A campaña de Cova Eirós fecha con novos achados

A Universidade de Santiago de Compostela acaba de anunciar o feche dunha nova campaña de escavacións no depósito de Cova Eirós, en Triacastela, onde se atoparon novos restos vencellados a neandertais. A pescudas realizadas ao longo deste ano centráronse nos niveis mais antigos da cova, datados entre 84.000 e 120.000 anos e permitiron comprobar que o lugar era empregado para estadías cortas. Segundo sinala a nota da USC, os materiais localizados "poden relacionarse con estancias curtas e breves, enfocadas á caza e procesado das presas da contorna, ademais doutras actividades como a talla de cantos de seixo procurados nos ríos próximos ou o traballo de peles". Canda a restos de animais, atopáronse tamén ferramentas e unha boa cantidade de puntas de frecha da industria lítica Levallois.

A cova é o único depósito do país no que teñen aparecido ferramentas e fauna vencellados aos neandertais, así como a únicas pinturas rupestres do paleolítico que se conservan en Galicia. As investigacións realízanse da man do Grupo de Estudos para a Prehistoria do Noreste (GEPN) da USC, en colaboración co Institut Català de Paleoecologia Humana i Evolució Social (IPHES) co apoio da Consellaría de Cultura, que achegou 30.000 euros ao proxecto. Diferentes colectivos teñen denunciado o risco de degradación que corre este depósito pola cercanía dunha canteira en activo.