Novas ||| AVG ||| AudioVisual Galego

<< Anterior Siguiente >>

15/04/2003
O Auditorio de Galicia acollerá o 7 de xuño a entrega dos premios Mestre Mateo

Os premios do audiovisual galego Mestre Mateo (antes Agapi e Chano Piñeiro) entregaranse o vindeiro 7 de xuño no auditorio de Galicia. Así o ratificaron onte o presidente da Academia do Audiovisual, Ernesto Chao, e o conselleiro de Cultura, Xesús Pérez Varela asinando un convenio polo que a administración aportará 60.000 euros ao evento. A gala de entrega será retransmitida pola Televisión de Galicia.

Máis información en La Voz de Galicia; en El Correo Gallego e no Faro de Vigo. . Amplía a nova>>

10/04/2003
¿Cómicos ou estrelas? Foi a pregunta á que trataron de contestar os actores convocados pola Academia Galega do Audiovisual

Non hai estrelas pero si personaxes moi coñecidos. Esta foi a principal conclusión á que chegaron os profesionais no primeiro debate do Foro Academia Aberta que ata mañá se desenvolve en Santiago organizado pola Academia Galega do Audiovisual. Moderado por María Bouzas, Rosa Álvarez, Sonia Méndez, Miguel de Lira, Luís Tosar, Antonio Mourelos, Scott Cleverdon e Isabel Blanco abordaron os principais problemas que teñen como profesionais do sector audiovisual.

Máis información en La Voz de Galicia . Amplía a nova>>

10/04/2003
O CGAC acolle hoxe a preestrea de Sara, a primeira película de televisión rodada en galego

Sonia Castelo, Francisco Campos, Manuel Botana e María Bouzas son os protagonistas de “Sara” a primeira película para televisión rodada en Galicia e en galego. Dirixida pola catalana Silvia Quer é unha producción autonómica feita por IB Cinema, Alea TV, Bausan Films, Televisión de Catalunya e a Televisión de Galicia. O filme, que aborda a violencia de xéneros nas clases altas, preséntase hoxe ás 20:30 no CGAC e aínda non ten data de emisión.

Máis información no Faro de Vigo e en La Voz de Galicia . Amplía a nova>>

09/04/2003
Un festival levará traballos audivoisuais polas rúas de Compostela ata o dez de xuño

Desde hoxe e ata o vindeiro dez de xuño en mércores alternos as prazas e rúas de Compostela servirán de escenario dun festival de curtas. Trátase dun evento organizado polo Comité Antisida de Santiago e a Productora Morta, en colaboración con Localia e co Concello de Santiago. A primeira cita será esta noite ás 21:30 na praza Salvador de Parga.

Máis información en La Voz de Galicia . Amplía a nova>>

07/04/2003
O cineasta manchego Pedro Almodóvar rodará a súa próxima película en Galicia

Pedro Almodóvar é o último en sumarse á moda de rodar en Galicia. A súa próxima película titularase “La mala educación” e narra o encontro de dous rapaces tempo despois de coñecérense nunha escola relixiosa do franquismo. Ademais da localización galega, o filme de Almodóvar contará coa participación de Filmanova, a productora dirixida por Antón Reixa, de Caixanova e co apoio da Consellería de Cultura.

Máis información en A Nosa Terra . Amplía a nova>>

04/04/2003
Rafael Cid dirixe un documental que narra as penurias dos que construíron a liña de tren Pobla de Sanabria-Ourense.

Entre 1927-1957 milleiros de traballadores galegos construíron en pésimas condicións a liña do ferrocarril entre Pobra de Sanabria e Ourense que se mantén hoxe en día. Un traballo no que se deixaron a pel e mesmo a vida. Recuperar a memoria esquecida das penurias dos traballadores é un dos cometidos do documental “Carrilanos. Os túneles do tempo”. O traballo elaborado polo xornalista Rafael Cid preséntase mañá día 5 no cine Bos Aires de Verín ás 19:30.

Máis información en La Región . . Amplía a nova>>

31/03/2003
Dygra presenta con éxito en Berlín “O soño dunha noite de San Xoán”

Logo do éxito conseguido con “O bosque animado”, a productora coruñesa Dygra quere repetir os seus resultados coa súa segunda longametraxe “O soño dunha noite de San Xoán”. E a súa presentación en sociedade non puido ser mellor. A obra, inspirada na obra de Shakespeare “O soño dunha noite de verán” acaba de ser presentada en Berlín e varios países están interesados en mercala.

Máis información en La Voz de Galicia . Amplía a nova>>

28/03/2003
A Xunta potenciará a formación en animación en 2D e 3D a través da Cartoon European Association of Animation Film

O interese da Xunta en apoiar o sector audiovisual non descoida a animación. Por iso, o Consello da Xunta de onte aprobou un convenio (que logo terá que ser asinado) polo que a Consellería de Cultura e a Cartoon European Association of Animation Film promoverán actividades de formación sobre novas tecnoloxías de animación en 3D que se organizarán en Galicia. Estas actividades terán un orzamento de 180.000 euros.

Máis información no Consello da Xunta (en .pdf) . Amplía a nova>>

26/03/2003
A curta "Bobo Furcia" da productora Ciudadano Frame nominada aos premios Mestre Mateo

O segundo traballo da productora lalinense Ciudadano Frame está seleccionado para os premios Mestre Mateo na mellor producción en curtametraxes. E non só iso, xa que acaba de ser seleccionada, para competir na sección de Panorama en Curta do Festival Internacional de Cine das Palmas de Gran Canaria, onde terá que medirse con outra curta galega “As muxicas”. Ademais, Ciudadano Frame está de noraboa porque o seu primeiro traballo “Alzheimer”, que obtivo seis premios, acaba de ser adquirida polo Instituto Cervantes de Nova York.

Máis información no Diario de Pontevedra. . Amplía a nova>>

25/03/2003
A Xunta, Caixa Galicia e a CRTVG desenvolven un proxecto para ensinarlles aos rapaces a seren críticos coa televisión

Rematar co tópico da televisión como "caixa boba" é un dos principais obxectivos que pretenden conseguir as Consellería de Familia e Educación, Caixa Galicia e a CRTVG. E para iso acaban de presentar un proxecto chamado “51 Palabras para falar da tele” que pretende fomentar unha actitude crítica debatendo sobre 51 conceptos que eles propoñen. Ademais, o proxecto complétase con “O Xogo dos Mirabéns” que é un taboleiro de preguntas referidas a coñecementos técnicos elementais sobre televisión, actitudes e comportamentos. . Amplía a nova>>

Novas | 4191 a 4200 de 4285

<< Anterior Siguiente >>

<< Anterior Siguiente >>