Vista do achado. Fonte: USC
Cautela ante o achado porque aínda están á espera das probas como as da datación radiocarbónica, pero as hipóteses apuntan cara pinturas e gravados rupestres nas paredes da Grande Sala da escavación de Cova Eirós en Triacastela. Trátase, segundo unha nota remitida pola cosellaría de Educación e Cultura, “dun dos descubrimentos patrimoniais máis importantes acontecidos en Galicia”. Hoxe presentáronse os resultados da última das campañas, a quinta, dun proxecto que pretende comparar as materias primas e as estratexias de subsistencia do homo sapiens e do homo neanderthalensis.
Esta é a quinta campaña que se realiza neste espazo no que están implicados equipos de técnicos investigadores conformado das Universidades de Santiago de Compostela e da Rovira e Virgill – IPHES, coa autorización da Dirección Xeral de Patrimonio Cultural. Ata o de agora, xa se localizaron varios niveis de ocupación do Paleolitico Medio e Superior de entre 85.000 e 35.000 anos, ademais de comprobarse que a cova foi ocupada na Idade de Bronce e Media.
*Información actualizada coa galería fotográfica o 21/08/2012
