ADEGA leva á Fiscalía as actuacións de COSMOS e da Xunta na Cova Eirós

Segundo ADEGA, a actividade mineira da empresa mineira COSMOS chegou ata a pranta da Cova Eirós, un sitio arqueolóxico fundamental para coñecer a prehistoria máis antiga de Galicia e na que se conservan as pinturas rupestres máis antigas do país. "Como consecuencia da eliminación da capa de solo", advirte ADEGA, "e do material xeolóxico que protexía plata da cova, a infiltración de augas superficiais aumentou considerablemente producindo a entrada de auga que escorrega polas paredes da cova, co risco de destrución das pinturas e gravados do interior". ADEGA solicitou a intervención da Fiscalía de Medio Ambiente e Patrimonio do Tribunal Superior de Xustiza de Galicia, instando á paralización cautelar das obras.