Mercedes Castro

Mercedes Castro
Actriz
Nome completo: Mercedes García Castro
Pontecesures (Pontevedra)    
Web propia

---

Actriz que desenvolve a súa carreira fóra de Galicia desde os anos oitenta. Traballou en teatro, cine e televisión. Colaborou en numerosas longas como “Pídele cuentas al rey” (J. Antonio Quirós, 2000) ou “Incautos” (Miguel Bardem, 2004), e noutras de produción galega. Realizou papeis en numerosas teleseries de ficción para TVE (“Turno de Oficio”, “Cuentame como Pasó”), Antena 3 (“Todos los hombres sois iguales”) e Tele 5. Tamén ten desenvolvido tarefas de axudante de casting, asistente teatral e “coach” persoal.

Premios e recoñecementos: Ten sido nominada dúas veces aos premios da Unión de Actores de Madrid polos seus traballos en teatro. Recibiu o galardón á mellor interpretación feminina no Festival de Cortos de Mula (Murcia 2003) por “A petición de man”.

Formación específica: Licenciada en Arte Dramático pola R.E.S.A.D., conta con cinco anos de estudos de interpretación no Instituto Juan Carlos Corazza en Madrid. Ten realizado múltiples cursos de interpretación, traballo corporal, dramaturxia e voz con especialistas españois e estranxeiros como Augusto Fernández, Lidia García, Mariano Barroso ou Bettina Weissman.