraxes da Consellaría de Cultura

Ó final foron 172 as propostas que se presentaron á convocatoria de axudas á produción curtametraxes en lingua galega da Consellaría de Cultura. Destas, seleccionáronse sesenta e tres proxectos entre os que se repartirán 512.000 euros. O filme de animación "Un ollo de vidro" de Dygra Films, foi o que levou unha maior contía, con 20.000 euros de subvención. O xénero que tivo máis axudas foi a ficción, cun 46% do total, seguido polos documentais e mais os proxectos experimantais, cun 19% cada un.

Máis información neste pdf co resultado das convocatorias

. Amplía a nova>>

Novas | 3571 a 3580 de 4285

<< Anterior Siguiente >>

<< Anterior Siguiente >>