Os teus personaxes: Stephen Dedalus, un irlandés errante

Unha lembranza entrañable a eses personaxes de lecturas adolescentes como compatriotas do universo máxico lector.

Se, tal como se afirma, a infancia é a patria do escritor, hai que admitir que a adolescencia é a do lector. Nesta idade o veneno da literatura entra sempre máis fondo. Por iso cómpre ler antes dos vinte anos a novela de aprendizaxe de James Joyce, "Retrato do artista cando novo", para así estar en disposición de experimentar unha identificación case perfecta entre lector e personaxe. .


O percorrido vital e intelectual de Stephen Dedadus corre parello ó do lector. Coa vantaxe, ademais, de que despois convén achegarse ó "Ulises" e comprobar, deste xeito, qué tería sido de Dedalus de non optar polo exilio literario (como o propio Joyce): pois que remataría converténdose en Leopold Bloom. Pero aquí o temos de novo, na gran novela do irlandés. Detida a súa evolución no punto final da adolescencia. Un mozo valente, inxenuo, lúcido e un punto arrogante.



Por Fernando Redondo