29/03/2011
Mundos Dixitais revalida a súa aposta coas tecnoloxías audiovisuais
O vindeiro 6 de xullo comeza unha nova edición do festival Mundos Dixitais, un encontro especializado en novas tecnoloxías audiovisuais. Como é habitual, a organización acaba de dar a coñecer un dos reclamos de cada edición, que este ano recae en Terrence Masson, o director de Creative Industries da Northeastern University, coñecido por ser un dos produtores de filmes como Star Wars, Hook ou Entrevista co vampiro. A cita, que terá lugar entre o 6 e o 9 de xullo, acaba de abrir o prazo de presentación de solicitudes do certame de curtametraxes de animación. .
Amplía a nova>>
28/03/2011
Mr Misto abre en Vilagarcía un espazo de formación audiovisual
O vindeiro día 25 de abril abre en Vilagarcía (na Rúa Vista Alegre nº 32 baixo) un SPAF. Un espazo de formación en imaxe e son que chega da man da produtora Mr Misto. Este novo concepto permite aos participantes “porse na pel dun actor, aprender a deseñar personaxes de banda deseñada, introducción no mundo dos efectos especiais, edición de audio e música ou vivir unha experiencia única facendo unha peli en inglés”, tal e como figura no seu sitio web, son algúns dos cursos que o SPAF Mr Misto programa para o mes de abril..
Amplía a nova>>
28/03/2011
Chegan os mestres
Jorge Coira, Dani de la Torre, Enrique Otero e Luís Avilés Baquero. Un deles farase o vindeiro día 17 de abril co premio a mellor director na Gala dos Mestre Mateo. Son novos, algún estreánse como directores de longametraxes pero entre todos sintentizan o talento do audiovisual galego. As súas películas acaparan un maior número de candidaturas dunha edición que chega con moitos axustes..
Amplía a nova>>
25/03/2011
A Xunta aproba as bases de 84 licenzas municipais de radio FM
O Consello da Xunta aprobou onte as bases para sacar a concurso público 84 licenzas de radio en FM que afectarán a 40 municipios galegos. As bases, que sairán publicadas no DOG en abril, deberán estruturarse en tres bloques (proposta de programación, económica e tecnolóxica). Segundo se anunciou onte na rolda de prensa posterior ao Consello da Xunta, o Goberno galego terá, entre os criterios de valoración, o compromiso de emitir en galego por riba do límite marcado pola lexislación vixente..
Amplía a nova>>
23/03/2011
O Teatro Rosalía acolle a estrea de A casa da luz , película para público infantil
En plena rodaxe, alá polo ano 2008, o produtor Xosé Cabanas Cao definiuna como unha película “para nenos comprendidos entre 9 e 99 anos, pero pensada para os máis pequenos”. Dirixida por Carlos Amil e baseada na novela homónima de Xabier Docampo, conta a historia dun grupo de nenos que descubren un cadro que garda relación coa misteriosa desaparición de Duarte, un pintor e ex profesor de plástica co que adoitaban xogar. O filme que levaba dous anos na procura de distribuidora, chega ahora ás carteleiras grazas a pases privados destinados a docencia. Así o publica hoxe
El Progreso, que informa da estrea o vindeiro 3 de abril no Teatro Rosalía de Castro da Coruña..
Amplía a nova>>
23/03/2011
María Pujalte recibirá o premio de honra do Festival de Cans pola súa traxectoria
María Pujalte recolle o testemuño deixado por Luis Tosar ou Celso Bugallo e recibirá o vindeiro 20 de maio o premio de honra Pedigree’11. Un galardón co que o Festival de Cans recoñece a súa traxectoria dende os seus inicios no mundo do audiovisual en Galicia. Canda ela, os chimpíns de prata (que premian o apoio ao festival) irán para o actor e presentador Roberto Vilar e para o veciño Serafín Campos Bargiela. A organización está a pechar a programación dunha nova edición (do 18 ao 21 de maio) ao que se presentaron máis de 70 curtametraxes de ficción, animación e documental e uns 50 traballos para o concurso específico de videoclips. O festival estrea nesta edición a publicación oficial, o
Canzine dirixida por Diego Giráldez e Amparo Rodríguez Ojea..
Amplía a nova>>
21/03/2011
Aulas a ritmo de cine
Estudantes, audiovisual e materia de estudo. Esta é a combinación sobre a que se asenta “Audiovisual Escolar Galego”, unha iniciativa persoal dun profesor do IES de Porto do Son, David Pérez, que nunha semana agrupou nun portal máis de 1.500 vídeos. Todos responden a unha mesma premisa: ser traballos feitos en clase por escolares de Primaria ou Secundaria, malia que non é unha materia obrigatoria no currículo. Ademais, teñen convocada en maio unha cita para analizar e tentar converter esta inciativa persoal nun proxecto máis organizado..
Amplía a nova>>
17/03/2011
Galicia perdeu 450.000 espectadores de cinema en 2010
O pulo dos filmes 3D deixou de se notar na asistencia ás salas galegas de cinema. Se en 2009 se dera un lixeiro incremento na venda de entradas, atribuíble a este fenómeno, en 2010 perdéronse 450.000 espectadores no noso país. Así o revela a explotación que realizou o Observatorio da Cultura do Consello da Cultura Galega de datos do Instituto da Cinematografía y de las Artes Audiovisuales. A cifra supón un descenso de espectadores o 11% interanual, moi superior á perda dun 7,5% que se deu no Estado de media. A nivel de recadación, no entanto, os 24,5 millóns de euros que se obtiveron este ano son só 2% menos que en 2009, o que se explica polo incremento no prezo da entradas, que quedaron en 6,62 euros de media no noso país..
Amplía a nova>>
17/03/2011
Importante presenza galega no Festival de Videoarte Latina de Nova York
A comunidade de artistas latinos ten unha cita importante coa videocreación do 24 a 27 de marzo no Centro Rei Juan Carlos I da Universidade de Nova York. É as datas nas que se desenvolve Region O, o festival de videoarte latina de Nova York. Un encontro que ten unha importante presenza galega por dúas bandas. Dun lado, a comisaria e encargada da selección das pezas é a galega Eva Mendoza Chandas e, polo outro, que varios artistas do noso país figuran na lista de convidados. Féliz Fernández, Vicente Blanco, Mal Caldas ou Lois Patiño son os nomes galegos presentes nun encontro que representa as tendencias actuais da creación audiovisual..
Amplía a nova>>
16/03/2011
O documental de Carlos Núñez abrirá unha nova edición do Play Doc
Alborada no Brasil é o título do último traballo musical de Carlos Núñez, que xurdiu en paralelo a
Brasil somos nós, o documental que conta como vai na procura do seu bisavó desaparecido en Brasil, supostamente asasinado por outro músico. Alí, descubrirá parte das súas orixes e sentirá os vínculos que o atan á tradición musical galaico-portuguesa que se poden apreciar no último traballo do músico. Este documental abre unha nova edición de Play Doc, o festival deste xénero, que se desenvolve en Tui do 30 de marzo ao 3 de abril..
Amplía a nova>>
